أكره شغل البيت000؟؟؟

حبيبتي موضوعج مو عادي بس انتي حاسة بضيقة منتي قادرة توازنين بين أهتمامج بزوجك وبنتك وتنظيف البيت .....:mad2::mad2:

تراك غلطانة تسفرين خدامة ولا تأمنين على واحدة ثانية قبل لا تسافر .:mad: على الاقل عشان تهتمين بمسؤياتج حق زوجك وبنتك .......

وبعدين حبي إيدج وجه وقفا إن زوجك ما يتكلم ولا يقول هذا نظيف ولا هذا وسخ أحسن من إن يعايرج وقول لج إن الخدامة كانت وايد نظيفة

ولا مهتمة بالبيت أكثر منج ولا البيت من خدامة ما يسوى شي .....:ss::ss: خليه دام انه ساكت وما يتكلم وااااايد أحسن لأن السكوت من ذهب

مثل ما قالوا ...وبعدين لا تسكتين طلبي خدامة يديدة احسن تراها تساعد في شغل البيت على الأقل اهي لها التنظيف والطباخ وانتي لج الزوج والبنت

والله يوفقج.............

تسلمين حبيبتي منوووله كلامج يريح

والخداامه بسويها انشالله
بس احس عمري متخربطه خاطري اصييييييييييييييح:cry:
قاعده افكر هل انا مو قد المسؤليه00000يعني بيتم هالحال لحد ماتوصل الخداامه طبعا لا بس احس اني ماني قاااااااادره احس المسؤووليه كبيره علي
احيانا الووم زوجي انه مايسااعدني واحيانا يكسر خاطري يعني يكفيه يتعب برع البيت عشانا وانا مو قادره على بيت:down:

والله ماعرف اشفيني احيانا اقووووول دلع بس والله احسني واايد متخربطه

معليش حبيبتي يمكن اغلبيتنا اذا مو كلنا يحب شغل البيت بس نحبه يكون

نظيف.

بس ودي اقول لك شغله راح يجي يوم وينتقدك زوجك ع التقصير

من ناحية ملابس اذا ماحصلها جاهزه مثلا او...اي شيء ثاني فلاتستغلي سكوته

وماتسوي شيء سوي اللي تقدري عليه والله يعينك نصيحه من اختك

الرجال ماهم هينين ممكن يكون ساكت بيشوف ايش بتسوي.

حبيبتي حاولي تنظمين وقتج لاتاخذين اليوم كله تنظيف ولا ترتيب ولا طباخ ترى تملين من هالشغلة خلي يوم واحد بالاسبوع غسيل ملابس وغسيل المواعين

ترى ما ياخذ وقت يعني انتو من كثركم كلكم 2 وتنظيف الشقة شنو فيها اذا انتي وزوجك وبنتك شنو عندج يتوسخ عشان تنظفينه كل ساعة .....

انتي قد المسؤلية وزود بس حاولي تسرعين شوي عشان تخلصين بسرعة ولا تحاتين لا تنظيف ولا زوج احمدي ربج عندج بنت واحدة آما أعرف واحدة

عندها 6 يهال وزوجها وبيت مو شقة بيت دورين وحوش وما عندها خدامة واذا ياتها خدامة قالت لها رديني الكتب تدرين لييييييييييييييييش

لأن عيالها وايد وبيتها كبير وزوجها نجري يبي البيت 24 ساعة نظيف ولازم خدامتين يالله يلحق وانتي زعلانة عشان بيت صغير وبنت ..................

حاولي تنظمين وقتج واذا صار آخر الاسبوع استعسني بخدامة أمج أو خدامة خالتج أم ريلج اذا تعطيج إياها وتساعدج في التنظيف وعطيها فلوس اذا طلعت

منج طيبة خاطر والله يعينج على ما توصل الخدامة وتتعلم الشغل........

أختي العطا تسلمين حبيبتي وانشالله بسوي الي اقدر عليه لانه سكووته يخوووفني صج

اختي منوووله انشالله بسوي الي قلتي عليه لاني صج مو مسووويه لي نظاام للبيت

يزااكم الله خير خواااااااتي

السلام عليكم و رحمه الله و بركاته

كيفك ام طالب ان شاء الله بصحه و عافيه

عزيزتي انا كنت زيك و اسوأ بعد

يعني ما عمري اشتغلت ببيت اهلي و لا لمست و لا شي

و فجاه يوم تزوجت نقلت لمدينه ثانيه و لقيت نفسي لازم اطبخ و اغسل و انظف

حتى الحين اضحك على نفسي اني طلبت من اختي انها تمرني و هي مسافره بتمر

مرور على الرياض انها تجي لبيتي تعلمني وشلون اغسل الملابس خخخخخخخخ والمشكله بالغساله بعد

