ساعدوني اقنع زوجي ...

السلام عليكم ورحمة الله عليكم جميعا

انا داخلة هذا المنتدى وعارضة مشكلتي في هذا القسم وانا كلي أمل ويقين اني بلقى عندكم حل لمشكلتي اللي ما تخليني انام الليل وانا افكر لحل او سيلة مب لاقيه. انا قريت وايد مشاكل لبنات وماشاء عيبتني طريقتكم في حلها فرجاء لا تبخلو علي بحلوول

مشكلتي باختصار انا زوجي مايباني اشتغل بحجة انه هو ريال البيت وهو قوام عليه ويقول اونه اذا انتي اشتغلتي عقبه بتقولين ابا سيارة وعقبه انا شو فايدتي صورة ولا منظر في البيت ؟ وبصراحة انا احس ان ها الكلام كله ماله اساس ولا داعي الا غيرته الشديدة علي اللي مب في محلها .

بنات انا تزوجت وانا بعدني ادرس في الجامعة وحملت ويبت اول طفل وانا ادرس وكملت دراستي الجامعية وانا حامل للمرة الثانية وربيت وولدي كبر الثاني وصار عمره سنة ونص وريلي بعد رافض الفكرة ادري بتقولون اريحلج يلسي في البيت ربي عيالج والله والله انا بعد افكر نفس الشي بس هذا اول الحين كل شي تغير كل شي استوى غالي عندنا وبصراحة ريلي على معاش بس ومعاشه ما يكفينا وانا افكر في عيالي بعد سنتين لما بيدشون الروضةوالمدرسة ابا ادخلهم مدارس خاصة زينة
يتعلمون منها اللغة الأنجليزية وفي نفس الوقت تنمي مهاراتهم لأن بكل صراحة المدارس الحكومية صارت مب شي احين وريلي لما اقوله جي قالي اوكي اشتغلي بس مكان حريم والمشكلة كل الأماكن احين استوت مختلطة ما عدا المدارس وانا شهادتي ما تخولني اني اشتغل اي شي في المدرسة لا مدرسة ولامشرفة ولاشي وقالي اشتغلي في الجامعة وانا بصراحة مابا الجامعة دوامهم من الصبح لين العصر وانا مابا اتم هالوقت كله بعيد عن عيالي وبيتي غير ان ارهاق وتعب .

ارجوووووووكم عطوني حل عطوني طريقة او كلام او اي شي اقنع فيه زوجي بأني أشتغل في اي مكان مع العلم اني منقبة واذا اشتغلت اكيد بشتغل وانا منقبة ،، انا حاولت معاه بكل الطرق وبكل الأساليب والكلام الحلو اللي عندي ما نفع وياه .

رجااااااااء ردي علي وساعدوني