لا يلدغ مؤمن من جحر مرتين ساعدوني على نفسي

اختي انا اشوف انج تتغاضين عن الموضوع وخلاص ما دام الريال ندمان ومتأسف ورجعج مرة ثانية ولاتخلين الشيطان يلعب بعقلج هذي الدنيا لازم تسامحين أغلى الناس عندج عشان تستمر السفينة وتوصل بر الامان خذيها نصيحة مني فكري واستخيري ربج عشان تهدى نفسيتج وصدقيني بترتاحين ولاتحسين بالندم ما دام الريال اعترف بغلطه ورجع الله يوفقكم ويا بعض

4 شهور و هو يفكر ؟؟؟
كل هذا علشان كلام امه

اللهم لا حول و لا قوه

و الله لو غيره بيشيل زوجته و بيبتعد بيها خوفا عليها و على أولاده

المفروض الحلافات اللي بين امه و بين قريبتج ما تدخل بينج و بين زوجج و تسبب هجر 4 شهور
و وين موقف اهلج ؟؟؟ و كيف رضيتي ترجعين بهالسهوله ؟ و شاللي تعبه نفسيا ؟؟


و الله عقلي عجز عن التفكير

اتمنى الاخوات يفيدونج

حبيبتي عطي فرصه ما دام رد لج
يمكن مثل ما قلتي انه حاس بضغوط ونفسيته تعبانه ، واذا انتو تحبون بعض خلاص ما في مشكله انشالله تردون واحسن من قبل

ويا رب الله يهديكم ويهدينا اجمعين قولوا امين

أختي ام عمر المرأه تقدر ان تسامح ولكن لاتنسى ....وهذا انا اللي امر فيه اني مانسيت الجرح اللي صارلي ولكن انا لو مكانك انس

كل شي علشان خاطر عيالي ويمكن يكون صاج بكلامه مضغوط نفسيا من الكلام ......سامحيه وانسي وادعي ربك انه يوفقكم .....

اشكركم على مروركم 00 انا اللي حاز بنفسي انه ما اتفق ويااي وعيشني بحيرة كان قالي من الاول انه حيعمل ها الشيء بس علشان امه بس مع بقاء الاتصال بينا ونشوف بعضنا 00

اختي ام عمر ..

هو بصراحه غلطاان لانه ما صارحج من البداايه ..بس بما انه صارحج حاليا ..خلاص ماله داعي الزعل ..لانه بيلج انه ندمان وحاس في

غلطه ..

ممكن اسئل سؤال ..

امه ليش زعلت عليج وخلته يوديج بيت اهلج ..وانتي مالج اي علاقه بالموضوع ..؟؟؟(سؤال محير )..

أختي أم عمر وصلج بيت أهلج وما رجع وانتي ساكتة واتصالاتج ما يرد عليها وانتي ساكتة وبعد أربع شهور رجعج وانتي ساكتة وين قاعدين ............

مو لازم تعرفين شنو السبب وشهي الضغوط النفسية اللي عليه لا تنسين انتي زوجته مو صاحبته عشان ما يقول لج اللي قاعد يصير بينه وبين أهله

ووصلت المشكلة للطلاق وانتي ما تدرين شسالفة ترى حتى انتي غلطانة الموضوع كله انتي مالج ذنب فيه ...المفروض يحطج انتي مع أمه وقريبتج عشان

تعرفين شو الطبخة مني والطريج يوصلج عند أهلج ويكشت فيج لا حس ولا خبر وبعدين يرجع ويتأسف لج ويعترف بغلطته والل يبا زين ...........

بس للعلم راح يعيدها مرة ثانية دام انتي أول مرة ما سويتي شي حتى المرة الثانية ما راح تسوين شي ويختفي 4 شهور ثانية والله أعلم شنو قاعد يسوي

في هالفترة كلها .....خليج شديدة وقوية كلنا نحب رياييلنا مو بس انتي ..بس ما نعطيهم المجال للإهانة ولا أسمح له يفكر يطلقني عشان مشكلة سببتها

أمه أو موضوع آنا مالي ذنب فيه محبة أمه في كفة وآنا وعيالي في كفة لايفرط فيني عشان أمه ولا يفرط في أمه عشاني لازم يحسم الامور ويحل المشكلة

بروحه ويعطيهم الحل اللي يخليني ما اوصل بيتهم بعد هالمشكلة ..وديري بالج على نفسج وعيالج ومثل ما قلت لج خليج قوية وصارمة في تعاملج وياه

والله يوفقج ان شاء الله...........

السلام عليكم و رحمة الله و بركاته

هلا بيكي أختي...

فكرت كتير في مشكلتك...

يعني لو أنا مكانك يمكن ما كنت سكت...

كان لازم أعرف اللي يصير بالضبط...علشان أكون على بينة...

بعدين أرجع و أقول كتير من الرجال ما بيحبوا يدخلوا زوجاتهم بأمور عائلتهم...

