صــــــــــــــــــدق تعبت؟؟!

مسامحه على كلامي هذا الي بقوله بس هو واحد ما يستاهلش والحمدلله ان للحين ما بينكم اولاد والله تتعقد المسأله يعني ما بتقدرين تربين اولادش في مثل هذا الجو وبعدين الشخص الي يطلق ويتزوج على شور امه مامنه فايده
ويمكن هذه اختبار من رب العالمين والحمدلله الله فكش منه

عزيزتى والله موضوعج يحير

والخيره فيما اختاره الله

ومدام تم الطلاق فكري زين

لو انتى رجعتى اكيد راح تكون حياتك مثل ما كانت

هل عنج استعداد تعيشين مثل ما كنتى معاهم

وادا كان زوجج السابق سلبي فهذا مو من مصلحتج

لان الحياه فيها الكثير الي يبيله رجل يعتمد عليه

ولو رجعتى له هل عنده استعداد يسكنج لحالج

مدام الخلافات من اهله ولو انى اشوف مدامه كان يسمع كلامهم ويحاسبج على كل كبيره وصغيره فهذا دليل على انه اهو نفسه مشكله
اتمنى من الله يوفقج

سنة وماتصل يرجعك ؟؟ بعد دموع الطلاق ؟؟

والله غريب

اقول وش تبين بواحد ماله شخصيه واحمدي ربك انك تطلقتي والله لو مستمرة بتكرهين اليوم اللي عرفتيه

يعني ابفهم عاجبك اللي صار عشان تذكرينه ؟؟

بالعكس المفروض ماتفكرين فيه وتقولين الحمد لله اللي فكني منه

انسان مافيه ولاصفه زينه لا واهم خصله اللي هي الشخصية و موب فيه اجل وش ترجين منه

شيليه من بالك والله يرزقك بالزوج اللي يعوضك يارب

والله لا تزعلين من كلامي ... بس موضوعج قهرني لدرجه احس صدعت من الغيظ ..... هالريال ما ينزعل عليه .... احمدي ربج انه ما بينكم عيال .... لا تتعبين ولا شيات وااشكري ربج في اليوم مليون مره .... وسبحان الله ... الله راد لج تجهضين لانه الاحسن لج ... يمكن في حزتها اضايجتي ... بس فكري فيها شو هالحياه اللى شور الريال عند امه وابوووه ... ويا حبيبتى في ايامنا هذي البنات ما ينغصبن على الزواج ... وريلج اهله غصبوه يطلقج .؟؟؟؟ شو من شخصيه عنده ....وبروحج قلتي " اهو مثل العنز " يا حبيبتي محد يشتري الهم حق عمره .... والله يرزقج ويعوضج بواحد احسن عنه مليون مره... عنده شخصيه وشوره بيدة ويعرف يحشمج ويسعدج ....

شوفي الغاليه...من الواقع اللي اشوفه حولي...اخس شىء يوم يكون الرجل سلبي امام اهله........يعني يمشي على كلامهم ويعوم على عومهم...هنيه تحس الوحده انها مالها سند ولا تقدر تعتمد على زوجها لانه بوقف مع اهله مب معاها

انا اعرف وحده من اهلي تزوجت واحد مايقدر يخالف امه حتى بالحق......انا ماسمي هالشىء طاعه والدين ..لان مايصير يطيعهم بالباطل وعلى حساب مصلحة زوجته...وهي مسكينه منكسره....قسمن بالله من كثر المشاكل اللي حصلت بسبب امه وسلبيته مع اهله...ان البنت الحين لو تشوفينها تقولين عمرها 50 سنه واهي بعدها باول 30 !! وعندها عيال (6) فما تقدر تتطلق عشانهم..........لكن خلاص البنت اعصابها منهاره وشخصيتها مفقوده واحسها مثل المريضه نفسيا مب طبيعيه من كثر القهر والهوان والذل

نصيحتي........انسيه وادعي ربج يرزقج بولد حلال يعزج ويحطج فوق راسه ويكرمج جدام اهله قبل اهلج !