بس كان بيتي دبلكس دورين و كنت ادرس ومريت بفتره سيئه جدا جدا

لاني كنت احس اني منب قادره على شغل البيت و احس اني منب سنعه و الله صدق

و ادري ان هذا شعورك الحين عشان كذا حبيت اطمنك انه عادي تحسين كذا لانك بس ما رتبتي وقتك

لكن بقول لك شي هي بالبدايه كانت فتره الكأبه و الصياح و الدموع اذا تعبت و لا ما عرفت شي

بس شوي شوي بديت اعرف اتصرف و انظم وقتي انه فيه وقت لراحتي ووقت لي ووقت لزوجي

ووقت للشغل ووقت للدراسه

اول شي:

خذي الامور ببساطه لا تعقدينها لا تقولين ما اقدر لااا .. هدي اعصابك و ريلاكس صدقيني هاذي اهم خطوة

و بعدين فكري شوي شوي .... بتلقين ان:

شغل البيت موجود بس مو كله لازم يتم في يوم واحد مع بعضه

لازم تعرفين انه في اشغال يوميه و اشغال مو يوميه ..

مثلا:

يوميا ... حطي في بالك انك لازم تسوين شيين اساسيين بسسس و هم:

الطبخ و غسل الصحون

لا تراكمينها و انتي تطبخين الاشياء اللي تستخدمينها اغسليها علطول و انتي واقفه

انا بالاول حسيت الموضوع صعب بس بعدين عادي تعودت و بتلقين انك اذا سويتي كذا

بعد الغداء و انتي تعبانه و ما فيك حيل ما يكون عندك الا صحن الغداء و الكاسات و الملاعق بسسسس

يعني اذا شلتي السفره للمطبخ و انتي واقفه لا تطلعين اغسليهم ما راح ياخذ و لا 5 دقايق و بتشيلين همهم

خلااااص

لا تقولين لنفسك بسوي كل شي و و و

اما البيت ترتبينه ترتيب بسيط و اتوقع بس الصاله او غرفه المعيشه اللي تحتاج ترتيب خفيف قبل

يجي زوجك رتبيها و انتي تلعبين مع بنتك و لا اذا شبيتي على الغداء مثلا

الغسيل خصصي له يومين بالاسبوع الظاهر اكثر من كفايه مثلا يوم السبت و الثلاثاء

ترا ما راح ياخذ منك حتى و لا ساعتين تحطين الملابس بالغساله و تقرين مجله مثلا او اي شي راح يروح

الوقت و انتي مستمتعه و بعدين تحطين الدفعه اللي بعدها و هكذا

اما الكوي حددي له يوم مثلا كل اثنين مثلا ساعه او ساعتين من الكوي حطي الطاوله قدام التلفزيون و اكوي

بس لا تحرقين شي ههههههه

غسل و تنظيف دورات المياه تنظيف سريع يوميا اصلا راح يحسسك بنظافه البيت و الانتعاش

انا كنت احب دايما استخدم منظفات الصنوبر زي درمر و هاربيك الاخضر الغامق مو الفاتح تعقم و تعطي انتعاش

و خصصي يوم واحد في الاسبوع بس للتنظيف الكامل لكل البيت

انا كنت اخصص الاربعاء اكنس و امسح فيه كل الغرف و المع البيت صحيح هاليوم متعب شوي لكن يريحك لمده

اسبوع كاااامل و اذا خلصتي تحسين البيت يشرح الصدر

و بهاذي الطريقه تكون الويكند الخميس و الجمعه لك بدون ارهاق و لا تعب

جربي هاذي الطريقه و ان شاء الله تفيدك

و اخر نقطه بقولها لك فيه شي كنت اسويه مدري بيعجبك او لا و هو:

كنت اكتب على ورقه الاشياء اللي لازم اسويها في اليوم و احدد وقت اتوقع اني بستغرقه لعمل الشيء

و اذا سويته احط علامه صح كبيييره جنبه يحسسنس اني انجزت شي و يعطي شعور بالنصر

ان شاء الله تستفيدين من كلامي و بالتوفيق يا عسل

بصراحه البنات كفوا وفوا الله يوفقهم بس حبيت اعلق تعليق بسيط اذاحبيتى بيتك وزوجك صدقينى راح تبدعين في كل شي في نظافته وملابسه بس رتبي وقتك وامورك وانتى انشاء الله موفقه كنت مثلك بس الحمد لله عدت ونجحت اثبتي له انك قدها والرجال صدقينى يسكتون يسكتون بعدين بم يطلع الاول والاخر لاتقولين مايتكلم لك كل التوفيق وطمنينى الله معاكى