لكن الآن...كيف وضعك مع أمه ؟ و كيف وضع أمه معاكي ؟

و هل عاتبتيه...يعني لازم تعاتبيه بشدة ...قوليلوا إنت ما ترضاها لبناتك...ليش ترضاها لبنات الناس...

و بصراحة لو كنت مكانك...راح يكون لي وقفة مع أمه...راح أقول لها لو بنتك ما تعملي فيها مثل ما عملتي في...و كل هذا علشان شيء مالي ذنب فيه...فرقتي بيني و بين زوجي 4 شهور كاملة...

بس أرجع و أقول إني ما أعرف ظروفك...و لا طبيعة العلاقات بينكم...و إنتي أدرى بيها...

لكن خلي تصرفك فيه حكمة و عقل...و في نفس الوقت تجربي اللي أمامك ما يعيدها مرة ثانية...و تظهري لهم قوية...و التجربة ما أثرت فيكي أبدا...

بالتوفيق أختي..

السلام عليكم ورحمة الله وبركاته
اختي ام عمر
بما انك رجعتي بيتك مرة ثانية فلا تسمحي للشيطان يسيطر عليكي ويخرب عليكي حياتك.
ولا تقعدي تتندمي على اللي فات او تحاولي
انك تدوري ورا الاسباب او الضغوط او اي شي لان هذا وقته عدى وفات.
يعني ماراح اقولك كان لازم تسوي وتسوي لانه الحين ماله داعي
بس هذا ما يمنع انه يحس ان اللي سواه موهين وانه اثر عليكم انتوا الاثنين
بس مو تفتحي مشاكل جديدة او يحس انه مافي طريق للسماح
خاصة انك تقولي انه نادم وهو يبغى يعوضك.
اولا:
تفكيرك كان مزبوط عشان اولادك لان مافي فايدة تعود
عليهم من مشاكلكم وانفصالكم لا سمح الله.
ثانيا :
انت ما تدرين ايش كانت ظروفه والضغوط اللي عليه
ولو ان هذا ما يعفيه من خطا انه كان سلبي لما وداكي بيت اهلك
وتركك لكن يكفيكي انه ما كان مرتاح ونفسيته تعبانة مثل ما تقولي.
ثالثا:
ابدئي صفحة جديدة وتعوذي من الشيطان الرجيم.
واعتبري ان اللي صار خير وفايدتك منه انك عرفتي او اتاكدتي من
تاثير حماتك على حياتكم وعرفتي رد فعل زوجك من موقفها وبالتالي
تقدري بذكاء المراة
انك تكسبيها وتاخدي زوجك تحت جناحك انت .بس بدون عقوق ليها.

رابعا:
لا قدر الله وصار مثل هذا الموضوع او غيره مرة ثانية
لازم يكون لك موقف ولا تسكتي ابدا بس لا توصلي الامور للطلاق.
انت اكثر واحدة فاهمة لزوجك وطريقته وانت اللي معاكي مفاتيحه.
الله يهديكم ويوفقك في حياتك.

انا مع منال الكويت ومرموم

ماقصروا قالوا كل اللي ابي اقوله ... بصراحة حتى لو تحبيه المفروض ما تسمحي له يحكم استمرار علاقتكم عشان اسباب غير منطقية

قريبتك وصار لها خلاف مع امه انتي ايش دخلك في السالفة ؟؟؟
ماله حق

الله يوفقك

و الله ارجع و اقولج ترى كرامتج فوق كل شي

و تصرف بيخليه شخشيخه بيد امه
لو يصير ما يصير بينها و بين اهلج بتقوله طلقها ودها بيت اهلها لانه اول مره ما وقفها و قال لها زوجتي ما لها دخل و حلوا مشاكلكم بعيد عنها

سمح لنفسه يظلمج و انتي رضيتي (( الله يهديج ))


قعدي بينج و بين نفسج و اتخذي تصرف حاسم و واجهيه انج مو راضيه عن اللي صار و لو تكرر ما راح ترجعين

و و و و


و الله يسوي اللي فيه الخير

بسم الله الرحمن الرحيم

أختي السلام عليكم

أعتقد أن خيوط القصة لم تنسج كاملة فأخشى أن يكون حكمي غير منصف
عموما إذا أخذت بالمعطيات أعلاه

أرى من الحكمة في الوقت الحالي وفي زماننا هذا الذي نعيشه أنه مادام عندك منه أطفال
كونك كأم لازم تظلليهم بجناحك جناح الرحمة جناح الأمومة . وهذا ما يتحقق بشكل جيد إلا إذا كنتي في عش الزوجية
أرى أنه لا بأس من فتح صفحة جديدة في سجل حياتك وترجعين لزوجك كما كنت في السابق
إن شاء الله الأيام الجاية تكون أحلى وأجمل