او على الاقل اذا تحبينه وتبيه...اشرطي عليه انكم تكونون ببيت بروحكم عشان يخف تدخلهم بحياتكم

امبيه ! ليش طلع هالويه الاقشر !!.........كنت ابي اكتب رقم 6 بين قوسين بس !! :think:

الله يعينش اختي

الله ييسير امورج يااااااااارب

ادعي ربج وايد وان شالله الله بيفرج عنج وبيحل مشاكلج بالدعاء والصبر

إذا أبوه سوى فيج جي ليش وافق من البداية إنج تاخذين ولده وبعدين يعذبج ويقوله يطلق إذا الريال بغى يرجعج خليه احسن شي يفتح بيت بروحكم انتوا بس بدون أهله هذا احسن حل للمشكلة عشان تفتكين في أهله

اللي تزعل تزعل على ريال مو تزعل على واحد ما عنده شخصية هذا دام أهله مسيرينه ما منه فايده والبعد عنه غنيمة والحمد لله اللي ما عيلتي منه هذا زين

يعرف يسوي شي حياتج من أولها هم وغم بصراحة آنا أول مرة أشوف ريال يتحكم بكنته الظاهر هذي العايلة عايشة في أيام الجاهلية الله يعينهم ............

وتبين الصج ما يستاهل منج دمعة ولا حتى لحظة تفكير المفروض تشوفين نفسج من يديد وهذا العنز قطيه ورا ظهرج وانسيه عن جد وييييييييييييييييييييييييييع.....

بلاااااااااااااااااااااااهم الريايل والله الحرمه ما ياها المرض غير من الريال الحمدالله على كل حال والله ما عندي تعليق على الموضوع غير اني اقول حسبي الله ونعم الوكيل على كل ريال يعور قلب البنت

يالغالية وعسى ان تكرهوا شيئا وهو خير لكم
ما أبقي ازيدج هم على هم وأرجعج لورا وانتي تبقين تنسين
كل اللي بقولج اياه انج قلتي صليتي صلاة الاستخارة ورضيتي فيه
وهاي النقطة احب اشرحها للبنات اللي ما توفقوا في حياتهم ويقولون نحن
صلينا صلاة الاستخارة وارتحنا للمعرس لكن ليش ماتوفقنا .. يا حبيبتي
انتي يوم تصلين صلاة الاستخارة مب شرط ان في نفس اللحظة تحسين بالراحة او العكس
انتي تستخيرين وتستمرين في حياتج ما توقفين حياتج وانتي بانتظار الرد
لان رب العالمين له حكم اذا عجّل او أخر الرد عليج .. واحيانا لما تزوجين وما تتوفقين في حياتج
وبالنهاية الموضوع يوصل للانفصال يكون هذا نوع من انواع رد رب العالمين عليج .. انتي توكلتي ولجأتي له
وفي النهاية ريحج من هالانسان اللي لا له شخصية ولا قيمة ولا حسب حسابج .. لان حياتج مب معاه .. مع واحد
يصونج ويحفظ كرامتج ويحبج .. ويمكن هالطلاق عشان يصحى ضميره ويحس بمدى الظلم اللي عرضج له
استمري في حياتج يا قلبي وارمي اللي صار ورا ظهرج لانج
ما تقدرين تغيرين شيء بعد مرور سنة .. لا تخلينهم يقولون عنج ضعيفة وانج متعلقة في ولدهم
بينيلهم انج قوية ... وربي بيرزقج بولد الحلال اللي احسن منه بمليون مرة والذرية الصالحة ..
وساعتها قلبهم بينحرق مثل ما حرقوا قلبج وهدموا بيتج .. وخلج احسن منهم ومن ولدهم.
واذا رجعلج حطي شروط تضمن استقرارج وسعادتج .. لكن اذا ما تبينه خلاص لا تشيلين هم أي شيء..

