في البداية احب اشكر بنت من أعز صديقاتي وهي العضوة سارة
لانها سمحت لي اشارك بعضوبتها سجلت وعجزت ماتفعل الاشتراك
فطلبت منها وماردتني الله يوفقها يا ربي واحب اشكرها جد لانها على
الرغم من انشغالها بدراستها دايم توقف مع صديقاتها وتساعدهم
علشان اعرفكم على نفسي انا أمل وانشاء الله قريب اكون عضوة بينكم بس يتفعل الاشتراك
حبيباتي بليز ابيكم تساعدوني انا في حيرة مرة ومو عارفه وش اسوي
في اثنين خاطبيني ومحتارة بينهم طبعا كل واحد فيه عيوب ومزايا انصحوني
الأول هو قريبي على الرغم من اني متأكده من حبه لي لكن للاسف ماهو ملتزم يعني حتى الصلاة ما يصليها بالمسجد والله يعلم يصليها والا لا واكتشفت بالصدفه انه يكلم بنات كثير ولما عرف ان الخبر وصل لي حاول يكلمني وقالي انه يكلمهم بس لعبة واني ممكن احط كل الشروط اللي ابيها وبنفذها انا قلت له ابيك تصلي جماعة وصلاة الجمعة وابيك تروح محاضرات دينيه وماابيك تسمع اغاني ولان اشوي مليان قلت له لازم تضعف اشوي قالي انشاء الله ولا يهمك بس احس اني ماراح اقدر اثق فيه بعد الزواج وبصراحة انا ماكنت مرتاحه له من البداية بس لما فكرت حسيت اني ممكن احبه واتقبله بعد الزواج
الثاني واحد مااعرفه ولا يقرب لي شافني وخطبني هذا احسه انه عاقل وملتزم وهو اكبر مني ب7 سنوات والاهم انه يحبني جد اخته تكلمني على طول بس مشكلته انه ملامحه كأنه واحد كبير يعني اكبر من سنه بكثير والشي الثاني انه يكابر من النوع اللي ما يطلع اهتمامه فيني يعني بعد اذن اهلي قالولي كلميه مره علشان تتعرفين عليه جدا عاقل وجدي بس ماحسيت انه ملهوف علي يعني اول ما اهله خطبوني كانت اخته تدق علي على طول بعدين طول مااانا افكر بالموافقه ولا حتى كان يرسل لي سلام ولما قلت لاخته احسه ابدا مو مهتم فيني قالت لي والله انه يحبك حب مو طبيعي وماعمري شفت اخوي كذا مبسوط وملهوف على الزواج بس هو ما يبي يكلمك ويغلط معك و يقولك اذا صرتي زوجته بتشوفين كيف بتكون معاملته هو على الرغم انه شكله مو عاجبني بس احس انه ممكن ننسجم لو حبينا بعض بس اخاف ان يصفطني لو تزوجنا ويهلمني
بنات ابيكم تنصحوني اوافق على اي واحد فيهم لاني للاسف اكتشفت انه تفكيري جدا سخيف وتافه بعد تخيلوا اني افكر بنظرة الناس اخاف يقولون وش متزوجه لها او مثلا يقولون زوجها شين او دب ادري انه هالشي مو مهم طالما هو كويس معي بس مدري ليه افكر كذا ومرات افكر كل قريباتي ازواجهم ماشاء الله وسيمين ليش انا اتزوج واحد مو حلو
وش اسوي احترت جد وابي نصائحكم وسامحوني طولت كثير