خصام بيني وبين حماتي والسبب العديلة

مادام هو يود امة ويسال عنها ماعليكي فيها يعني بس في الظروف والمناسبات اتصلي ولاتروحين

لانها ماهي رحمك يعني مو فرض عليك تسالين عنها

مشكورة حبيبتى هاتون على ردك بس هي ماراضية من موقفي وكم مرة تفاتح زوجي انه لازم نرجع مثل اول نروح زيارة جماعية نتغدى ولا نتعشى بس زوجي يقولها اني انا عندي حق في موقفي فتغضب هي اكثر

حبيبتي شوفي "خيركم من يبدا بالسلام"

انت ماعليج منها ومن سمعتها

بس خلج معاها ومع حماتج زينين عشان ماتسببين لنفسج تعب وهم

وشوفي ان شاء الله مع الوقت الله بيفرجها ان شاء الله

غاليتي انتي ماعليج من اخوانه او خواته اذا زعلوا على امهم ..انتي اللي عليج تبرين بها لانها مثل امج وحتى لو ما كانت تحبج لان خيركم من بدأ بالسلام ,,,,يعني انتي مالج حق تزعلين او ترفضين تدخلين بيتها ...لانه في الاخير الاخ هو يتحمل نتيجة زواجه منها .... و حتى لو كان هو اخوج وتزوج هذي البنت ما لج حق تزعلين منه او تقاطعينه .... لانج بالاخير تسوين خير بوصلج لهم ..

استهدي بالله .. وقبل كل زياره لها صلي ركعتين تهدي سرج وانشالله الله يطرح البركه ....

اختي انا ما اعرف هذه العديله ,,

بس بقولج نصيحه ,,, لا تستحقرين الناس والله اللي يعرف بنواياهم والله هو اللي يغفر لهم ...

ثاني شي انتي مب مطره انك تصادقينها و ما اظن لو ابتسمتي في ويها ولا سلمتي عليها راح تشلين اثمها ولا راح تنجسج .. كل الموضوع انج تعرفين ان هذه امه .. و في داخلها تحب ولدها .. بعنادها بغلطاتها لانها بشر بس هيه تحب ولدها

و اذا ولدها غلط الاختيار هو الوحيد اللي راح يتحمل الغلطه ...

و ما تدرين يمكن الله يهدي زوجته و يصلحها .. و يهدي عمتج و تبعد شرها عنج ..

انتي بس ادعي ان الله يهديهم و يهديج معاهم .. و يصلح العلاقات .. في ناس لو نبتعد عنهم يكون خير بس في ناس ما نقدر نبتعد عنهم لانهم اهلنا حتى لو هم كفار .. فما بالج بمرأة مسلمه ...

رايي من راي الاخت جامي

ماهي هالمشكلة المشكلة ان المحروس اخوا زوجي تزوج وحدة سمعتها ماحلوة ???????????????

اسمحي لي اعاتبج يا اختي.... وشعرفج انه البنت سمعتها مو حلوه انتي شفتيها بعيونج ماشيه طريق غلط؟؟؟ حرام عليج يا اختى تقولين هالكلام .... دام انه البنت ما سوت لج شي مالج حق انج تذمينها جذي..... انا حبيت اعاتبج بهالشي وانصحج الله ما ينسى احد من عباده.... وبعدين انتي باجر بيصير عندج بنات بترضين احد يقول عنهم جذي؟؟

خافى ربج ياختى دامج ما شفتيهاا والبنت ما اذتج خلاص لا تكلمين عنهاا جذي....

تحياتي

أختي في الله
أولا أحب أقلك إن في بعض الحموات يغارون على عيالهم إذا تزوجوا خاصة إذا بين الزوج حبه الزايد لزوجته
أو دلعها قدامها وإنت تقولي إنها تكرهك لأن زوجك يحبك وما أعتقد إن في أم في الدنيا يكون كرهها لزوجة
إبنها لأن ولدها يحبها إلا إذا حسسها إن زوجتة عنده أغلى منها وطبيعي تكون ردة فعلها هذي
ونصيحتي لك حاولي توطدي العلاقة بينك وبينها عشان الأولاد وعشان زوجك لأن لو حس إنك توديها راح يزيد حبه لك
أو زوجك يحاول يقلها إن تعزيها وأكيد ماتخفى عليك الأساليب يعني لو تجيبي هدية وتقدميها لها ومن خبرة سنين
أنصحك لو عندك أطفال خلي لهم يوم الجمعة يزوروا فيها جدتهم
أما بالنسبة لعديلتك لاتحكمي عليها صدقيني يمكن تطلع كويسة وتكون أخت لك في يوم من الأيام
وتذكري هذه المقولة ( أحبب حبيبك هونا ما أستطعت فقد يكون يوما بغيضك وأبغض بغيضك هونا ما أسستطعت فقد يكون
يوما حبيبك)وإستخدمي الذكاء الإجتماعي في علاقاتك معهم وماراح تندمي
وأرجوا إن كلامي يكون خفيف عليك وما تزعلي منه لأني قصدت النصيحة لوجه الله