اللهم ااجرها في مصيبتها واخلف لها خيرا منها عاجل غير اجل اللهم امين

يا اختي تأكدي أنها خيرة لج قبل أن تكون خيره له هو

أحسني الظن بالله ولن يخيبك

والله يعوضج باللي احسن منه بالف مره زوج صالح وذريه صالحه ان شاء الله

أختج الصبوره

مــــــــــــــــــــــــــــــــــشكورات اخواتي على
الرد
والله يبعد عنكن كل هم وحـــــــــــــــــــزن
ويسر أموركم ان شاء الله

لا تصيحيييين على شي مضى ان شاء الله بيرزقج بواحد احسن عنه


اصلا فكري فيها لو يبتي عيال منه جان تلعووووزتي لان ابوهم ماعنده شخصيه ابدا بيشقووون في حياتهم


واكرر عيشي حياتج ولا تصيحين على شي مضى وشوفي جدام



تمنياااتي لج بالتوفيق والرجل الصالح


مع التحيه

والله انا قرأت معظم الردود بس مو كلها

بس انا رأي من رأي البنات

يعني الحمد لله انك فتكيتي منه و ما جبتي منه ولد ولا شي

تعرفين في بنات بتطلع عيونهم لين ما يتطلقو و تفضل الوحدة معلقة بالسنوات... ومع احترامي لشخصه بس هو ما يستاهلك يعني هو مب ريال

اذا للحين يسمع كلام امه و ابوه ، طبعا انا اقصد انو لا طاعة لمخلوق في معصية الخالق و هو ارتكب ابغض الحلال عند الله لانو ماله شخصية الريايل...

انتي اصبري و الله بعوضك خير ان شاء الله

و على فكرة انتي مش الوحيدة ... صدقا اعرف بنتين نفس حالتك و تططلقو و الان حياتهم احلى و اسعد من لما كانو متزوجين

و الله كريم

بالتوفيق

السلام عليكم ورحمة الله وبركاته


أختي الكريمة (مهروووه)

قصتك أحزنت قلبي ولكني أزلت الحزن لأني أعلم أن الله سبحانه وتعالى سيكتب لكِ الخير

بإذنه تعالى لأنك لم تنسي صلاة الإستخارة والخيرة في ما أختاره الله..

اقولها بكل يقين بناء على ما حدث لي ولله الحمد رزقني الله بكل ما هو خير..

أختي الغالية، لا تحزني على طلاقك فما أصابك لم يكن ليخطئك وما أخطأك لم يكن ليصيبك..

وقال عليه أفضل الصلاة والسلام:

(ما يصيب المؤمن من وصب ولا نصب ولا سقم ولا حزن، حتى الهم يهمه، إلا كفر به من سيئاته)

أسأله تعالى أن يكفر بما حدث عن سيئاتك وأن يأجرك كل الخير ويرزقك بما هو خير..

رددي دائما: ((اللهم أجرني في مصيبتي وأخلف لي خيرا منها)) ورددي أيضا:

((اللهم إنا لا نسألك رد القضاء ولكن نسألك اللطف فيه)) وتأكدي بأنه على الرغم من صعوبة

الموقف وصعوبة الطلاق إلا أن وراءه كل الخير وسترين ذلك في الأيام القادمة..

أحمدي الله كثيراً وأشغلي نفسك بما يلهيكِ عن التفكير به وبكل ما حدث..


اللهم أجر أختي وأخلف لها كل الخير..


اللهم آمين


و السلام عليكم ورحمة الله وبركاته

كــــــل شي يصير لك من قضاء الله وقدره وارضي بالمكتوب
وربي ان شاء اله بيعوض لك خيررررر
\
/
\

ونــــــــــــــــعم بالله

حبيبتي فيه وايد بنات استخاروا الله سبحانه و تعالى قبل الزواج بس سبحان الله ماصار نصيب و اطلقن هذا اختبار من الله و عليج بالصبر و قيام الليل و قراءه سوره البقره و دايما ادعي اللهم اجرني في مصيبتي و اخلف لي خيرا منها و خلي امج تدعي لج ترا دعاء الوالدين مستجاب


الله يعوضج حبيبتي بالي يستاهلج يارب :)