اااااه ومين سمعك احد يحب شغل البيت !!!!! ترى انا اكره شي عندي غسل الصحون وغسل الملابس ومشكلتنا اننا ما اتعودنا ع الشغل يوم حنا بنات لاني اشوف البنات اللي ما كان عندهم شغالات من قبل الزواج عادي ما يزهجون من الشغل بس احنا اهلنا خربونا هههههه

ماشالله عليج اختي ام القوقو كفيتي ووفيتي
الصرااحه انا طبقت طريقتج واليوم اول يوم خلصت ترتيب البتيت وانا مبسوووطه وحسيت عندي وووقت فراغ بعد

الصرااحه كلامج يريح وطريقتج عسل يزاج الله خير ريحتيني ورتبتي لي حياااتي:clap:


تسلمين اختي ام حتومه وصدقيني انا ما اشتكيت الا واني احب زوجي وبنتي وما ارضى له هذا الحال:pain:

اختي سمراء السودان كويس فيه حد مثلي مايحب شغل البيت وصدقتي هذا سببه انه كنا مدلعين عند اهلنا:shy:

تسلمون حبيباتي ويزاكم الله خير

السلام عليكم

ما شاء الله عليكم يابنات الله يعطيكم العافيه..


شغل البيت .. أكرهه .. أكرهه.. أكرهه

انا دخلت الموضوع لقافه..ترى بعدني أنسه.. بس الظاهر انه شغل البيت مكتوب على المتزوجة وغير المتزوجة..وانا تعودت عليه من بيت اهلي

بيتنا كبير.. نظام فلل بدورين (اخ ياظهري) :sad:.. بس مقسمة الشغل موب كل يوم أسويه الشغل كله...

مثلا أرضية المطبخ موب كل يوم اغسلها عقب الطباخ .. مثلا في أيام أكتفي بمسحها بالمساحه بعد ما أبلها بالديتول او أي صابون معقم وريحته منعشه.. يطهر ويوفر الوقت...

والحمام عزكم الله نفس الشي..يوميا أكب فيه معقمات الديتول (في نوعيه للحمام وريحتها روعه) واتركها بعض من الوقت عشان تتفاعل وتقضي على أي ريحه غير مستحبه او جراثيم وعقبها أصب ماي عليها.. وياسلام على ريحة الحمام......وهناك أيام مخصصة لغسل الحمام غسل كامل..

واذا ما عندي وقت لتغيير رائحة البيت الغير مستحبه .. عندي طريقه سهله.. اخذ اي عطر يعجبني حتى لو للتعطر الشخصي.. أرشه على فتحات اجهزة التكييف وهي مغلقه وعلى مصابيح الاباجورات وافتحها وبعد دقائق معدودة تنتشر الريحه.. وكل من يزورنا يقول ياسلام..


ادعولي اتزوج.. خاطري ارتب بيتي.. زهقت من ترتيب بيت اهلي :pain:
وسلامتكم

تحياتي.......

شغل البيت ما يخلص بس اشاطر ام حتومه برايها اذا اتحبين بتبدعين انا عندي خدامه لاني اشتغل بس مو معتمده عليها اعتماد كلي في امور احب اسويها بروحي في الاجازات انا اللي اطبخ اغراض ولدي كلها انا اسويها غرفة نومي ماحب تلمس شي فيها احب انظفها انا وابخرها يعني يعتمد مع العلم اني وحيده في بيت هلي وكانت امي تخاف علي ولا تخليني اغسل صحن او اعدل فراشي بس لي متى الدلع لازم اثبت وجودي واحقق كياني على الاقل في مملكتي الخاصه

انشالله تستفيدين من الاراء والله يوفقج يارب


تحياتي ..
زيـــن أم عبودي

تحليلي لموضوعج
سبب تكاسلج يالغاليه مب زوجج السبب هو اعتمادج الكلي على الخادمه في الفتره اللي كانت فيها موجوده
لو زوجج تم يقولج سوي اكوي نظفي صدقيني بتقولين انا مب خدامه عنده انا ما احب حد يقولي سوي و سوي ا نا اعرف بروحي
و هالأمور ما يحتاج من الزوج يقولج سويها

