زيت+زيت+زيت= أي واحد فيهم

انا صابغه شعري اسود من سنه ورديت صبغته فالبيت فاتح فطلع لي اللون اشقر فاتح بس في مقدمه الفروه يعني وين الشعر يطول اما تحت تم شعري اسود ورحت كذا صالون عسب يفتحون لي لون شعري وكلهم يقولون سحب لون بس على مسؤوليتي لأن سحب اللون يخرب الشعر يعني قالت لي عقب اسبوعين شعري بيتساقط وايد قلت بلا سحب لون بلا خرابيط ورديت غمجت شعري بلون بني غامج بس المنطقه اللي صبغت
نصيحه لاتسوين سحب لون لأن وايد يضر الشعر ويسبب تساقط وهذا راي كذا صالون رحتله والله ولا وحده منهم نصحتني بسحب لون
واذا ماكنتي صابغه شعرج اسود تقدر اي وحده شاطره فصبغ الشعر اطلع لج اللون اللي تبينه بدون سحب لون

اما عن الزيوت انا استخدم لشعري زيت الزيتون الطبيعي مش اللي ينباع فالجمعيه لأ اشتريه من وحده فلسطينيه واحس ريحته قويه وبعد استخدم زيت دابر املا ومستمره وما اقدر اخبرج عن النتايج لأن بعدني ماكملت 4 ايام استخدمه بس سمعت البنات يمدحونه

والله زيت الزيتون ودابر املا من اجمل الزيوت مثل ماقالت الاخت dalooo3ah

وانا كنت استخدم زيت دابر املا والله شعري طول واحسه صار انعم بس الحين ماصرت استخدمة للاسف لان

عندنا في مصر مو اصلي احسة مايجيب نتيجة زي اللي كنت استعمله وانا في السعودية

زيت الحية + الاثمد
والله العظيم روعه وكلمة روعه قليلة
وعلى فكرة زيت الحية شبيه جدا لدابر املا

عزيزتي المندوبة تالا ، ممكن اعرف خلطة الاثمد اللي انتي كاتبتها ، اي اثمد تقصدين الكحل الاثمد اللي لونه اسود ؟ شو فايدته للشعر وهل ممكن اني اضيفه لزيت دابر املا؟

طيب يا أخت ديما ممكن تقولي لنا في تلقي زيت هيما تاج في السعودية وفي جدة تحديدا لو تعرفي وكمان كيف طريقة استخدامه

شوفي اختى الصراحـــــــة صعب انج تجربين هالزيوت الثلاث على شعرج في نفس الوقت

وانا عن نفسي اتبعت نصيحة ام سعيدة وهي انج تستخدمين كل زيت لحاله ومتى مااخلصتيه ابدي في اللي بعده وهكذااا

وان شاااااااء الله تستفيدين منهم في اسرع وقت

أختي dalooo3ahو أختي hatoom
جزاكم الله خير وماقصرتوا بالنسبة لدابر حلو بس مشكلته يخلي الشعر أسود وأنا ما ابيه أسود..

المندوبة تالا
الله يجزاك خير وأنتي مستخدمته والا سامعه عنه؟ وكم المدة اللي طلعت فيه النتائج؟ وش النتائج اللي شفتيها؟
وكم احطه بالأسبوع وكم ساعة؟وهل الأثمد هو نفسه الكحل الأسود والا نوع ثاني بعد؟
وكم مقدار الزيت والأثمد؟؟ معليش ازعجتك بس ودي أعرف........

توتة الأمورة
في جده والله ما ادري وين بالضبط أما في الرياض في بقالات الهندية وطريقة استخدامه مثل ماقرأت عنه
مرتين في الأسبوع وأقل شي 4 ساعات وتغسلينه عادي بالنسبة للحامل ماتستخدمه لانه حار مثل أبو فاس تقريباً..

رمز المحبة
الله يعطيك العافية يارب يمكن اذا سويت كذا ماتطلع نتيجه لاني ما صرت استخدم كل نوع
الا فتره معينه وما اطول يعني ماياخذ شهرين على الأقل لكن لو استخدم في الاسبوع ثلاث مرات وفي كل مره
نوع يمكن تجيب نتيجه وإلا؟؟

وش رايكم أنتم يابنات؟؟

والله يجزاكم خير جميعا لعدم اهمالكم والله يرزقكم باللي تتمنونه..........