;;;أسماء عيالكم هل حصل عليها خلاف ;;;

RoOoOmy_M:
للحين ما عندي اطفال بس متفقة مع زوجي على الاسماء من ايام الخطوبة

والاسماء عاجبتنا احنا الاثنين واكثر شي يقهرني لمن اسمع ان وحدة مسمية ولدها او بنتها اسم مو عاجبها لأن الزوج فارضه عليها .. حرام الوحدة تعب 9 شهور وبعدين الولادة وهو يفرض عليها اسم .. لازم يكون بالاتفاق بين الاثنين احسن عشان ما احد يزعل

بس اعرف ناس كثير صارت بينهم هوشات للسما عشان سالفة الاسماء

مراوي:
خلاف بمعنى خلاف لا ما صار
بس اهو يبي يسمي المولود الاول و انا اقوله انا اللي تعبانه فيه يعني انا اللي بسميه
يقول اني متفقه معاه قبل لانعرف جنس البيبي انها اذا بنت انا بسميها و اذا ولد اهو بسميه بس ماذكر هالاتفاق :)

سندس84:
موضوع حلو احنا قلنا اذا الله رزقنا بنت تكون تسميتها عليي واذا ولد تسميته على زوجي وادعوا لنا بالتوفيق والذريه الصالحه السليمه

الجميلة78:
موضوع التسمية بالنسبة للبعض مشكلة كبيره
بالنسبة لي..اول ولد لي سماه زوجي واهله سعود لأن معروف من يوم صغير بابو سعود وانا صرت ام سعود..وما تتخيلون كيف لما ولدت العائلة كلها فرحت لي بشكل كبير كوني انه انا ما يبت عيال من 4 سنوات يعني الفرحة كلها كانت لي انا وزوجي..والله حتى عمتي الله يخليها لعيالها ولنا فرحانة فيني ولا تزعل مني لأنها تحبني وتحب اهلي واحنا معروفين اننا مش من قوم المشاكل وعوار الراسوالحينه لو ربي رزقني ولد بنسميه احمد واذا بنت للحينه مو عارفة مريم او عائشة او اسامي اجديدة ما قررنا..ريلي يبي ولد يقول علشان انا انحرمت فترة وابي اولاد اول شئ حتى عمتي وبنات عمي نفس الكلام انا خاطري ببنت بس دام بو الشباب يبي اولاد فالمسألة عادي عندي
واليي من الله حياه الله...

المحرقية:
أنا اول الخطوبة قال بيسمي البنت سليل

من حسن حظي انه معانا في الشغل هندي بانيان ما ادري سيك اسمه سليل ،، على اساسه غير الإسم

واتفقنا على شهد

بالنسبة للولد بداية الخطوبة اقنعته اني ابي اسمّي عبدالله ، لأن عندي اخوي متوفي الله يرحمه وان شاء الله مثواه الجنة يارب اسمه عبدالله كان موافق

وساعات يعاند يقول باسمي حسين يقهرني ويقول حق امي انه يبي يقهرني لين اولد وبعدين بيفاجأني وبيمسيه عبدالله

انا ما عندي روح تعال ،، لازم ايكون قراره اكيد ،، خفت ان يكمل في القهر ويسمي حسين

ما تنازلت ابداً ،، والحمدلله اخيراً وافق

الحين خلاص اذا ولدت بولد باسميه عبدالله ،،

الله يتمم عليّ حملي ان شاء الله ويسهل علي الحمل والولادة ويطلع من زين عباد الله الصالحين

ومشكورة على الموضوع الحلو

حلوووة البحرينية:
أنا مع زوجي متفقين في البداية على أحنا أنسمي الولد حسين والبنت فاطمة ... لما عرف زوجي أني حامل في ولد غير رايه وقال رايح أسميه محسن فأنا قلت ابي حسن كل واحد أختار أسم أبوه في نهاية المطاف وقريب ولادتي لم شاف زوجي الولد أتصل في عمي ((أبو زوجي)) وسأله شنو أنسمي الولد قال له أسم حسين ولا تغير فيه ... وأنا صار أم حسين ... وأنا حامل في الثاني والحين هو يبي محسن و البنت فاطمة ... وعلى الله ... أهم شي السلامة .....

نونو قطر:
موووضووع حلووو :clap:

شوفي انا في بنتي الاولى كان الاسم عليه وهو خاطره يسمي على امه وبصراحه امه تستاهل مع اني ما احب سالفة اني اسمي على الام او غيرها ..
لكن الحين انا بعد فيني بنت بس هالمره الاسم علي :shy:

ريم81:
موضوع حلو


يلا كملو


انا اعرف وحدة من ربيعاتي ابو ريلها اصر يسمي الولد على اسمه و سماه فرج مع ان الاسك معناه حلو بس قديم و البنت لي اليوم تصيح ما تبي الاسم

ليل و نهار:
اتفقت انا و زوجي البنت علي و الولد عليه بس لازم يكون الاتفاق من بينا على الاسم سوا للبنت و للولد...سمينا بنتنا شهد فديتها اصبوعها و الحين فيني بنوته و قلت بسميها هند بس عمتي تبغي تسميها فاطمه على اسمها..اقولها ان شا الله بسميها بس اللي بيون عقب...تقولي لأ الا فاطمة اتسمينها و ريلي عادي يقولي محد يغصبج..اللي يريحيج..
واذا ولد تبغيه يسمي على ابوه واحنا نبي اسم غيير, ريلي يعجبه ومن زمان خاطره فيه....ويقولي ما راح اتنازل...
الله يستر بس