حبيت اخبركم شو استوالي قبل لاعرف اني حامل !!!

f

fashion girl

عروس برونزية

26-01-2006 | 11:03 PM

السلام عليكم ورحمة الله وبركاته

شحاااالكم بنات ..

طبعا الحمد الله اني حملت و اموري ميسره عليه ... بس حبيت اقولكم قصتي الغريبه .. يمكن انتوا تستفيدون منها..

طبعا في الاجازه شهر 10 كنت في هالفتره معانيه من الارهاااااااااااق و فيني هبوط , فخذني ريلي على مستشفى خاص دووم اتعالج فيه ..

المهم سووولي تحليل الضغط و طلع فيني هبوط عجيب حتى الدكتور فتن علي و قالي اني لازم اكل و انام .. المهم .. اليوم الثاني زقرني الدكتور و قال اني لازم اخذ دوا منوم قوي عشان اقدر انام و الصراحه هاذا الدوا يعتبر نوع من انواع المخدر .. الي يستخدمونه للي عندهم امراض نفسيه...

و زادها بأشعه .. انا كنت موافقه اني اخذ الدوا و اسوي الاشعه .. بس خالتي قالت لا تأخذين الدوا و لا تسوين الاشعه لانج ممكن تكونين حامل ( انا قبل لا اسوي اي شي الدكتور سوالي تحليل دمممم و طلع مافي حمل)

انا طبعا سمعت كلام خالتي و ما سويت الاشعه بس الدوا اشتريته و ماخذته لان زوجي منعني ..

اتخيلوا ان بعد يومين قمت ازوع في الكليه .. و ارجع و اكون تعبانه و لاحظت ان فات على موعد الدوره 9 ايام ... المهم رحت و خذت مال الحمل و جربت طلع خط واحد و انا اتحرا الخط يعني سالب .. جان افر التست و رحت ارقد .. المهم يوم رجع ريلي بعدين دخل الحمام و جاف التست و قرا العلبه و اسمع صوته يوعيني و يقول مبرووووووك !!!!

هاااااا شو السالفه .. طلعت حامل و يوم رحت عند دكتوره الولاده و الحمل الي في الزهرا ... قالت اني حامل من شهريييييييين .. اتخيلوا لو انا سويت الاشعه و خذت الدوا .. كنت بسقط الي في بطني او ممكن انه يتشوووهه..

سبحان الله !

اسفه طولت عليكم بس قلت يمكن انتوا تستفيدوووون من قصتي ..

أ

أم كرومي

مشرفة سابقة

26-01-2006 | 11:11 PM

سبحان الله
الف مبروك حبيبتي و عقبال ما تبشرينه بولادتج
و الله يرزق ان شاء الله كل محرومه

ف

فوانيس

مشرفة سابقة

26-01-2006 | 11:56 PM

سبحان الله
وألف مبروك يا فاشن جيرل
الله يثبت البيبي و تولدين بالسلامة يا رب

@

@شهد@

عروس مشرقة

27-01-2006 | 03:10 AM

ربيج حافظ يااختي

عاد انا سالفتي سالفه انا صارلي 10 سنين متزوجه

والله مارزقني

وقبل رمضان يقوم الم بضرسي العقل وقالي دكتور مكسور !!! استغربت
وعطوني بنج واخلعووووه وخياطه وكل يوم مضااااد

وبعد اسبوع قام على الم في المعده
اطلعت فايروس بالمعده واخذت مضاااااااد وادويه ليوم الادويه
8
8
طبعا هذا بنص رمضان

اخر رمضان الدوره مانزلت اخذت حبوب الدوره
وانتظر تنزل ههههههههههههه

عيدت ورحت اسبوع لدبي وماخليت مجمع مامشيت فيه ماخليت شئ ماسويته

وبعد مارجعت من دبي تعبت واكتشفت اني حامل 3 شهور

احمد الله الف مرررره ان حملي تم والله حااااااااااااااااافظ ياااخواتي
والبيبي الحمد الله بخير ياااخواتي

فديت ربي

لاتنسون تدعولي الله يثبتلي حملي ويقر عيني بشوفت الصغير

د

دمعه عذاب

عروس مشرقة

27-01-2006 | 03:28 AM

الف الف مبروك

عقبال الولاده

غ

غصن الرند

عروس مبدعة

27-01-2006 | 04:01 AM

الف مبروك

ط

طيوبه

عروس رائعة

27-01-2006 | 05:32 AM

الله يثبت حملكم ويرزقكم الذرية الصالحة يارب

_

_ ام حمودي _

عروس برونزية

27-01-2006 | 06:27 AM

الف مبروك خواتي والله يثبت حملكم

والله يرزق جميع المحرومات

f

fashion girl

عروس برونزية

27-01-2006 | 10:56 AM

سبحان الله يا شهد .. الله يثبت حملج ياااااارب..

