التفاح المهروس للاطفال..

اهلا اختي الفجر البعيد..

فعلا انا كان ببالي هذا الشيء دوماً لما كنت اسوي تفاح مهروس او حتى الموز ، من افتح اصبع الموز اكل لو ما اكل يسود الباقي...

فتوصلت بعد تجارب << ههههه حلوة تجارب
الى اكتشاف ان خلط اي من الاثنين بشوية مانجو مهروس او عصير منجو طبيعي انتي عاملته يخليه ما يسود !!

عاد مو وايد، بس يوم واحد او يوم ونص.. وبعدين خلااااص..
لكن على الاقل شوي احسن، خصوصا لما تبين تطلعين وتجهزين له الاكل من البيت، ما يسود عليج وانتي ما اكلتيه..


ان شاء الله الامهات يفيدونا بعد بتجاربهن،

هلا اختي ...لازم التفاح يسود لانه هذي من خواصه ....التفاح و الباذنجان ....لانهم بتاكسدون بتعرضهم للهواء ....

و الي يمنع هذا الشي عصير الليمون حطيه على التفاح ما راح يسود ....لكن ما اعرف اذا يصير تسوين جذي لاكل الاطفال ...لان الليمون حامض و اخاف ياثر على البيبي

شكرا اخواتي على الافاده...

اختي جمانه شو تقصدين يوم او يوم ونص؟؟ يعني اضيف المانجو ليوم واحد مافهمت...وضحي بليز

يعني تخلطي عصير المنجو مع التفاح وتقدميه كوجبة للطفل..

اقصد انه يظل بدون اسوداد وصالح للاستعمال مدة يوم او يوم ونص :)

ان شاء الله فهمتي علي الحين ؟

شكرا على التوضيح اختي جمانه...

بس بالنسبه للطفل اللي توه مكمل اربع شهور ما اعتقد ينفع نعطيه المانجو لانه من مسببات الحساسيه وثاني شي هو ثقيل وايد على المعده...مادري شو رايج اختي جمانه شو الحل....؟؟

ارجو المشاركه من الجميع ...

عن نفسي لما كنت أعطي عصير تفاح حق ولدي كنت أعصر نص برتقاله بيدي مب بالعصارة علشان مايكون واايد عصير أو أحط نص أو فنجان قهوة عصير برتقال (طبعاً طازج مب الصناعي ) حسب كمية التفاح

أما عن المانجو فما عطيته إلا ألحين لما كمل ست شهور وعطيه في غرشه صغيرة بعد لأنه مثل ما قلتي ثجيل على اليهال

مشكوره اختي ارنوبة الفريج...

البرتقال لازم دايما يخفف بالماء..هل كنتي تضيفين الماي لعصير البرتقال قبل ماتخلطينه بعصير التفاح؟؟

أنا عن نفسي كنت أعطي بنتي الموز مع عصير البرتقال في الخلاط
أما بالنسبة الى التفاح فكنت أول شي أخليه مع ماي يغلي و بعدين أضربه في الخلاط و ما كان يصير أسود

أما عن تجربتي اليوم و بالصدفه ...لأنه بنتي عندها اسهال و صار اليها اسبوع و ما نفع وياها أي شي ...و قلت بضرب في الخلاط التفاح مع نشأ مجهز بالماي ولاحظت أن التفاح ما صار اسود!!!!

لا لا أحطه شي لأنها كمية قليلة أصلا بالنسبة للتفاح

عجيبة افكاركم يا بنات... :up:

واصلوا اذا كان عندكم افكار اخرى :)

بالنسبة لي أغلي التفاح مع الكمثرى بماء وبعدين أتخلص من الماء وأخلط التفاح مع الكمثرى بالخلاط وأحتفظ فيه بالفريزر وكل يوم أطلع شوي ..أسوي كمية حق 5 أيام أو أسبوع وما يسود..

انا بنتي عمرها 3 شهور اش ممكن اسويلها لو سمحتو ياامهات

السلام عليكم احسن طريقه لتفادي تغير لون التفاح انج تطبخيينه على البخار ؟؟؟؟؟؟؟
او تحطين عليه شوية عصير برتقال؟؟؟؟؟؟؟؟؟؟

احسن طريقه انج تشيلين معاج تفاحه كاملة وتقطعينها قبل لا تعطين البيبي ............. طبعا تهرسينه بالملعقه ..

انا ولدي حبيبي وايد يستانس يوم يسمع صوت التفاحه يوم اهرسها ويقووول شخ شخ شخ

أم شماء:
بالنسبة لي أغلي التفاح مع الكمثرى بماء وبعدين أتخلص من الماء وأخلط التفاح مع الكمثرى بالخلاط وأحتفظ فيه بالفريزر وكل يوم أطلع شوي ..أسوي كمية حق 5 أيام أو أسبوع وما يسود..

نصيحة لا تتخلصين من الماء لأنه فيه الفايده مالت الفوحان أي غليان الفاكهه على النار

مرحبا بنات يا ليت تفيدونا ايش نعطي البيبي اللي مكمل ثلاث شهور غير الحليب؟؟

نجمة الرضا
مشكورة على النصيحة..

نجمة الرضا
مشكورة على النصيحة..بس إذا خليت الماي راح يطلع مهروس التفاح وايد لين كأنه عصير..

القطوة الريشيه..
ممكن تضيف عصير برتقال مخفف (ملعقة عصير برتقال + ملعقة ماي)
وممكن تسوين شوربة خضار (جزر + كوسة + بطاطا + ذرة ملح + ماي) تغلين الخضروات وبعد ما تستوي اخلطيها بالخلاط وممكن بالتدريج بعد أسبوعين تضيفين الأرز للخضروات..
وممكن بعد تسوين مهروس التفاح والكمثرى...وبعد ممكن تسوين مهروس الموز..

اخلطيه بشوية عصير برتقال او بعض نقاط من الليمون سواء للتفاح او للموز يبقى مده طويله بدون ما يتغير لونه

وشوفي وادعيلي