كيف اغسل شعر بنتي ؟؟؟

حبيبتي الله يخليها لج ..
الحين بعد مابدا يصغر الحوض عليها حطيها في البانيو العادي لانها اكبرت عادتاً الاطفال مايحبون الشور لي مايكبرون شوي ويستمتعون في البانيو ..
انا بعد مابنتي كبرت صرت احطها في البانيو واحط معاها العابها وتنبسط واايد ..
اما بالنسبه للشعر لما تصبين الماي على راسها حاولي تخلين راسها شوي مرفوع عشان مايدخل بعينها ويضايقها ..
او تلاقين في مذركير او بيبي شوب حاجه تنلبس على الراس زي الكب ينحط عشان الماي مايوصل للعين مخصوص للاطفال ..
والله ىيوفقج ..
وان شا الله اكون قدرت افيدج ..:shy:

شكرا نونو قطر ...المشكله انها ما ترضى ترجع راسها على ورا حاولت وياها و مافي فايده ...لكن بروح ان شاء الله ادور على الكاب الي قلتي عليه و ان شاء الله ينفع

لكن اخاف احطها في البانيو اخاف تزلق ....او تتحرك فيه

شفت هذا الكرسي

ابي اعرف حد جربه ينفع و لا ما ينفع ...و لين اي اعمر ممكن استخدمه

لاشكر على واجب حبيبتي

بصراحه انا ماجربت هذا الكرسي بس فيه زي السجاده البلاستيك تتثبت في البانيو عشان مايزلق الطفل بس حاولي انج ماتغفلين عنها كلش

هلا اختي مرمر...

تدرين في شنو احمم ولدي الحين؟

في طشت الغسيل !!

طبعاً بعد تنظيفه زين ما زين...

احسه أأمن له من البانيو، لحد ما يضبط بالوقفة ويستقر.. واحسن عشان ما يروح يلعب عني بعيد.. ويجنني :D

بالنسبة لغسيل الشعر، ولد هم نفس الشيء ما يرضى يقعد يصيح، قعدت اخذه بالغفلة وارش الماي عليه...

بس بعدين انتبهت لسبب الانزعاج،

الحين الجو بارد فطبيعي نستخدم ماء ساخن للتحميم..
بس فروة الرأس عند الطفل حساسة اكثر من باقي الجسم،
عشان جذي استخدمي ماء فاتر مو ساخن حق غسال الشعر..
وان شاء الله يخف الانزعاج شوي شوي...

تراها مب متعودة الحلوة.. شوي وبتتعود ..



على فكرة.. مب لازم كل يوم تغسلين شعرها !!!!

انا لما كبرت بنتي على حوض السباحة شريت لها تيوب زي البركة الصغيرة فيها اشكال رسوم وميكي وسمك يرغبون له الاطفال في هالسن امليه لها بالماي واخليها تلعب على راحتها

شوفي عزيزتي انا بنتى بس كبرت على الحوض حقها شريت لها قطعه بلاستك تثبت في قاع البانيو وبكذا ماتصير تتزحلق وتكون جالسه على راحتها واعطيها ألعاب خاصه بالشور وتجلس تلعب فيهم.. ووقت ما اغسل شعرها أحاول احط يدي الثانيه على جبهتها عشان ماينزل ماء كثير عليها... ومع الوقت بتصير تتعلم.. أول بنتى ماكانت تحب تجلس واجد بالبانيو والحين ماتبغى تطلع أبد...
وبرضو عندك الكاب حلو جداَ خاص للشور.... بالتوفيق

شكرا خواتي و ما قصرتوا ....

نو نو قطر ...اذا مب انا غلطانه عرفت الي تقصدينه ....اتذكر اني شفته ..و شكرا على مرورج

جمانه ...هو حوضها مثل الطشت ...لكنه احسه صغير عليها علشان جذي صرت ادور البديل ...و يمكن كلامج صح الماي يكون حار شوي لكن بعد هي تتضايق من الماء علشان اي على وجهه ...بس خلاص قلت بريح عمري و بشتري لها الكاب الي قالوا لي عنه الخوات ...و شكرا على مرورج