R

RoOoOmy

عروس ماسية

27-01-2006 | 11:14 AM

مبروك fashion girl ومبروك شهد

الله يتمم لكم بخير ويسهل عليكم
بس غريبة ماحسيتوا بشي يعني شهرين وثلاثة شهور الوحدة ما تحس انها حامل !!

ان شاء الله نسمع عن ولادتكم بالسلامة

n

nono748

عروس نشيطة

27-01-2006 | 11:43 AM

الف مبروك لكم واللة يتمم لكم على خير
انا قصتي في حملي الاول اني كنت مسوية اشعة لاسناني, وما كنت اعرف ان فية حمل.
حملي الثاني (الحالي) زوجي مسافر , اول ما رجع ثاني يوم سافرنابعد كم يوم حللت في المستشفى وقالت لي الممرضة لو صار حمل قبل يوم واحد بيبين..المهم طلع مافية حمل سويت عملية بعد هالكلام بيومين وخضعت لبنج كامل...بعدها بعشر ايام كان موعد الدورة (ما نزلت) بغيت اسوي تحليل ريلي مب متوقع حمل فكل يوم يقول لي OK اليوم بيب التحليل والحبيب مطنش, المهم دبرت اموري خذت تحليل من الصيدلية والنتيجة WOW فية حمل ( لا وايش غير متوقع بعد... )
بس تدرون شو المصادفة الي كانت تصير لي في الحملين ...انة الشهر الي يسبق الحمل تتاخر علي الدورة كم يوم (وطبعا ما يكون فية حمل) وسبحان اللة الشهر الي بعدة على طول اطلع حامل.

f

fashion girl

عروس برونزية

27-01-2006 | 12:23 PM

سبحااااااااااان الله .. بس بغيت اسالكم .. انتوا سويتوا الاشعه و خضعتوا للبنج ؟؟ يعني ماشا الله الجنين ما يستوي فيه شي !!

انا الي اعرفه انه مول مب زين

f

fashion girl

عروس برونزية

27-01-2006 | 12:25 PM

Roomy :-
انا كنت اصلا مريضه خلال الشهرين و كان فيني هبوووط .. فما حسيت ابدن و بعدين اول شهر الدوره نزلت علي .. فما يا على بالي

مشكووووووووره على المرور

o

om rashodi

عروس جديدة

28-01-2006 | 12:53 AM

عيل اسمعو قصتي :
انا حامل فاللشهر الثاني بس قبل لا اعرف ب 3ايام طحت من الدرج واتعورت ووودوني المستشفى وسويت الاشعه واخذت ادويه ومضادات والحين خايفه!

شو اسوي :(

@

@شهد@

عروس مشرقة

28-01-2006 | 01:58 AM

الله يبارك فيكم يالغاليااااااااات

والله فديتكم ماااخبي عليكم انا مهب خايفه انا مرعووووووووووووووووبه
على الجنين قالولي يوم الثلاثاء بيسون له الاشعه علشان يتاكدون من اعضائه الداخليه
انها كامله

يارب الله يتمم لنا

انا عني لاني ماحسيت بدوخه ولا كنت ارجع ووحمي وايد بارد
ماحسيت اني حامل الحمد الله

-

-%-سحابة حب-%-

عروس ماسية

28-01-2006 | 02:03 AM

سبحاااان الله
الف الف مبروووك

ا

الفاتنه2006

عروس جديدة

28-01-2006 | 07:53 AM

الف الف مبروك اخواتي وانشاء الله يفرح قلبي انا بعد واحمل قولو كلكم امييييييييييين

F

FLoOoOoOoNA

عروس مبدعة

28-01-2006 | 10:11 AM

ألف مبروووووووووك.....انشالله اتعدي هالفترة ع خيييييييير

د

دراعه

عروس فضية

28-01-2006 | 10:35 AM

الله يثبت حملكم كلكم ان شاء الله يارب ياحي ياقيوم ويرزق كل محرومه ويسهل على كل حامل ووالد

ه

هنومه

عروس مشرقة

28-01-2006 | 10:47 AM

الحمد الله الله ستر انا صارلي نفس مشكلتك اول ما تزوجت ياني التهاب بالبول ورحت مستشفي الهادي وهي مستشفي خاص وتصدقين فحصني الدكتوره وسوتلي سونار داخلي وقالت انت مو حامل وهذا التهاب وعطتني مضاد حيوي بس ريلي صمم اني ما اخذ المضاد سبحان الله والحمد الله اني طاوعتد لان لما سوالي تحليل دم طلعت حامل يخرب بيتهم كله افكر اقول لو اني معانده ريلي كالعاده شان صارلي اجهاض الحمد الله علي كل حال وحسبي الله علي بعض الدكاتره الي ما عندهم ضمير