بيكون أكثر المعازيم عياييز ما يعيبهم إلا الشي التقليدي
يات على بالي فكرة جهنمية ، وأحس أغراضها بسيطة جدا وتتحصل
إن اسوي عرسي على الطراز الشعبي
ما أعتقد إن الفكرة يديدة .. بس في منطقتي نادرة ...
والسبب في ولادة الفكرة هي هذي الصورة
جننتني وخبلتني هاي الكوشة برغم إنها ما عيبتني وايد وفيها اشياء ناقصة
بس يا ترى وين ألاقي أحد يسوي الفكرة اللي في بالي
بحيث العرس يغلفه الطراز التقليدي ( خيمة ،مندوس ، نخلة ، دلة قهوة) مع بعض اللمسات الحديثة ( ورود ، شيفون....)
الفكرة موجودة بس مين يبلورها لي ، لأني تعقدت من محلات الكوش
في عرس اخوي الثاني ما رتبلي اياها راع المحل وطلعت الكوشة بايخة والكل ما عيبته
أما في عرس أخوي الأول كانت الكوشة أعمدة وبعد بايخة
أبي أسمع تعليقكم