السلام عليكم و رحمة الله و بركاته

هلا بيكي أختي...

أختي هذه عيلة في بعض ..ما تدخلي نفسك بينهم...

حر أخو زوجك...يتزوج اللي عايزها...هو المتضرر...

إنتي عارفة الحين إيش بيقولوا عليكي ؟

بيقولوا إنك غيرانة من زوجة أخو زوجك...و لذلك مش راضية تشوفيها...

و أفسحتي لها المجال تاخذ عقل و قلب حماتك...

و طلعتي إنتي الخسرانة في النهاية...

ما تدخلي نفسك في مشاكلهم و حياتهم أختي...و لا الكون راح يمشي على هواكي إنتي...و كل واحد يعمل اللي هو عايزه...

خليكي عادية و طبيعية...و اتصرفي معاهم بأصلك...و ما تفشلي زوجك عندهم و تتركيه يروح لوحده...مش حلوة في حقك...

الله يهديكي إن شاء الله...

اخواتي العزيزات
اشكركم كثير على نصايحكم الله لايحرمني منكم

كيف انا ماعلي من سمعتها لانه اصلا مابقى حد ماتكلم وانا من عيلة جدا محافظة ماتعودنا على القيل والقال وهذي اسمها عديلة يعني انا وياها المفروض انكون سواسية
بس انا ماقادرة اتخيل حتى اني بسلم ولابشوف شكلها انا ماكنت ابى اتكلم عن الفضايح بس بخبركم انها لا اصل ولا فصل ولا تربية ولا اخلاق ومبادي
اولا احنا عارفين انها على علاقة به من سنين وطلعات ودخلات مع بعض يعني كانه لقطها من الشارع وجابها ومرة شايفينها بعد نص الليل رايح يوصلها سكن عملها واهلها ولا داريين انا عندهم بنت دايرة على حل شعرها
ثانيا هي فرقت ما بين اخوانه وابوه غضبان ومتبري منه وصارت سبب لتشتت العائلة وهي عارفة انه هذا اللي بيصير واصرت على الزواج
حتى الجيران يتكلموا ويقولوا كلام يفضح عنها

وتبوني اروح واكون معاها

لو هم يطلعون من بيت ويرجع له احترامه كان على عيني وراسي بنزور حماتي بس مادام هي موجودة انا رجلي ماتطاوعني ادخله

وش رايكم الحين لو كنتوا مكاني ترضوا تروحوا ارجوكم ماتتضايقوا مني وردوا علي
انا احتاج حد ينصحني لاتبخلوا علي بنصايحكم والله يجازيكم كل خير وويوفقكم

السلام عليكم و رحمة الله و بركاته

أختي برضه أرجع و أقول لك ما عليكي منها...

كيف إنتي بتتأثري ؟

هي مش زوجة أخوكي إنتي...زوجة أخو زوجك !

روحي و سلمي عليها زي ما بتسلمي عليهم كلهم...و لو مش عايزة تكلميها...خلاص...ما تلكميها و لا تفتحي معاها مواضيع...

و صدقيني هي من حالها راح تبعد عنك...لأنك محافظة...و أكيد هذه النوعية ما راح تمشي معاها...

بس إسمك عملتي الواجب...و رحتي مع زوجك بيت أهله...مش تتركيه يروح لوحده بدعوى زوجة أخوه !!!

ياختى اسمحي لي ارجع واعاتبج حرام عليج تقولين عنهاا هالكلام انتي ما شفتي بعينج ليش تذمينها جذي؟؟

انتي تسمعين كلام حالج حال الناس بس وين الحقيقه ماحد يدري..... العلم عند الله يا اختى والله ستار علي خلقه شلون انت يا عبد ما تستر علي الناس.....

