يابنات نفسيتي تعبانه من السمنه .....فيه حل !!!

الله يفرجها

وان شاء الله البنات يساعدونج ويساعدوني

الصراحه حتى انا ابا حل اذا عندكم خاطريا انزل 15 كيلو

يعني اذا ممكن طرشولي ياه عالخاص

انا طلبته كذا مره ولا حد عبرني..لول

ان شاء الله العرايس يفيدونج

بنت جابر الخير
الله يفرج همج يارب
اول خطوة هي الاراده
صدقيني ادا ما في اراده ما راح تقدريين تستمرين
ثاني خطوة اقسمي جميع حصصك الغدائيه الى النصف
ادا كنتي تاكلين صحن كبير من الارز مكون من 20 ملعقه الان كلي صحن صغير مكون من 7 ملاعق
كلي كل شي مسلوق او مشوي
البان وحليب واجبان قليله الدسم
اشربي ماء كثير
ولا تنسي التماريين الرياضيه
وبالتوفيق حبيبتي

:مرحبا اختي والله اني نفس حالتج من أشوف الاكل جنه أحد بياخذه مني آكل بدون تفكير حتى ريلي يقولي شفيج محد بياخذ أكلج اكلي شوي شوي محد لاحقج ودايما يقولي يادبه مع اني مو متينه وايد والله بعدها قلت ليش جذي ياغاده تخلين العذال يتشمتون فيج (أقصد ريلي):dd: المهم قلت خلاص لازم أضعف وأمس بلشت من قعدت من النوم وانا أقول خلاص اليوم رجيم رحت ناحية الثلاجه ابي افطر وشفت التوست والشغلات الحلوة جان اقول لأ :angry: لازم أبدي اليوم تصدقين خذيت 4 ملاعق كورن فليكس وباجي الحليب حطيت نسكافيه وايد طبعا فكرة النسكافيه من دكتور معروف بالكويت المهم والله يا اختي بعد ما شربت الحليب حسيت ان النسكافيه غثني قلت حلو ولما حسيت نفسي يوعانه رحت ناحية الثلاجه بغيت آكل جان أقول غاده حبوبه وين الرجيم شربت عصير وماي وايد وعالغدا سويت همبرجر مع صمون أسمر وسلطه والله ان اليوم كله عدى على خير صدقيني مجرد تحطين في بالج ان لازم أضعف وكل ما تروحين ناحية الاكل تذكرين نفسج ودج تضعفين راح تصير عندج اراده المهم انا صج طولت بس بقولج شي لمصلحتج لا تفكرين تسوين رجيم قاسي اللي يروح بسرعه يرد بسرعه حطي هالشي في بالج من فترة سويت رجيم ونزلت بشهر ونص 15 كيلو كنت أقعد الصبح آكل بسكويت دايجستف وعصير أناناس وبس للمغرب آكل سلطه بس هالشي غلللللللللللللللللللللط تعالي شوفيني الحين تقولين منو هالبرميل :dd: رجعت مثل قبل المهم سوي نفسي وخلي نشجع بعض ولا تخلين الطلاق يأثر عليج ترى مو نهاية العالم اوكي حياتي ابي ردج وتقولين لي ان ارادتي صارت قويه وبلشت أخفف أكلي سمعتي خففي مو تحرمين نفسج اللي تحبينه اكليه بس خففي منه ناطره ردج موفقه:shy:

عندي نصايح ممكن تنفعج:
1- قسمي وجباتج الى ست او سبع وجبات صغيره في اليوم يعني الصبح و الضحى والظهر والعصر والمغرب وفالليل
لككككككككككككككن كلي وجبات صغيره .. وخفيفه وقليله السعرات
وفي نفس الوقت حاولي تتلذذين فيها

2- حاولي تمشين كل يوم نص ساعه او ساعه ولوحصلتي نادي رياضي يسوون فيه رياضة اليوغا سجلي وياهم

3- كل يوم فالليل سخني كوب ماي وحطي فيه مرميه و اكليل الجبل وبابونج
او سخني ماي وحطي فيه شاي أخضر ومرميه

4- اذا في يوم زادت بج الشهيه وحسيتي انج تبين تاكلين وجبه دسمه
اشربي اليوم الثاني من الصبح عصير أناناس طبيعي او ثمرة اناناس الصبح ع الريج لانها تذوب الشحم

