بعد سنة زواج

والله نفسي اساعدج ...بس ما عندي خلفيه ...

شخصيات ...يبالها فهم ...:)

والله حبيبتي انتي ادرا بزوجك منا وهو بدل بيحبك وانتي بتحبيه خلاص مافيش مشكله وحاولي تتاقلمين علي وضعه

واسال الله لكي عيشه هنيئه مليئه بالفرح والسعاده في رحاب الله باذن الله

حبيبتي انا اشوف وضعج عادي ..
انا مثلج . لين اليوم زوجي ما يبدي رايه في شي لا قمصان نوم ولا ملابس عاديه .. وحتى لو رحت السوق اخيره بين شيين يقولي كيفج .. اخذي اللي تبينه ....

.... في بداية ايام زواجنا اعصب و اقلب الدنياواقول واقول انا ليش اتعب نفسي وهم مب مهتم ..!!!

...لكن اكتشفت اني احرق اعصابي عالفاضي ..... صدقيني الرياييل ما يهتمون بالهسوالف ..احنا نشوفها شي كبير لكن هم يشوفونها من الاشياء اللي مالها معنى .....


تصيديه شنو يحب وسوي له اياه .... صدقيني تراهم مب غامضين بس يبيلهم حد يفهمهم ...دايما في صلاتج وبعد ما تخلصين ادعي وادعيله يهديه ويهدي سره انشالله ... ..
والله يوفقج ... ويرزقنا بالذريه الصالحه بإذنه تعالى ...

lما اعرف والله بس اظن و هذا ظني

- اول شي اختي الريال يختلف عن الحرمه في وايد اشياء .. يعني نحن الحريم اذا شفنا شي عدنا رايين يا مقرف .. او حلو ... و اذا بغينا ناجمل قلنا حليوو عادي .. مشي حاله ...

- الريال يكون صادق شوي في راييه و غالبا الريال ما يبدا رايه في شي علانياً .. يعني ممكن يعجبه بس ما يقول الله كشخه يهبل و الله روعه تسلم ايدج ...

-ثاني شي .. في ريايل ما تلفت نظرهم بعض الاشياء و يشوفون انها عاديه .. يعني انتي حرمه لو قلت لج شو رايج في هالقول ( الهدف) ... ممكن تقولين عادي .. بس هو في راي الريال هدف يهبل ولا اروع المفروض يختارونه افضل هدف لهذا الموسم ...

في نوعيه ثانيه بعد .. و هذه شوي صعبه عليهم التعبير عن اللي داخلهم ... يبا يقولج حلو .. بس يحسها صعبه .. مثل النوعيه اللي تستصعب كلمه احبج .. لانه ما تعود على الحب حتى بين اهله .. و يستصعب انه يتأسف لانه ما يعتذر يعتذر بتصرفات بس مب كلمه اسف ..


سؤالج انتي اللي عليج تحلينه ..
يعني لو انا مكانج .. بقوله .. عادي كيف ؟؟ يعني مب حلو ما اسويه مرة ثانيه ؟؟؟
ولا بقوله .. اذا يضايقك لبسي ما بلبسه ...

شو رايج لو تميتي كم يوم ماتكشخين له؟؟!!

يعني خلج بنت عادية، ملابس ما فيها إثارة أبداً، لا مكياج، لا كلام ينقط عسل يعني هيك..


يومين..
ثلاثة..
شوفي يلاحظ الفرق و إلا لا!؟؟

مجرد رأي

عزيزتي لاتحملين نفسك فوق طاقتها صدقيني الرجال فعلا قليل منهم إلي يهتمون بها الأمور وأزيدك من الشعر بيت
مثل مايقولون أحيانا تغيرين في شكلك عشان ينبسط يعني مثلا تغيرين صبغة شعرك وماينتبه وهذي حصلت معاي
ألين قلت له ماتلاحظ شي قال والله ماركزت وأمور كثيرة .......
ومدام زوجك يحبك لاترهقين تفكيرك في أمور تعودا عليها الحريم عشان ماتصير مشاكل بينكم ولو حبيتي تعابيه
حاولي يكون أسلوبك رقيق وإبعدي عن كلمات الإستفزاز لأنها تقلب كيان الرجل
وربنا يهنيك وأستمتعي بحب زوجك لك

إش رايج إني أغير في ملابسي وأشتري كل شيء عشان التغيير وما عمره قال هذا الشيء عاجبني...

وإذا شاف شيء على خواته حتى لو شيء عادي... إشويه وما أدري إيش بيصير فيه اللللللللللللله يجنن هذا اللي عليك...

بصراحه ذوقك يجنن... ومش بس يقول لهم قدامي... يرجع لي مره ثانيه ويقول لي شفتي إيش لابسه أختي...

مع أني أنا ما يعجبني ذوق أخته أحسه عادي بالمررررره...

بس هم كذا..

الحين شوفي مين مشكلته أعظم مشكلتي والله مشكلتش؟؟؟

هلا اختى عسوله ..........

ريلج من النوع المكابر بس هو فداخله عايبنه اللي انتي تسوينه ولو ما سويته بالعكس بيقولج ليش ما سويتي جيه وانتي ممله وما تغيرين ....