بأسلوب هادئ حاولي تفهمين زوجك غلطته من غير اي انفعالات
خلي علاقتك جيدة مع أمه حتى لو كانت غلطانة معاك
لأنه بأخلاقك الطيبة تخلين المقابل يستحي منك وتمتصين أي غضب أو توتر
لح يكون عى حسابك أكيد ، بس لا تنسين انت الآن تأخذين أجر مضاعف من رب العالمين
ما لح يكون هباء منثورا في ميزان أعمالك ان شاء الله
انت تحاولين ان تلمين بيت
تضحيات..... نعم الحياة تحتاج لذلك
الله يعطيك الصبر ويسعدك ويخلي لك اولادك من حواليك كأنهم حور عين ولؤلؤ مكنون

اشكركم على ردودكم 00 انا احب اقولكم انه امه من النوع اللى يغار على اولادها وكنت عارفه لها ومقدره ها الامر بس هي من النوع اللي مستحيل تحب زوجه ابنها وهذا مو معاااي بروحي مع جميع زوجات ابنائها بس انا قدرت على لاني مؤدبه معاها واحترمها با قي زوجات اولادها بيوقفوها عند حدها وحتى زوجي الاطيب بين اخوته 00 المهم انا رجعت لزوجي اولا من اجل اولادي ثانيا لاني احبه حب شديد وكنت اسال عنه بيقولوا لي انه تعبااان نفسيا من فراقي وفراق اولادي ورجعت بعد اعتذاار منه مرفق بهديه قيمه 00 وبصراحه اهلي واهله كان موقفهم سلبي لانهم بيقولوا خصوصيتكم حلوها بنفسكم الين تفاااقم الامر وطال الفراق

عدت الى زوجي وبيتي واشعر بالراااحه
مشاعري تجاه زوجي تتمثل بحب كبير ومودة ورحمه يصحبها الم وزعل ونقص ثقه 00 في كل يوم اسال كيف قدر يسوي فيني جذي
هو يحاااول تعويضي ويصرح بحبه لي داايم ويردد اسف لي منذ عودتي في كل وقت 000
اتمنى ان لايفرق بيني وبينه شيء
اسالكم هل اعااامله باسلوب مختلف عن المااضي 00

السلام عليكم

مثل ما يقولو الزمن يداوي الجروح

يعني مع الوقت راح تنسي وراح يلتئم الجرح

وخاصة انه وعدك انه راح يعوضك الايام اللي فاتت ...

الله يسعدك اختي

حبيبتي يمكن هو غلط انو اخدك بهل طريقة على بيت اهلك..يمكن ما عرف كيف يفهمك المعلومة بانو بدو فترة نقاها... اكيد ما كان ناوي يسمع كلام والدتو ويطلقك لانو لو كان رح يسويهل شغلة كان سواها....
سامحيه وانسي و في كتير ناس لما يكون عليهون ضغوط نفسية بيحبو ينفردو بحالون شوي.... افتح صفحة جديدة معاه وانسي الي صار..وبنفس الوقت قوليلو انو اذا كان متضايق ممكن كان يخبرك بهل شي ويخبرك عن رغبتو بالانفراد لفترة بنفسو... والله يوفقكون وترجعو متل قبل واحسن

السلام عليكم و رحمة الله و بركاته

الحمد لله رب العالمين...

خلاص أختي العزيزة...إنتي رجعتي لبيتك...و تحسي فعلا بألمه و ندمه...

و إن شاء الله ربي ما يغيّر عليكم...و تعيشوا حياة سعيدة مع بعض...

يمكن الظرف كان فعلا أقوى منه...

الله يوفقكم إن شاء الله...

الحمد لله انكم رديتوا لبعض وفكرتوا بعيالكم... ثاني شي دامه ندمان ...يعني فيه الخير قليل من الرياييل يسوون هالشي ...واذا في خاطرج اي كلام..وتحسين لو قلتيه بيزعله ..انصحك هاتي دفتر وقلم واكتبي كل الي في خاطرج وكانها رساله موجهه عليه وبعد اكتبي انج تحبينه ولا تقدرين على فراق واكتبي كل الي تحسين فيه صديقني بترتااااااحين واااايد... وربي يوفقكم...واذا الكلام في خاطرج وتبي انه يسمعه ...سوي عشا (^) وليله حلوه كله ورد (f) وشموع والبسي احسن شي عندج واكشخي وهاتيله هديه (g) بسيطه...وعاتبيه بطريقه حلوه ولا تقوليله انا رجعت بس عشان العيال ..لا قوليله علشانك ومن هالسوالف اكيد انتي عارفه..وحسسيه انج سامحتيه ومستعده تسامحين اهله كلهم علشانه...صدقيني هالطريقه بتنفع ولا بيعيدها انشالله ولا بسينالج هالشي طول عمره

الله يصلحكم ان شاءالله

حبيباااتي اشكركم على مشاااركتكم 00 واتمنى منكن الدعااااء لي دايما
ونصيحه من مجربه خلوا العلاقه بينك وبين ام زوجك اذااا كانت مو طيبه معاكي رسميه جداا سلام فقط وبس
والله من عدت الى بيتي وانا اعاملها رسمي ومرتاااحه جدا