طبعا لو كنتي في ظروف نفسيه ثانيه بقولج اربطي حلجج وبتضعفين بس أنا مراعيه ظروفج النفسيه
والله يعوضج خير

تراني نزلت موضوع كيف تجعلين جسمك يحرق الدهون ارجو الاستفادة منها

الله يعينك ويساعدك

هلا حبوبة:

أنا متينه بس من بعد ماعزمت اني اقاطع السمنة بالفعل بديت في هالشي

أولا غيرت نظام اكلي في حالتج انتي تقدرين تستخدمين العلكة اكسترا عشان تشغلين الفم

ثانيا حاولي تشربين ماي واااااااااايد يعني كل ماتحسين عمرج يوعانه سيري صبي كاس ماي

ثالثا لازم تكونين حاطه هدف لنفسج وطبعا لاتنسين تخلين لبسه تكون ضيجه عليج عشان كل ماينزل وزنج تشجعين

أنا بصراحة مارست المشي والسيكل

وفي جهاز اسمه LPG جهاز فضيع بصراحة يساعد على تذويب السيلولايت اللي في الجسم

وانا من بعد مابديت جلسات LPG في فرق في مقاساتي

وبصراحة الله يعينج وإن شاء الله توصلين للي تبينه :smile:

الله معاك كلنا نعاني نفس الماساة

وحاولي تنفذين النصايح اللي كتبوها البنات

والله يعوضك خييييييييييير انشالله

بنت جابر الخير

بالاراده نغير كل شيء

اختي انا عندي نفس مشكلتج بالسمنه

ووزني في ازدياد للاسف
والاراده زيرووووو :(


بس خلاص اليوم لما شفت وزني على الميزان جاني اكتئاب

وان شاء الله من بكره اكلم الدايت سنتر يرجعون يشغلون اشتراكي

انتو ماعندكم دايت سنتر بالكويت ؟؟

اشتركي معاهم لو عندكم

وهم راح يتابعونج وبيعطونج الاكل اللي يناسبج

لقيت ريجيم على النت مفروض انه ينزل خمسه كيلو في ثلاث أيام فقط و20 كيلو بشهر !!
لمده ثلاثة أيام تاكلين المكتوب و الاربع الايام الباقيه تاكلين اكلش العادي بس بالمعقول و حاولي من غير حلويات

لو بغيتيه راسليني على الخاص.....أنا بديت فيه من امس و نقصت كيلو و ربع اليوم الصبح

اختي كلنا نعاني من هالمأساه بس أنا قدرت انزل كثيييييير من وزني


والحين بقى لي حوالي 20 كيلو لازم يعني لازم انزلهم ..


بالنسبه لريجيمي اللي استمريت عليه راح انزله في موضوع خاص


بس بحاول اكتب لك كل اللي مكتوب بالورقه من عند الدكتور ..


لأن فيها بدائل وأنا ناسيتهم ..


بقرب فرصه راح انزله

بنت جابر الخير حبيبتي انتي نفس حالتي بالضبط انا انصجج تجربين ريجيم حسين دشتي كله أكل وماراح تحسين بالجوع بس عن نفسي راح ابلش انشالله من باجر ريجيم الدكتور أسامة حمدي يتعب شوي بس انشالله ألقى فايده وادعوا لي بنات ما أخربه

الله يساعدك ويعينك كلنا فهذا الحال
الله المستعان

الله يعينج يارب ويوفقج بحياتج

لاتشيلين هم .. البنات مايقصرون وكلامهم يريح والله

واتمنى من الاخت .. لولو الدلوعة انها ترسل لي على الخاص وصفة الريجيم اللي تنزل بالثلاث ايام خمسة كيلو لأني مااقدر اراسلها لأني جديدة وردودي اقل من المسموح فيه :)

شكرا للجميع

اختي كلنا نعاني من هالمأساه

بنت جابر الخير حبيبتي انتي نفس حالتي بالضبط

واتمنى من الاخت .. لولو الدلوعة انها ترسل لي على الخاص وصفة الريجيم اللي تنزل بالثلاث ايام خمسة كيلو لأني مااقدر اراسلها لأني جديدة وردودي اقل من المسموح فيه

شكرا للجميع