لبنات البحرين ..وين الطلعة ؟؟!

هلا حبيبتي دمع الليل

والله ماعندي خبرة؟؟؟؟؟

روحوا مطاعم ،، تمشوا على البحر

وبالنسبة للطلب الثاني

انا انصحج ماتعودينه على الطلعاات خليه على طبيعته ولا بعدين بتندمين:)

ممكن تروحون مطعم تياترو في مجمع الدانه بصراحة اهو حلو ورومنسي واذا كنتو تحبون المطاعم الاسيويه ممكن تروحون مطعم مونسون في العدليه بصراحة خيال

والله حسيت فيج بعد انا تمللت يوم كنت مخطوبة ما كان في شئ بس روحي السعودية مع خطيبج والله برنامج لا تشترين بس روحي مطاعمهم او تمشي على الكورنيش مالهم وإذا تقدرين روحي حوار

السلام عليكم اختي دمع الليل

بقول لش شي من قصتي يمكن تستفيدين اول ما انخطبت كنت محتاجة اني اقعد وياه في مكان غير البيت علشان نقدر نتكلم على راحتنا و بما انا انخطبنا في الصيف فكنا انروح مجمعات
اني كنت ما احب الفوضة فما عجبني لا مجمع البحرين و لا مجمع الدانة لكن الصراحة صرنا نستمتع في جاردن فود (جواد) في بابار و نستانس بعد على مجمع العالي احس لو كان مليان بعد مو فوضة و صراخ

تدرين صرنا الحين اذا محتاج واحد فينا للكلام على طول يقول خاطرنا انروح جواد و لا العالي فالطرف الثاني على طول يفهم انه في خاطره كلام يبغي يقوله

هذي الاماكن اللي انروح علشان افضفض فيها

اما الاماكن اللي انروح علشان ناكل انروح الابراج او اي مجمع او اني اطبخ و انروح على البحر شي فضيع

اما الاماكن اللي اعتبرها رحلة عندي لش نصائح
1. البلاج
2.الصخير
3.روحي جبل الدخان
4.روحي محمية العرين
5.روحي قلعة عراد
6.روحي رحلة بحرية على طراد

و بقول ليش مثلا روحي البلاج الظهر على غدا في الليل لا تروحين يخوووووووووووووووووووووووووف
و روحي قلعة عراد العصر من وقت و بعدين ااذ ما تخافون من اللجن او الطراد ادخلوا خلي احد من هناك الصيادين اللي عندهم طراد يدورون بكم في البحرين بعدين تدفعون ليهم

و روحي رحلة الى محمية العرين و طالعوا الحيوانات و بعدين قعدوا في الحديقة هناك و تغدوا

و روحي صخير بعد في النهار
على وجبة و بعدين قوموا تسلقوا فووووووووووووووق الجبل او الهضاب او التلة ما ادري ويش اسميهم في البحرين لان هم مو جبال مرتفعات

ترا اني وايد انصح بطلعة النهار الى هالاماكن لان الصراحة عججيييييييييييب احلى من الليل و شي غير معهود

و مرة بعد قولي لزوجش يوديش جبل جارا اللي في السعودية عجيييييييييييييييييييييييييييييييييييييييييييييييييييييييييييييييييييييب

و بعد عندي لش نصيحة اذا كان عندش صديقة مخطوبة او متزوجة ادعيهم على العشاء بره و فن راح تستمتعون اكثر اذا كان في الرحلة معاكم ناس و صرتون جروووووووووووب او صديق زوجش مع زوجته اذا كان الوضع عندكم عاااااااااااااااااادي


و قبل لا اختم روحي مع زوجش الى المتحف

يمكن تقولين ان الاماكن اللي مقترحتنهم اماك ن احنا زرناها ايام المدرسة بس حطي في بالش انش هالاماكن ما رحتينها ويه زوجش
تره اني رحت هالاماكن بروحي بس يوم رحت مع زوجي واااااااااااااااااايد استمتعت

و يالله ان شاء الله افدتش

هلا ..

اولا .. مبروك ..

ثانيا .. تقدرين تروحين مجمعات .. جيان .. الكورنيش .. البحر .. زيارات للأهل بعد ..مطاعم : الابراج ، مرمريز .. .. الخ .

وبالتوفيق ..

يا هلا حبيبتي

اولا مبروك على الزواج

وثانيا

الاماكن حتى لو كانت مو حلوه ،، انتو تحلونها

يعني مثلا

آنا احب اروح الكورنيش مع زوجي ،، لأن عندنا حب لهالمكان يذكرنا بالخطوبه ونرتاح فيه ،،

بس صديق زوجي عزمنا مره على البحري ورحنا معاه بس كلش ضاق خلقنا ورحنا مره ثانيه بعد وما عجبنا الوضع قعدنا حاطين يدنا على خدنا من الملل

بس يمكن انتي تروحينه ويعجبج

عندج البلاج حده فن آنا رحته النهار من قلب فرحت ،،

روحي ساحل كرباباد بعد مال مخطوبين


عندج ساحل ابو صبح في الدراز بعد حلو

اممممم


بالنسبة للمطاعم مرمريز يعجبني ورنديفو اللي في السيف بعد وايد عجيب ونظام بوفيه ..

عندج جيان وايد نحب نتمشى فيه ،،


السيف ،، العالي ،، الدانه ،، تحسين بمتعه وانتي تتمشين هناك حتى لو ما شريتي شي ..