ولو انه كلامج صحيح جان ام الولد ما وافقت علي زواجهم وصارت الحين حسبه بنتهاا البيت لهااا صار وانتي الي طلعتي ......

اختي انا اقول روحي سلمي عليها وبالعكس اكسري عينهم وصيري احسن منها وتقربي لحماتج احسن ....

تحياتي

أنا مع الاخوات الفاضلات...وما قصرو معاج

اختي العزيزة مرموم شكرا على ردك مادري من قريت ردك هديت وفكرت بهدوء بزيارتهم بس المشكلة انه ما انا بس اللي مابى اشوفها حتى زوجي مايبىي يشوفها عشان كذا هوا مايدخل ويجلس في المجلس وهو قال كلمته قبل الزواج انه مابنختلط بيها وماعتقد انه بيكسر كلامه بسهولة ...وحتى لو وافق بيتضايق حتى لو مرت قدامه...صدقوني زوجى واعرفه

حبيبت قلبي دلوعت حبيبي انا ذكرت من البداية اني من اسرة محافظة جدا ماتعودنا على القيل والقال والله يشهد اني حافظة لساني من اعراض الناس بس هذي مشكلتي ولازم اعرض كل ابعادها عشان تحكموا وتنصحوني
وانا لوما متاكدة ماكنت تلفظت به ولعلمك ان كل مرة حد يشوفهم يسوله مشكلة بس مرة ستوت مشكلة كبيرة ولما عرفت قعدت اصيح طول الليل من سوء سمعتهم وخفت لاتوصل لاهلي والله يعلم اذا وصلت السالفة لهم وسالوني اذا صح ولا لا اش بقولهم
الحقيقة صعبة والاصعب ان نتقبلها فكيف لو اضطرينا نعيشها بلتياع وغصه


ختي الجميلة اشكرك على مرورك



ارجوا نصيحتي وانشاء الله محد زعل مني وخلوكم معاي ياخواتي

والله الي اعرفه ناس كتير كانت ماشيه في طريق غلط وغفله ومحتاجه الي ياخد بايديها ويمشيها في الطريق الصحيح

ليه يا اختي بدل ما تقولي هيا كذا وكذا متروحيش وتساعديها وتنصحيها وتاخدي بايديها محدش عارف جايز تتهدي علي ايديك

و مش بعيد تبقي هيا سبب في دخولك الجنه

اي انسان معرض انه يغلط مهما كان الغلط كبير وربنا بيسامح ليه احنا كمان منسامحش وجربي خصوصا انها ماذتكيش في حاجه

تاملي وتدبري قصص صحابه رسول الله عليه افضل الصلاه والسلام كانو في الجاهليه اشد عداوه للرسول عليه الصلاه والسلام
ولكن المهم باخرتهم والاسلام يجب ما قبله
تذكري قصه العبد الذي قتل 99 رجل واتمها ب 100 وتاب وتقبل الله توبته من غير صلاه واحده ولا صيام
اعذريني اختي وما ادراكي ان هذه الفتاه تكون احسن مني ومنكي مع مرور الايام بعد توبه نصوحه ودمعه باكيه خاشعه في جوف الليل
ادعي لها بالهدايه وكوني سبب في هدايتها ولا تتضايقين من حديثي بس والله اغلبنا غافلات نتيجه البعد عن الدين
ارجو الا اكون اطلت عليكي
واسال الله لنا ولكي ولها ولامه محمد بالهدايه
امين امين امين

حبيبتي هذي البنت أيام ما كانت عزوبية كانت خفيفة وأخلاقها واطية يحق لها لا رقيب ولا حسيب ....بس الحين الوضع تغير عندها الزوج اللي يراقب تصرفاتها

24 ساعة وما تقدر تزل أو تغلط مهما كانت الظروف ...وبعدين حبيبتي الله يسامح واحنا البشر ما نسامح حرام عليج..... انتوا اللي شفتوه منها كله قبل الزواج

بس بعد الزواج ما شفتوا شي منها البنت تغيرت أوضاعها اللي كانت تسويه عشان هذا الشاب اللي اهو أخو زوجج الحين تزوجها وخلص وأعتقد إن ما عندها

أحد تروح وترد عشانه .......المسامح حق هالبنت وزوجها وادعوا لها بالهداية والصراط المستقيم ...أخو زوجك تزوجها وستر عليها وأخذ الاجر وباكر تصير

أخلاقها أحسن من أي بنت اللي مضى راو ووللى واحنا علينا من اليوم ورايح ........وانتي حبيبتي ما عليج اذا زوجج ما دخل بيت أهله أو سلم على أمه من بره

انتي خليج بعيدة عن هالموضوع انتي روحي سلمي على أم زوجج واذا شفتي عديلتج سلمي عليها وخلي علاقتج فيها من بعيد لبعيد لحد ما تتطمنين من

أخلاقها بعدين خلي علاقتج فيها قوية والمسامح كريييييييييييييييييييييم.........................