اكبر قلب ...شفت في موقع تو ار اس ...شي مثل الي قلتي عليه و ينحط بالبانيو ....عجبني ....و فكرت فيه لكن الشقه صغيره و الحمام (كرمكم الله) وااااايد صغير ...و ما عندي مكان احطه فيه و ما فيه كل مره اعبيه هوء و ارجع افصيه من الهواء..فغيرت راي .. و شكرا على مرورج

remaas..... عرفت الي تقصدينه ...و قررت اني اشتريه مع الكاب ...لان بنتي مب راصيه ترفع راسه ابدا و اذا حطيت يدي على جبهتها ...تحرم راسها بسرعه و تبعد يدي و ينزل الماء عليها و تنزعج ....و قررت خلاص اجرب الكاب ...و شكرا على مرورج


شكرا لكم

الله يعيج أختى..

أنا بنتى مول تحب تسبح كلما أسبحها تصيح لما تخلص ... وبعدين شوسويت أيلسها فى المغساله تخيله الوضع وسبحها وغسل شعرها وهى مبسوطه أكتشفت أنها ما تحب الحوض...
ويوم أكون بيت أهلى مره أنا وأمى أنسبحا خليتها عالارض ويه يالسه ماشاااء الله عليها ولا صوت...
وأخر مره خذيت لها كرسى صغير مال الاطفال الكرسى العادى تيلس عليه وأسبحها وحتى يوم تخلص ما ترضى تقوم من الكرسى أتم ماسك فيه (فديتها والله )بنتى عمرها سنه 9شهور الله يحفظها...
بالنسبه عن الشعر حطلها فازلين فى مقدمه الراس أنا ماجربه بس أختى ريلى قالت لى عن الطريقه...

الله يوفقج ويخلى لج بنتج...

عاد كله كوم وغسيل اليهال وشعرهم كوم ثاني

عن نفسي كنت أسبح بنتي في حوض لين ماصارت تمشي يعني على السنة وشهرين وكنت أغسل شعرها بالتشط يعني أعبيه ماي ومن قبل كنت أحط في شعرها شامبو حق اليهال (جونسون) ومرة وحدة أكب الماي على شعرها منه يتغسل ويها وشعرها أو أكب الماي على شعرها بالهوز شوي شوي وأرجع راسها لورى على ما ينجب الماي على عيونها

ولين ألحين وعمرها سنتين ( كبيرة ) أسبحها في البانيو بس أمسكها علشان ما تتزحلق وشعرها بالرشاش وأرد راسها على ورى وأحيانا أجب الرشاش على راسها صحيح تصرخ وتصيح بس لازم تتعود

السلام عليكم ورحمة الله وبركاته
بقولك تجربتي مع بناتي الكبيره اسبحها تحت الدش بس لازم ألبسها كبوس علشان اغسل شعرها وهذا خذيته من بيبي شوب اما الصغيره تسوي لي دايما فيلم لما اسبحها بس اتبعت معها طريقه وهي
اني ادخل الحمام واغسل جسمها وطبعا لازم الخدمه علشان تمسكها لي وبعدها دور الشعر الي يسير عليه الفيلم اقوم وألف جسمها بلفوطه يعني نس المهاد واخلي الخدامه ترفعها لي وتنزل لي راسها على المغسله علشان الشامبو والماي مايدش عيونها _فديت عيونها_ وبهذي الطريقة قدرت اسبحهاوارجو انك تستفيدين

انا احممها في البانيو عادي
و وقت غسيل الشعر اغسله عادي بالشامبو و قت الشطف احط يجي على جبهتها علشان الماي ما ينزل عليها و تتضايق

و كلها دقيقه لانه شعرهم ما يحتاج غسيل مطول :)

و في طريقتين سمعت عنهم بس بصراحه ما جربتهم

1- تمسحين جبهت الطفل بالفازلين قبل الغسيل علشان الماي ينزل يمين و يسار و ما يجي على العين

بس ما حبيتها لانه يظل وجه الطفل مزيت و اللي يتوجب بعدين غسله بالصابون و ه1ا امر و أدهى :)

2- في كاب موجود في البيبي شوب يركب على الجبهه و ثم يغسل شعر الطفل بدون عناء بس انا ما خذته لاني اعرف انه بنتي ما شاء الله عليها ما بتخليني احطلها اياه فوضع يدي كان اسهل طريقه :)