انا انصحج انج اتمين مثل ما انتي بيله يوم بيعترف لج .... هذا النوع من الريايل يباله صبر شوي ويله الله يوفجج بس ما اوصيج غيري دوووووووووم لان الريايل امره يملون

اختج :بنت الضاوي

اختي عدم الشكوي في حد ذاتها تعتبر عند بعض الرجال تعبير عن الرضا ولاحظي ان اهتماماتهم بتختلف عنا فيمكن انتي تعجبي مثلا بلون حلو لظل العيون و تجربيه و تنتظري المدح والثناء و تفاجئي بسخريته او تعجبه من الالوان التي نلون بها وجوهنا فاعرفي اهتماماته وزي ما بنقول كبري دماغك

عزيزتي زوجك بالضبط مثل شخصية زوجي .. ونفس الأمر حسيته بعد سنة زواج
لا تفكرين انه مو مهتم ومو عاجبه بالعكس هو مبسوط منك مره ومرتاح بس ماراح يقولك :)
( لما اغير نظام الغرفة ،لايبدي اعجابه بذالك ولكن يسألني ليش دائما تغيرين نظام الغرفة ؟ارد عليه علشانك ؟يبتسم ابتسامه غامضة)
مجرد سؤاله هذا كان اعجاب ياعزبزتي ولكن بطريقت الخاصة وعنده كثير مره انه قالك هالكلام بس انتي مافهمتيه , وبالابتسامة هذي كان يحس انك ارضيتي غروره ,, يعني كانت ابتسامة رضا مش غموض
انا كنت مثلك بالضبط احس انه مو مهتم واقول في نفسي مش فاهم اصلا هالحاجات
بس الرجال في بداية حياتهم الزوجية لما يحصلون الاهتمام يفكرون كل الزوجات كذا بس لما يفقد هذا الترتيب والاهتمام يتضايق كثير ووقتها يحس
انا زوجي حس ان الامور تغيرت عليه وفقد الاهتمام لما جبت البيبي الاول ورحت عند اهلي 40 يوم ومن بعدها صار يبين لي اهتمامه اكثر
وبعد 3 سنوات زواج :)
تغيرت الامور للاحسن ,,
عرفت وقتها بس اني ماكنت فاهمة طريقة اعجابه بالحاجات اللي اسويها عشانه
والله انه يفرح كثير ويحرج مني بنفس الوقت كأنه يقول في داخله (( كل هذا عشاني )) ووده بأكثر ومبسوط على حبك له,, بس .. بدون كلام
لكن لو حصل منك تقصير وقتها بيزعل ويتكلم
بالتوفيق عزيزتي واهتمي فيه اكثر واكثر لانه مرتاح كذا مره وصدقيني اكيد مبسوط

اشكركم خواتي على ردودكم ................وريحتو بالي الله يريح بالكم وتنالو كل ما تتمنون .......انشاءالله........أختكم عسولة 2

انا بقولكم مشكلتي

انا ماكملت سنتين و كل ما اسوي شي يا يسكت او يطنز
مخليتله البيت جنه و كل اغراضه اسويها
بس لما اغير او البس و اتعدل و شموع وحركات يطنز
ما قاللي ولا مره احبك

شو اسوي وياة
تعبت و ابي اطلق

أختي Om_Shahad الله لايقول وتطلقين وخلينا ناخذ بنصيحة الأخوات ونصبر ........والصبر مفتاح الفرج.

اختي الكريمة عسوله 2

صارحي زوجج بأنج تتضايقين من كلامه ..، و حاولي تسوين اشياء غريبة عشان تبهرينه

بعدها صدقيني راح يغير نظرته لج

اتمنى لج التوفيق

بالنسبة للاخت ام شهد

لا اخيه ..، كل شيء و لا مسألة الطلاق

بعدها صدقيني راح تندمين

انتي حاولي تكونين كاجول ( عاديه ) معاه

و الله يهنيكم و يسعدكم دنيا و آخره

اختكم

a witch

في حركه اختي تسويها لزوجها
وهي ((((((جلسة صراحه))))) وكبعا مستحيل كل واحد يواجه الثاني وجه بوجه
تعرفي اختي شو تسوي؟؟
خصصت اختي درج خاص بغرفة النوم، واتفقوا هي وزوجها انهم يكتبوا اي شي بالخاطر ويحطوه بهالدرج، ولازم دايما يشيك او تشيك على هالدرج
مثلا اذا هو خاطره بشي يكتبه، او ما عجبه شي يكتبه، او اذا يبي يصارحلج بشي ويستحي يقوله لج بويهج يكتبه بالرساله، وانتي بعد تكتبيله الي تبين في هالدرج
وكل واحد يقرا رسالته ويسوي الي طلب منه بدون ما الطرف الثاني يحس انه طالب هالشي
اتمنا انج فهمتي شي

اشكركم خواتي على النصايح و انشالله بجربها من اليوم

انا والله ودي اعيش حياة زوجيه عدله

بخبركم شو استوى وياي

اشكرك الأخوات a witch و بنت كنافه على هذا الرد ....وانشاء الله بنفذ اللي تقولون ......أختكم عسولة 2

:think:«®°·.¸.•°°·.¸¸.•°°·.¸.•°®»الصراحة مب عارفة أشلون أساعدج بس لما تسألينة عن الغرفة لما تغيرينها ويبتسم مثل ما تقولين غامضة أسئليه أكيد مب عاجبتك حاولي أنك تسألينه عدة أسئلة وبالنسبة لي ملابس النوم قولي له أنا ما شريتها إلا علشانك لأنك غالي عندي :bigsmile: وأن شالله تردين لي خبر بسرعة لأنك مثل أختي أبي مصلحتك يا عسولة«®°·.¸.•°°·.¸¸.•°°·.¸.•°®»2:up:

حبيبتي أم دانة الكشخة اشكرج على الرد واريد اوضحلج شي مو أنا اللي أسئلة هو اللي يسألني ليش مغيرة نظام الغرفة ؟وأنا ارد عليه علشانك ؟