انا من رايي تروحي لبيت حماتج و تسلمي و تقعدي معاها و تطلعين من غير ما تحتكين فيها عن قرب

مو شرط لو دخلتي تكونين قريبه منها

ما في داعي تتقربين منها

لا تحسبين لها حساب بس عمتج ما لها ذنب

و زوجج مو حلوه بحقه انج ما تروحين معاه

انا احسب عمتي مقام امي و الله مو شرط تكون رحم علشان ازورها يكفي بس انها ام زوجي اللي هو كل شي بالنسبه لي

انا من رايي تخزي الشيطان و تروحين مع زوجك تسلمين عليها و تطلعين

يعني تادية واجب

و الله يوفقج و يهديج

حبايب قلبي اللي ردوا علي

اختي جبال الهملايا والله عارفه هذا كله بس انا عارفه انه لانها اصلها غير عنا يعني ما عربي مثلنا يعني متربيه على تربية مختلفة عنا...صعب تتغير الحين وتكون مثلي واحنا الخليجيين متعصبيين من ناحية اختيار الاصل لانها عاداتنا وتقاليدنا .، كان ممكن تكون عديلتي وحدة من ثوبنا و متربية صح ونكون اخوات صحيح
اش دراكم يمكن لو تقربت منها ممكن انا اللي اتاثر ويصير العكس ونزل انا لتحت. وكيف هي ماذتني في شي هي السبب في تفكك اسرة زوجي وهي فخورة بها الشي وانا لهذا السبب اكرهها
وتسلميلي على النصيحه ولاتزعلي من ردي


اختي منال البحرين وسحايب دبي
انا بعدني جالسه افكر في موضوع الزيارة خايفة لا يصير فيني شي لو شفتها قدامي بس اذا نويت بسوي مثل مانصحتني اختي مجنونه قطرية اني اصلي ركعتين قبل ماروح عسى الله يسهلها علي
والله يوفقكم جميع على نصايحكم وردودكم وصبركم علي

وما ادري يمكن افاتح الموضوع مع اختي الكبيرة واشوف رايها وردة فعلها والله يستر

واتمنى و ارجوا اخواتي اللي ماردوا واللي يدخلوا على موضوعي بعد يكتبوا وينصحوني ولا تبخلوا على عسى الله يهديني على يدينكم للطريق الصح ولكم الاجر واختي مرموم وينك انتظر ردك بعد
الله لايحرمني منكم

السلام عليكم و رحمة الله و بركاته

يا هلا فيكي أختي...

أختي الموضوع مش موضوع تختلطوا أو لأ...

زوجك أصلا ما مفروض يختلط فيها...لازم يكون في فصل بين النساء و الرجال...

الموضوع إنك تقومي بواجبك...و تمنعي أحد يقول عليكي كلمة واحدة...

الآن إنتي لك 4 شهور ما زرتي بيت أهل زوجك علشان هذا السبب...من وجهة نظرك...هو سبب كافي...

لكن زمان بيت أهل زوجك يحكوا و يحكوا عليكي...

بالعكس...الإنسان دايما يعمل الصح...زي المثل اللي يقول ( امشي صح...يحتار عدوّك فيك )...

يعني ما تعطي أي أحد فرصة أو مجال يتكلم أو يعلق على اللي يصير...

و ما راح تخسري شيء...كلها زيارة ساعة مثلا...اقعدي مع والدته و إسألي عليها...و خلي زوجك مع والده و مع إخوانه

لو طلعت لك زوجة أخو زوجك...كوني باردة...و عامليها عادي جدا...و لا تتعصبي علشان ما تقول غيرانة...و لا شيء...

و سبحان الله...يمكن لما تشوفيها تغيري وجهة نظرك عنها...لأنه الإنسان ما يحكم على الناس من الكلام...لازم تشوفيها و تعاشريها..

و إجعلي كل ذلك بنية إرضاء زوجك و صلة الرحم,,,علشان ربي يبارك لك في الزيارة...

و إن شاء الله خير :)