تخيلى نفسك مكانى ؟؟ اتمنى الدخول

السلام عليكم

اولا .. هوني على عمرش عزيزتي.. وزين انش طلعتي من هالوظيفه.. وربي يعوضش خير...
بس عزيزتي اسمحيلي اكون قاسيه شوي عليش..انتي اخطأتي في حق نفسش يوم استخدمتي خط العمل للكلام مع زميلاتك عن اسراركم..انا عارفه اني لو مكانش بتكلم عادي وما بفكر للحظة انه في حد يتسمع لمكالماتي..لكن مكان العمل يا أختي للعمل.. واتركي الكلام في الخصوصيات لوقت البيت او من خلال هاتف البيت..

وانا الصراحه لو مكانش احتمال اتهور وابهدل المدير..الصراحه ما يهمني مدير او اللي اعلى منه دام انه تعدى حدوده معاي..عموما اللي صار صار.. وهالانسان خسيس ولابد حد يعرفه على حقيقته ويطعلونه من منصبه لأنه ما يستحقه..المدير كلمة كبيرة .. لازم يكون كأخ كبير لكل الموظفين اللي عنده.. موب يسوي مثل اليهال ويتسمع لخصوصيات الاخرين.. شكله فاضي ما وراه شغل.. ..واذا فرضا طلع في يوم اسرارش فلا تخافين.. دامش عارفه حقيقته وانه هو الغلطان بتعديه على خصوصيات الناس..انتي قولي لأهلش ولا تخبين عليهم عشان يكونون عارفين اذا لا سمح الله عرفوا كلمة من أي حد...

هدي عمرش .. وصدقيني ربي بيعوضش بالاحسن.. ومثل ما قلت لش .. كوني حذرة المرة اليايه
قولي حسبي الله ونعم الوكيل..واذا هو عنده بنات .. يخاف الله لأنه ممكن تنعاد له في بناته

تحياتي..........

شكرا اختى على كلامج ،،،

وفعلا انا خبرت اهلى بكل شى والكل وقف معاى طبعا اخوانى ماقلت لهم لان ممكن يتهور اخوى ويضربه وتكبر السالفه

وانا واجهته وبهدلته وطلب منى السماح وارجع عملى لكن مستحيل لان فعلا كرهته وهوه فاضى على قولتج لا زوجه ولا عيال

انسان متطفل اللى بعمره مخلفيين بس هوه فااااااضى ،،،

وشكرا على كلامج ريحنى وايد

سويتي الصح ولا تندمين لانج ما تضمنين شو هدفة من الي يسوية ...بمكن يسعى لاشياء اكثر مستقبلا, وبالعكس اللة يحبج لانة فضحة لج ولازم تنبهين باقي زميلاتج منة....على فكرة لو كنت مكانج بقطع حتى علاقتي بالموظفين الي فية عشان محد يعرف اخباري.

اكيد اللى سويتيه صح
وان شاء الله ..الله يعوضج حبيبتى بالوظيفه اللى احسن منها واللي ترتاحيين فيها..

السلام عليكم و رحمة الله و بركاته

لا حول و لا قوة إلا بالله العلي العظيم...

يعني مدير..طول بعرض...و قاعد في متكبه يسمع تيليفونات الموظفين...

و الله عيب عليه...شو هذه النوعية من المدراء ؟

بس إنتي لو كان معاكي دليل على اللي سواه...لازم ترفعي الأمر للمدير العام...علشان يتحول للقضاء...ما يصير يمشي بدون عقوبة...و إنتي اللي خسرتي شغلك !

و بعدين اللي عمله فيكي مكمكن يعمله في غيرك...

أتمنى تفكري أختي في إقتراحي...

اختي طولي بالك انتي سويتي شي صح وشي غلط

الصح انك واجهتيه وخليتيه يعرف ان تصرفاته المتخلفة مفضوحة ... خير ان شاء الله ليش يتجسس اكيد لانه مو واثق في نفسه يخاف الموظفين يقولون عنه شي ... او فضول .. او مجرد مرض الله يشفيه :-)

بس الغلط انك استقلتي .. حتى لو ماكنتي مقتنعة من الوظيفة كان ظليتي فيها وظليتي تقدمين في اماكن ثانية ... ووقت اللي الله يرزقك بوظيفة احسن منها تستقيلين
اذا فيه مجال ترجعين ارجعي ولا تنسي انك صاحبة حق والموضوع لازم يوصل للي اكبر منه عشان ما يتمادى

الله يرزقك بوظيفة احسن من هذي ان شاء الله

في مدراء جذيه همهم تتبع عورات الناس .. الله يعنينج ويعوض بوظيفة احسن من هذي ومب مهم نفس التخصص والدراسة .. المهم انج حصلت على وظيفة .. لا تدعين عليه ولا شيء الله بياخذ حقش منه..

