لحقوا لحقوا ... حمودي :'(

اختى الغاليه بشوي شوي خوفتينى والله لحقوا حمودى بسم الله عليه توه توه توه 8 اشهر زين يجلس ويحبي بشويش وبكره بتقولين استعجلت وقلت متى يوقف ويمشى وترون الناس تستعجل في كل شى انت علمه حبه حبه وانشاء يركض ويخرب وتقولين يا الله والله خرعتينى الله يحفضه لك ياررررررررررررررررررررررررررررررررررررررررررررررررررررررب وهذى له:flower::flower::flower::flower::flower::flower::flower::flower::flower:

ويه حبيبتي عادي وشله مستعيله عليه اكيد ولدج بعافيه ما شا الله عليه الله يحفظه ..
وعادي انا اعرف وحده ولدها مابدا يحبي الا على السنه والمشي علىى السنه ونص ..

عادي اختي و لا يهمج حد

انا بنتي عمرها 9 شهور ...و توها من اسبوع توقف ...يوم تتعلق في شي ....يعني كيف يقولون لج لازم الشهر الياي يمشي ...

و على حسب مب كل ياهل يحبي...و عادي في يبدون يحبون على ورا ... و في ما يحبون بس و هم يالسين يدزون بمعمرهم على جدام .. و في يحبون على اصابعهم ...يعني يوم يحبون ما تكون يكبهم على الارض ....يعني عادي ........و حتى في وايد ناس جذي و بعد يكون في حد في العايله كان جذي ...دوري اكيد بتلاقين حد من الاهل يوم كان صغير ما حبى او حبى متاخر ...

و على اليلسه عادي ...و حتى اذا هم يالس و طاح على ورا ...لان الياهل راسه اثقل من جسمه و اذا رفع راسه او بغى يشوف قوف ...يطيح ...و بنتي بعد جذي

يعني عادي ...مافي وقت محدد للمشي او الحبو او التقلب كل ياهل غير عن الثاني

يعني لا تشيلين هم و خلج من كلامهم

و ربي يحفظه لج و تشوفينه يبشي و يحبوا ... و تستانسين

:dd::dd::dd::dd::dd::dd::dd:

خوفتيني يا بجعه بسم الله على ولدج الله يخليه لج ويحفظه ياا رب
يالغالية توه 8 شهور صغنون فديته ما شاء الله عليه .. ولد خالتي عمره 9 شهور
وبيكمل عشر بعده ما يروم يتيود بأي شيء ويوقف عدل غير العابه ..
وما يحبي وايد كل طايح على ظهره
او يالس والمسند وراه ..

وااذا تبينه يركض قبل لا يمشي طرشيلي اياه
ههههههههههههههه بخلي بطتي تربع وراه :dd:

تطمني يا قلبي ان شاء الله ما فيه الا العافية ..

الله يهداج يا بجعة .. روعتينا...


كل طفل له خصائصه اللي تميزه عن بقية الاطفال، واذا تأخر طفلج في الحبو او المشي، يمكن يتقدم في شيء ثاني مثل التسنين او اصدار الاصوات..

وحتى لو تأخر فيهم كلهم.. هم بعد عادي.. :)

الله يهداك عادي حبيبتي فيه اطفال يتاخروا بالحبي وبالمشي صحيح انا ولدي حبا وعمره 8 شهور بس مامشى الا وعمره سنه وشهر
وبنت صاحبتي حبت وعمرها 9 شهور داخله على العاشر و حمودي الله يحفظه لسه ماتعدى:smile:

لا تخافين ام محمد ... ترى مو كل الأطفال مثل بعضهم يعني لازم يحبون في سن معين او يمشون على العشرة شهور مثلا .... يمكن حمودي من النوع اللي راح يمشي على طول ولا يحبي ولا شي واطفال كثير مثله

اذا خايفة مرة وديه اخصائي عظام بس عشان تطمنين وانا متأكدة ان مافيه الا العافية ان شاء الله

اريح لك الحين يحبي ويعفس الدنيا ... بكرة يمشي وتقولي لنا لحقوا لحقوا حمودي خارب الدنيا

الله يخليه لك ان شاء الله وسلامته

عزيزتــــــــــي،

ما عليه الا العافية .. .. انا بنتـــي عمرها عشرة اشهر وبعدها ماتحبي وهذا شي طبيعي.

والسموحة على الإيجاز لأني في الدوام

مشكورين ... والله ريحتوني

بس الناس يخلوونج تنتبهين للاشيا ويخوفونج ...

يعني عمتي ( افففففف ..ياريتني ما عرفتها ) كل ما شافت ولدي قالت يالله تراك كسلان الين متى جي بتم ....

كل هذا لانه البنت الي تربيها فالثامن بدت تحبي .. والحين عمرها سنه وتوها مشت ....

لا وربيعاتها يوم يشوفون حمود يقولولي ليش ما يزحف ..؟؟ ليش ما يوقف...؟؟

ليش .. وليش.... وليش ...؟؟

كانه ما عندهم عيال .. ولا عيالهم كلهم ركضوا من الشهر الثامن ....

