السلام عليكم ورحمة الله وبركاته ...
شلونكم وشخباركم ياحلوين ؟؟
هذي تجربه انا سويتها وقلت بانقلها لكم ..
سمعوا السالفه ...
زوجي
جاتله سفره في الشغل ... مدتها سبوعين ... وانا اكره شي عندي لما يسافر ... المهم ... ليلة السفر هو طبعا" نام وانا جالسه اتقلب في فراشي ... فكرت بشي وقمت ونفذته على طول ...
المواد المطلوبه .. .
1.. صورتك ... المهم تكون حلوه ...
2.. جوال زوجك ..
3.. قلم ..
مافي اسهل من جذي ...
المهم انا رحت الغرفه الثانيه ... وجهزت هالأشياء ...
أول شي أخذت جواله وغيرت اسمي بجواله وحطيت (( واحشني موت)) وحطيت النغمه (( ميامي - أهون عليك ))
ورحت على التقويم اللي بجواله .. وحطيت بعد تاريخ السفره بيوم يعني بيكون وصل للديره اللي رايح لها .. حطيت تذكير بمنبه يعني يرن التذكير
(( واحششششني))
واليوم اللي بعده بوقت ثاني
((ماقدر أعيش بدوونك))
و (( فدييييييتك انت على بالي على طول ))
والخ ..... طبعا غيرت الأوقات وخليتها يوم وترك ..
خلصنا من الجوال ....
الحين الصوره .... كان عرس اخته قريب وكنت مصوره في العرس المهم خذت لي صوره حلوه ...
قلبتها وكتبت عليها (( بالقلم الجاف ))
كتبت عليها شعر .. وكتبت عليها خرابيط يعني الاشياء اللي كان في بالي وقتها ..
كتبت له
بتووووحشني وايد
أحبـــــــــــــك
لاتشوووف البنااااات ترى أغااااااااار
خلني على بالك على طووول ..
وغيره وغيره ... وكتبت الوقت والتاريخ ...
المهم .. بعدها اخذت الصوره وفتحت شنطته ... وحطيتها تحت الفووطه تدرون اول مايوصل بيتسبح ... يعني بيشوفها اول مايشيل الفوطه
بس حطيتها مقلوبه يعني صوب الكلام على شان لو كان احد حذا مايشوف صورتي .. 
وبس سكرت كل شي ورجعت السرير ...
ولامن شاف ولامن دري ... الصبح راح المطار المهم انا هني دقيت عليه ..
على شان اتطمن طارت الطياره ولا لا .. المهم الا هو اول مارد يقولي اشهالنغمه واحشني موووت وحركات .. 
عجبته الحركه الأولى ... وبعدين لما كلمته في الليل .. يقوووولي شمسويه انتي تبيني اصيح يعني
اشهالكلام اللي كاتبته ومادري ايش ... يمزح المهم عجبته الحركه ... والتذكير بعد اقولكم هو قبل سافر اكثر من مره لكن ماكان يعبر عن شعوره وايد
الحين اول مره يقولي انتي في بالي على طووول وكل شوي اشووف صورتج .. وماقدر ارقد في الليل وانتي مب حذاي
وناااااسه ... جربووا الحركه وأدعووووووووووووووووووولي ....
الحين قاعده اجهز المفاجأه له اذا رجع بغير ديكور الغرفه .. أذا قدرت باحط لكم التفاااصيل ....
انتظر الردووود 