ترى الزوج و البنت مب كل شي في الحياه البيت اساس كل شي
افرضي حد دخل عليج فجاه ما بيقولون زوجها ما يقوللها سوي و سوي

بيقولون شوفوا من بعد الخدامه كيف صارت

نصيحتي لج تهتمين ببيتج و عايلتج

و صدقيني لو رتبتي نفسج و مشيتي بنظام ما بتتعبين و بتشوفين بيتج في احلى ما يكون
يعني اول ما يتوصخ صحن دقيقه اوقفي اغسليه و روحي
لو رمت بنتج شي او وصخت شي اغسليه و امشي
و لو تجمعن عندج كم قطعه لا تقولين لا انا بغسلهم بعدين ارميهم بالغساله و بعد ما تخلص شيليهم و نشفيهم و خلاص
و الله ترى الموضوع بسيط
انا متزوجه و اشتغل و عندي بنت و ساكنه لوحدي و الحمد لله بيتي و عايلتي مو ناقصهم شي
انا اشوف اهم شي الترتيب و النظام ممكن تحتاجين خدامه
بس الغلط الاعتماد الكلي عليها

والله اني مثلج ..ما احب شغل البيت .. ما ادري شو بيستوي فيني لو سارت الخدامه .. الله يعيييييييييييييييييين

السلام عليكم

الحمد لله يا ام طالب انك استفدتي شي من كلامي

و ان شاء الله ترتاحين دوم و تنبسطسن بحياتك

و فعلا انا فرحت لك من قلبي

ان شاء الله بيسهل عليك شغل البيت اكثر و اكثر

تصدقين انا لي فتره من يوم جبت اخر خدامه اعتمدت عليها و صرت

ما اسوي شي ابدا حتى غرفتي اخليها تنظفها

و لي فتره الحين متخانقه معها فصرت ارتب غرفتي بنفسي

يالله من جد بالبدايه حسيت بتعب كبير خاصه اني حامل بالسادس

بس شوي شوي بديت اخذ على الوضع

و اكتشفت ان شغل البيت مثل التمارين و الرياضه

اول ما تبدين تتكسرين تحسين ما فيك حيل و انه مستحيل تكملين بس شوي

شوي يتعود جسمك و يصير الموضوع عادي و سريع

عشان كذا قررت حتى لما اسفر شغالتي هاذي و اجيب الثانيه ان شاء الله

بظل انا ارتب غرفتي و لا راح اصير معتمده 100 بالميه على الشغاله عشان لو

ما توفرت ما افقدها و اتعب بدونها.. و هذا درس من دروس الحياة ان شاء الله الجميع يستفيدون منه...

و ام طالب يا عيوني اي شي تبين تسأليني عنه انا موجوده بالخدمه

سواء على العام او الخاص اي وقت ان شاء الله اقدر افيدك

و بالتوفيق لكل البنات

تسلمون مااقصرتو وصدقتو النظام هو الي يساعد اكثر حتى تحصلين وقت فراغ زياده

والله ماقصرو البنات 000 حتى أنا استفد منهم
مشاء الله متعاونين البنات لينا فى بيت واحد ونقسم الشغل

نفس سالفتـــــــــي بالضبــــــــــط...

ارتيا الخدامه اليديده تــــــووووصل ...

:cry::cry::cry:

:cry::cry::cry::cry:

هلا اختى ام طالب ....اشحالج ....بغيت اقولج دام ما عندج غير بنت ربي يخليها لج ....يعنى شغلج خفيف في البيت ....سواء من غسيل او تنظيف ....ومش سبب علشان زوج ما بيمدح شغلح كم بيمدحون الغاليه هذي حياتج يعنى مش معقوله كل ساعه يقوم يمدح الانسان له وعليه ...صح والا والله انا اعرف حريم ما عندهم شغله الصبح الا التلفونات والهذربه ....يعنى استغلى وقتج من الصبح وخلصي شغل البيت من غسيل ثياب وكوي ...وتنظيف ترا ريحت المنظفات الصبح تفتح النفس ......ويوم اي ريلج الظهر نفسيا يرتاح مش لزم يقول ....انتى مثلا شو كنتى تحسين اذا البشكارة نظفت كل شئ ورتبته ... راحه نفسيه ...

لا عن الهيازه ....واشتغلي ...خل ريلج يقول هابت ريح الحرمه :) في خاظري بيستانس عموما الريال يحب الحرمه اللي تشتغل في بيتها ...

واتمنى ما اكون ثجلت عليج ....بس الله يوفقج