وان شاء الله اذكر بعد اماكن واقولج

الله يعينكم يالمخطوبيت بصراحة ملل
مافي أماكن ترفيهية أو حدايق
وافي غير هالمجمعات وهالمحلات والمطاعم
بس شتسوون حاولوا تدورون لكم على برامج

الله يعينكم يالمخطوبين بصراحة ملل
مافي أماكن ترفيهية أو حدايق
ماكو غير هالمجمعات وهالمحلات والمطاعم اللي حفظناها من كثر مانروحها( جيان، السيف،الدانة ، العالي، المارينا مول) وبس
بس شتسوون حاولوا تدورون لكم على برامج

السلام عليكم ورحمة الله وبركاته

# رومانسية #

مشكورة حبيبتي على ردج بس ليش ما اعوده على الطلعة ؟؟.. وليش باندم ؟؟..

تراه هوه يحب يطلع بس ما ندري وين نروح
ويطلع غالبا مع اصحابه يمكن لان الاولاد لهم برامج مختلفة عن الخطيب وخطيبته

وفي وقت معين لي ووقت لاصحابه

في أمان الله

السلام عليكم ورحمة الله وبركاته

bawasim
انا راحيت تياترو في الدانة واسعارهم حلوة بالنسبة لمكانهم وايد ارخص من الباقي ..

بس اللي في العدلية ما رحته وان شاء الله باعمل بنصيحتج وباروحه يا الغالية

جربتي رحتي المطعم اللي يم الكورنيش "كل افشان"؟؟.. خاطري اروحه يقولون حلو

في أمان الله

السلام عليكم ورحمة الله وبركاته

الغالية22

حلو اقتراحج حبيبتي .. واللي بيساعدني اكثر ان امه سعودية وله اهل هناك ..
اكيد يعرف مناطق وايدة هناك باحاول اخصص يوم نروح فيه نتجول

مشكورة حبيبتي على الاقتراح والمرور الكريم

في أمان الله

السلام عليكم ورحمة الله وبركاته

ليالي الحب
تدرين ليش اقتراحج حلللللللللللووووووووو

اولا لان فود قاردن يمنا

وثاني شي ..لانه هادئ

وثالث شي لان اول مرة جافني وكان معجب كان في فوود قاردن لما كنت مع بنت عمه ..:o

وانا اروح معاه بعض الاحيان نتعشى هناك ...

بس العالي انا من زماااااااااااااااااااان ما رحته ... باحاول اروحه معاه لانه صج هادئ ..
بالنسبة للمطاعم ان شاء الله باروحها ... مثل ما قلتي لي .. بس وين اماكن الطرادات اللي تاخذ في جولة ؟؟.انا فهمت منج انها يم قلعة عراد صح ؟؟


كللللللللللللللللللل افكارج حلوة وصج مع اني راحيتها قبل الاماكن مع المدرسة بس شكلها بتكون احلى لاني معاه ...

البلاج احين بررررررررررررررررررررررررررررد .. باجل الفكرة لما الجو يكون افضل شوي

انا رحت جبل قارا اللي في الاحساء مع اهلي ومع اهلنا هناك

بس ان شاء الله باروح معاه وان شاء الله يكون يدل

لانه حلو مثل ما قلتي .. ومغارة ومغامرات

صديقه زوجته صغيرة مثل عمري باقترح عليه باني اطلع معاهم .. احسها بتكون طلعه حلللللوووووة

مشكورة يا الغالية افكارج وايد وايد واييييييييييييييييييييييييييييييييييييييييييييييد افادتني

يزاج الله خير

في أمان الله

السلام عليكم ورحمة الله وبركاته

الاخت الغالية رد روز

انا ودي اروح مكان مب مسكر .. لان المجمعات تطق الجبد شوي ..

ودي شوي اغير عنها ...

وان شاء الله اروح الاماكن اللي ذكرتيها

مشكورة يا الغالية

في أمان الله

السلام عليكم ورحمة الله وبركاته

عروسة ناعمة

الله يبارك فيج عمري

لازم يكون لكل مخطوبين مكان حلو يذكرهم فيه عقب صح ؟..

والحلو ان انتوا اخترتوا مكان هادئ و فيه بحر وهوه الكورنيش ..

ساحل كرباباد ما ادله في وين
ساحل بو صبح ما احب اروحه لانه وايد زحمة يكون و فيه وايد شباب ...

مرميز انا لحين ما رحته من عقب خطوبتي لانها كانت في صالة مرمريز

رنديفو رحته قبل بس مب معاه لازم اعزمه اروح معاه هناك ..
بس مشكلة المجمعات الزحمة اللي لا هوه ولا انا نحبها ..

وتعرفين تلصق وما ادري شنو وهوه ما يحب يجوف احد يتنقرش فيني ولا انا احب اجوف البنات يتنقرشون فيه ..

عشان جذي اقول يمكن ما يحب يظهر !!

مشكورة حبيبتي على ردج واهتمامج

في أمان الله

السلام عليكم ورحمة الله وبركاته

وانتي الصاجة اختي شجون

ما في اماكن وايدة في البحرين
بس احين الاخوات عطوني افكار ..

الله يرحم عذاري كانوا اهالينا مستانسين فيها اكيد كل يوم يتمشون هناك ..

وشللون يعني برامج ؟.. مثل شنو شنسوي ؟؟..

تصدقين عاد اختي من الملل ساعات ما عندنا سالفة فنتهاووووووش ...

وحتى الهواش اللي بدون سبب صرنا نمله..

والمشكلة انا باطول في الخطوبة عشان الدراسة

الله يعييييييين

مشكورة حبيبتي

في امان الله