نونو

شكرا على الرد وفعلا انا قطعت كل شى يذكرنى بالمكان لان كنت جالسه وفى قراره نفسى مب مقتنعه وهالسالفه حطتنى عدل

اسرار الزمن

شكرا على كلامج ريحيتنى،،،


مرموم

المصيبه انه المدير العود مافوقه احد بس من فتره واحس حاطنى فى راسه بس ماتخليت هالنذاله صراحه،،،


روووومى

اهوه المدير الكبير ومريض نفسيا لان سبب لى اذى وايد بس ما استرسلت فى كتابتها وصحيح انى فقدت شغلى بس شريت كرامتى

لان مرة قال لى انى وباقى الموظفيين نسبب له اكتئاب اذا يشوفنها ماضن فى اكبر من كذه اهانه ووايد يغلط على الموظفيين لفظيا


شمس

شكرا على الرد والكلام الطيب

أنا كنت ساكنه في عمارة في جده شقق مفروشه كان صاحب العمارة زي مديرك (اهبل والله) يوم دريت سبيته وهزأته كان التلفون سنترال صار يستقصدني كل ما اجي اكلم يخرب التلفون والله انه مريض افتكرته يوم قريت قصتك

الله يعينك يا أختي

و انا أعتقد انه زين ما سويتي


انتي بنت و الله أعلم شو ممكن يسوي قليل أدب و ذوق و دين مثل هذا

انتي غلطتي انك استقلتي من وظيفتك بهل طريقة...لانك تركتي وراكي الباب مفتوح لمديرك المريض نفسيا انو يعمل نفس الحركة بوحدة تانيي غيرك رح تشغل مكانك... المفروض كنتي تخبري الشرطة وتعمليلو كمين....الله يوفقك وتلاقي شغل احسن منو باذن الله

السلام عليكم

لا حول ولا قوة الا بالله

مدير يسوي جذي ؟!

لا و المفروض يكون أعقل الموظفين بالشركة ..،

ما اقول الا انج زين استقلتي

و لازم ترفعين عليه شكوى عند احد أكبر منه - اقصد مرتبته أعلى -

اختي .. انتي خسرتي وظيفه اليوم

بكره تلاقين افضل منها

و لكن حذاري ترتكبين الغلطة مثلها ..، مكان العمل للعمل

لا تتكلمين مع احد بأسرار خاصه ..، اشدراج الخط مراقب أو تسجل المكالمات

اختي ..،

اتوكلي على الله ..، و انسي امره و طالعي جدام ..، المستقبل قدامج و الوظايف تدورج

الله يساعدج

a witch

صلوا على النبي يا جماعة ترا المدير لما يحط مراقبة على المكالمات وتسجيل ترا هو ما قصده يسمع حكي حريم ولا هامه اسراركم وسوالفكم القصة انه شايف انه تنظيم اداري معتمد على المراقبة بس وتأكدي انه كل الأشرطه تمسح او بأول ومحد فاضي لحد ترا ... لكن لو حصلت مشكلة في العمل مثلا عميل اشتكى من احد ما عامله زين يرجع للأشرطة حقت اليوم عشان يتأكد ويعرف كل صغيرة وكبيرة في العمل لكن سوالف حياتك ترا ما تهمه ولا فاضي يسمعها حتى ... هو اسلوب اداري ضعيف وله مردودات سلبية ومشاكل كثير لكن مو كل الآداريين اقوياء

الله يعوضك بوظيفه أحسن منها بمليون مرة

شي يذبح من القهر والله

الله يعوضج ياربي خير طولي بالج بس

[grade="00008B FF6347 008000 4B0082"]الغاليه انا اللي اعرفه الحين ان كل القطاعات اتسجل المكالمات حتى القطاع الحكومي مو بس الخاص ومن رايي خلي اللي فات ورا ظهرج لانه صار وانتهى بس حطي بالج من اللي ياي



تحياتي ...
زيــــن[/grade]