قصيده من بنت الكويت لبابا جابر رحمه الله

أهل الكويت أفواج في قصر دسمان
فعيونهم لهفه وحسره وتخمين
ذاع الخبر ياليت راعيه غلطان
رحل حبيب الامه سنين وسنين
غم وألم واجراح وهموم واحزان
القلب شعله نار.....والدمع في العين
مات الامير,الوالد,الحر,الانسان
يبكيه شعبه والوطن والملايين
مات الزعيم اللي له العز عنوان
شمعة وطنا والعرب والمسلمين
"جابر الاحمد"شان من مالهم شان
ابو اليتامى والضعوف المساكين
معروف في المعروف واحسانه احسان
يمناه يبرق جود في العسر واللين
عطاه غيث يحول الجرد ريضان
حدود خيراته من الصين للصين
من دون حق الشعب مخلب ونيبان
ومن دون حد الدار شلفا وسكين
قايد وفي حكمته للعدل ميزان
حق المواطن كاش ....مايخذه دين
لاضاق صدر الشعب يحزن كحيلان
ماينشرح صدره وشعبه حزينين
مايشرب من العد لو كان ضمياه
الين يسقي على العد شفقين
الله يجعل قبره جنان في جنان
قلته ودمع العين في محجر العين