تورتيلا+هالخلطه العجيبه= شي يرفع الراس..يالله بسرعه تعالوا ..

السلام عليكم ورحمة الله وبركاته
اشحالكن بنات :smile: ...انشالله بخير ...اليوم حبيت احط لك طريقة سندويشات لكن ..على قولة اخوانا المصريين ..(انما ايييييييييه) :up: انا متاكده الكل بيسالكم عنهن...وعلى فكره الي بترد على موضوعي بتظبط وياها الاكله والي ما بترد بتخترب وياها الاكله (مسويه سحر ) وانتوا كيفكم لا تردون خخخخخخخخخخ :dd:

(انا بحط المقادير وانتوا كيفكم الكميه الي تبونها ..
المقادير:
صدور دجاج مفوره في ماي وجم حبة هال وقرفه عشان الريحه الحلوه
خياره وحده
جزره وحده
طماطم بدون لب
زيتون اسود بدون الحب
زيتون اخضر بدون الحب
مخلل خيار صغير 3 حبات
شوية بقدونس
جبنة كرافت ملعقتين كبار
مايونيز ملعقه وحده كبيره
ذرة ملح+فلفل اسود
(ملعقه صغيره جبنة كرافت..+مايونيز+طحينه) للوجه
واهم شي ............................خبز (التورتيلا) الخبز المكسيكي (تلقونه في الجمعيات وكارفور)


الطريقه
تقشرين الخيار وتقطعينه لمكعبات صغيره جدا..والجزر والطماطم والزيتون والبقدونس والمخلل..كله تقطعينه لمكعبات صغيره جدا..تفتتين الدياي وبعد تحاولين تفرمينه بالسكين الحاده...وتحطينه على الخضار ...تظيفين الجبنه والمايونيز ورشة الملح والفلفل..تخلطينهم مع بعض عدل لما يتكون عندكم خليط للحشو...تيبون خبز التورتيلا وتحطين شوية من الحشو وتلفينه مثل ما تلفين ورق العنب ..فهمتوا كيف يعني من الجوانب مش مفتوحه... ترطينه في صينية بايركس...(الفرن) وتخلطين شوية جبن الكرافت وشوي المايونيز وشوية طحينيه وبالفرشاة تدهنين من فوق...وتحطينه في فرن حرارته متوسطه لين ما يشقر الويه شويه..(لا تخلونه وايد في الفرن يعني بس لين ما تشقر الخلطه الي فوق) وهني وعافيه وانشالله تعيبكم



ملاحظه...
ممكن ما تحطونه بالفرن..بس تسخنونه بالمايكرووويف(بدون الخلطه الي فوق)
الي يحب السندويشات حاره ممكن تحطون بدل المايونيز العادي مايونيز بالفلفل الحار