المشكله عمتي الي تعامل ولدي وتعق عليه كلام ولا كانه حفيدها البجر ... اهم شي عندها البنت .. كانها صدق بنتها ... والله انها تخاف عليها يوم تمرض اكثر عن حمود ..اتخيلوا حمودي يرقد فالمستشفى ما اتي عنده لا هي ولا عمي ...


يا ويلها الي تعرس وتيلس ويا اهل ريلها .....

والله نفس حالتي ..

ولدي عمره 8 شهور توه مكملنها .. والي اصغر عنه بشهر ونص طلع له ضرسين + يحبي + ييلس شفتي عاد

ههههههههههههه قهر ..

وولدي توه بسم الله يزحف على بطنه ويحاول يشل عمره من الارض

يلسه ماشي انسي ما ييلس لازم اسنده عشان ييلس ..

بس شوفي ..

ياهل عن ياهل يختلف .. غير جي الاولاد بطبيعتهم اكسل عن البنات في كل شي دوم يتأخرون (هذا الظاهر)

لا تحاتين ولا شي انا توني البارحة اقول ولدي اذا كمل نص الثامن وبعده ما حبى بوديه المستشفى والحمدلله البارحة صدفه شفته يحاول يشل عمره من الارض ويعق عمره على جدام جنه يسبح

اتطمني ولا تستعيلين عليه واهم شي لا تضغطين عليه وتعدلين ريوله ومادري شو خليه في الارض اكبر وقت تقدرين عليه بيتجلب وبيطيح وكل شي عادي لا تخافين لازم تعطينه مجال يتعلم بروحه

وانا بكبري اقول حق ولدي كسلان عادي لا تحاتين

ما عليه شر يالغاليه

و الله طيحتي قلوبنا


الحمد لله الولد بخير انا ولد اختي شهري يحبي على ورا
و بعدين شوي شوي شوي بدا يتقدم

و لين كمل السنه ما مشى

عادي الغاليه
مو شرط و الله في اكفال يكملون السنه و نص و عقب يبتدون يخطون

لا تخالفين عليه و لا تلعوزين الولد خليه على راحته
و الله مب زين ترى تضغطين عليه بعدين بتعورين له عظامه و هيه بعدها هشه و ما تستحمل

الطفل متى ما حس نفسه فيه قوه بتلاقينه بروحه يحبي و بعدين بروحه شوي شوي بيتعلق و بيوقف و عقب بيخطي و شوي شوي ان شاء الله بيمشي
لا تتعبينه و تتعبين عمرج وياه

الله يحفظه لج

و الله يسامحج على التخوويف اللي خوفتينا اياه

نصيحتي ربي ولدج على راحتج و لا تهتمين بكلام الناس

اختي لا تحاتين..يختلف من طفل لاخر..

والياهل اذا ماشاء الله عليه مليان ما يمشي ويتحرك بسرعه...بعكس اللي يكون ضعيف بسرعه يتحرك...

عادي لا تخافين ، آنه عبودي يوم كل 11 شهر بدأ يحبي وبعدها بأسبوعين بدأ يمشي،،،، عل عكس بنت خالي بعده بسبع شهور مولودة ولكن حبت قبله وسننت أكثر منه والحين ماشاء الله أطول منه مع أنها ماكملت السنة،،،
لا تخافين كل طفل يختلف عنن الثاني،، خليه مكانه لأنه لين بدا يمشي ويعفس بتقولين ياليت بعده مكانه،، اسألي مجرب آآآآآآآآآآه..

لا تخافين ع حسب كل ياهل..ومرونته..

هههههههههههه كأني أنا مثلش يا بجعه ............. عمتي كانت كله تقول بتش خايبه ما أدري طالعه على منهو .......... هههههههههههههه شكلها تقصد شي ثاني يعني أمها خايبه في شغل البيت بعد .................. بس الحمد لله مكاني مرتب و نضيف و لو قصرت شوي عذري وياي و أنا حامل و الحمل متعبني واااجد و خاصه بتي ما شاء الله عليها شغلها شغل و تعب..........

يعني بتي حبت و هي في التاسع و بدت بالريوس يعني على ورا و ما مشت الا و هي سنه و ثلاثة أشهر و كله أني حاطه اللوم على نفسي لأني يوم كنت حامل بها ما أشرب الحليب...........

بس و الحمد لله الحين مو مخليه شي الا معفستنه و أنا وراها و راها .............

وايد تبالغين .. خلي الياهل على راحته و بيمشي ان شاء الله و بيركض .. بس انتي لا تقعدين تزنين فوق راسه و كانه محتاج طبيب ولا حد يشوفه

تصدقين خوفتيني توقعت الولد عمره 8 سنين ليش مستعيله عليه باجر بيمشي ويكسر اللي جدامه كله بس لا تفاولين عليه قعديه على ( الدراي ) أو المشاي

ما أدري شنو تسمونه وخيرته راح يتعلم ويمشي دام أنه يزحف ويحوم راح يمشي ان شاء الله تعالى وما عليه شر..................

مشكورين حبيباتي ..

لكن من اليوم ورايح الي يسالني ليش ما يمشي حمودي ...؟؟

بقولهم ما يبا يتعب امه بخرابت البيت .. خخخخخخخخخخ

واذا سالوني منو قالج انه يخرب بفولهم بنات عرووووس خخخخخخخخخخخخخخخخ