بنات شو هو ردة فعلكن لو....؟

السلام عليكم ورحمة الله وبركاته

مرحبا أخواتي اليوم بطرح لكن موضع وأتمنى من كل البنات أو على الأقل اللي يعانون بمثل اللي أعانيه يرودن علي ولو رد بسيط يجبر بخاطري لأني من جد منقهرة.


أنا اهل زوجي ساكنين في منطقةغير المكان اللي اسكنه أنا وزجي تبدءا معاناتي لما يجو أهل زوجي لزيارتنا وقفة بسيطه(رجاءا ما أريد حد يفهمني غلط ) وطبعا زيارتهم تستدعي المبيت

على كل زيارة يجون فيها أخته وزوجها و|اولادهم يتحطم وينكسر شي في البيت والأهل ولا هما هنا ولا على باللهم.

أبتدت هالأشياء من أول مولود لي وطبعا رحت بيت أهلي أتنفس وجو هم جزاهم الله خير من بلدهم عشان يباركون لي بالمولود الجديد في بيت أهلي ومن خلصت التبريكات راحو لبيتي عشان ينامو فيه طبعا أبو أنوار ما قصر ذبح لهم ذبيحة والجماعة شحوها وأطبخوها في بيتي يعني صار البيت بيتهم وبيت زوجات أخوانه وأولادهم و ما قلنا شي من خلصت من نفاسي يوم رجعت البيت :cry: والله انقهرت من الشي اللي شفته الدواليب امفتشه ومطلعة أغراضه مكتبة التيلفزيون امكسر لها بيبانها الزجاجية الكنبه منكسرة من صوب لدرجة أن القماش اللي يغطيها أنشرخ ووصل لحد الخشب وتكسر الخشب الظاهر أولادهم كانو يتنططو فيها يفتكرو جايين حديقة .

وسكتت وما قلت شي وخاصة أنه فرحه أول مولود طغت علي وعمت عيوني وقلت يالله معليه أواسي نفسي وقلت بيت إجار وأثاث مش من الغالي عشان أتحسر عليه(طبعا انتو أدرى بأسعار الأثاث وأنه هالأيام ما في أثاث رخيص)


(وطبعا على كل زيارة ينقلب البيت مزبلة )

نجي عاد للحاظر طبعا بنينا بيت والحمد لله و|انتقلنا فيه لو احلف لكم يا اخواتي بعدكم بتستغربو من الوضع على كل زيارة قسما بالله ينكسر شي بالبيت وأنا من سكنت بيتي الجديد ما أحط له ولآ افرش له غير من احلى واغلى الأشياء لني أقول هذا بيتي وسكنتي وخلاص لازم أدلع البيت دلع على كيفي ومزاجي .
ولو اظل احكي لكم الأحداث واللأمور اللي اتصير بتقولو معقوله؟؟؟؟

والمشكله ان اللي يخرب هالأشياء أولادهم ومافي حد فيهم صغير كلهم سن مدرسة كنت فارشة الصاله تفصيل من ستاير ومن كنب ومن زوليه على نفس الشكل ومن طاولات المهم طقم كامل أول شي أنكسرت الزجاجه اللي اتغطي الطاوله واللي بعدها الطاوله الثانية وبقت طاوله وحده بس الله يستر عليها بعد.
معظم التحف والمزهريات تكسرت.

نجي لغرفة المعيشة اللي نتجمع فيها أنا وزوجي حاطة فيها كنب وطاولات وغطاء الطاوله من الزجاج هنه طاولتين والزجاج اللي فيهم تكسر .
وحده من الستائر مخلوعه

يعني شو أحكي لكم وشو اخلي من جد ومن خاطري منقهرة بس شو أعمل عشان خاطر زوجي وعشان خاطر أنا ما احب حد يزعل مني يعني لو لقحت كلمه من هنا ومن هناك ممكن اتسبب حساسية وعلى قولة أمي هذا مال زائل ومافي داعي أتسوي شوشرة عشانه. بس في نفس الوقت حرام والله حرام يعني انا وزوجي دافعين عشان خاطر هالأثاث من دم قلبنا ويجو هم على كل زيارة يكسروه وامهاتهم ما يهتز لهن جفن على الأقل كان ودي ومن خاطري أسمع من وحده فيهن عيب ياولد أو عيب يابنت أو شو سويت ياللي ما تستحي على وجهك فشلتنا في بيت الناس عشان أحس ان الأم أهتمت باللي ولدها سواه لكن احصل العكس كل ما سمعت نقعة تكسيرت شي أسمع هدوء ولا كأن شي حاصل.

شو الحل بنظركم.

هل أنا طيبة لهالدرجه أنه مهما صار ومهما عملو ما اتكلم أو اعلق عشان ما اخرب علاقتي معهم وعشان ما ينقال شوفو تراها حرمه الولد وهم مستغلين هالشي فيني ولا شو ؟؟؟