ساعدونى اخيراً ؟؟

الله يعينج يا الطيبه.. اللي اعرفه بقولج.. امي يوم كانت حامل في اختي الصغيره.. استوالها سكر حمل.. ويوم ولدت طلع راس اختي كيبر شوي.. يعني امي تعبت يوم يابتها لانه راسها كان كبير شوي. بس بعد الولاده كل شي كان طبيعي وخاز عنها السكري والحمدلله. الحين اختي عمرها 16 سنه وشكلها عادي ما يبين ان راسها كبير... طبعا انتي لاتاخذين على كلامي وايد.. هو يختلف من.. حامل لاحامل.. والله يسهل عليج ويعطيج نونو صاحي وكامل الخلق ان اشا الله.. الله يحفظج يا الطيبة..

تصدقين من امس انا مالي حال وخايفة وخايفة على الجنين الحين انا موب مهم اي شي يصيدنى ما يهمنى لكن بعيد الشر اخاف على الياهل لا يكون وصل له السكر او تأثر بعيد الشر وانا روحى وحياتى الحلويات والعيش والسكر بالأربع ملاعق بالشاي المشكلة اختى ان انا صرت اوسوس لأن اعرف صديقة لي بعيد الشر عنى وعن كل الحوامل وعنك ولدت من كم يوم وهي فيها السكر طلع البيبي مريض ويمكن ما يعيش لا اله الله وانا من يومها وانا مريضة واحس بأشياء وما اعرف تونى بعد كم يوم بدخل الثامن يعنى جدامي 4 اسابيع واوصل لبر الأمان الله يتمم علي وعلى كل حوامل المنتدى ... ويعطى المحرومين بحق لا اله الله .

بصى حبيبتى حاولى تقللى من اكل السكريات وتحاولى تظبطى سكرك مع الدكتورة اختى الغالية السكر مرض لعين حفظك الله منة وحفظ جنينك خدى بالك من نفسك ومن جنينك وحاولى تنظمى اكلك ووظبى على العلاج علشان ما يضر بالجنين

انا اعرف ان هذا مرض لعين والله يبعدنا ويبعد الكل عنه انزن الحين انا اشلون انظم اكلي شنو اكل .........

حبيبتي لا تحاتين يالغاليه ارتفاع تااافه مهب وايد

اولا ركزي على الخضروااات الطازجه والفواكه ( وبعدي عن المانجو والعنب )
واشربي العصائر طازجه احسن من الصناعي وفيه السكر

ابعدي كلش من السكريات والشيبس والغازيااات

احسن لج علشان مايزيد وزنج وايد وبنفس الوقت ماياثر على الجنين

اذا الحمل في بدايت الشهر الثلاثه يؤدي لتشوهات البيبي اذا ماتبعتي نظام الغذائي صحيح

اما اذا صابج السكر والجنين كبر اشوي يتاثر ان يروح له الاكل مافيه انسولين
وبتالي بنكرياس الجنين ينزل مدة الانسولين اكثر وبذلك يثار على الجنين يتضخم حجمه

يعني مايشوه ولا حاجه ولكن حجمه يكبر اشوي وبعد الولاده يرجع جسمه
عااادي ماافيه انتفاخ

انا فيني السكر ولكن من قبل لاحمل والحمد الله مسيطره على الوضع
ومنظمه اكلي ياحبيبتي لاتحاتن اهتمي بنفسج

وباذن الله ماعليكم شر

يعنى تقصدين ان ما اقدر آكل فاست فود ونودلز وعيش وشبس عاد ذبحينى على هالأشياء تصدقين امس عرفت ان السكر مرتفع وزوجى شال عنى كل الحلويات وطلعهم خارج البيت وانا متعودة كل ليلة اطلب لي عشاء من برع بس امس طلبت سلطة لكنها ما شبعتنى وما قدرت انام كل نص ساعة مثانتى كانت تنترس واروح الحمام الله يعزكم للتبول لأن معدتى خالية بعدها قمت وسويت لي سندويش جبن بعد ما شبعت عقبها اتصلت بزوجى وقلت له اشتر لي شاورما قبل ما تيجى البيت وجاب لي شاورما شوى خف التبول عندى لأن اذا بطنى مو شبعان كل شوى اروح الحمام بس اذا مو جوعانة شوى اهون ................................... آآآآآآآآآآآآآآآآآآه الله يعينى يعنى اختى شهد السكر عندى مش مرتفع نفس ما قالت الدكتورة يعنى تعتقدين ما وصل للجنين .......

مرتفع يالغاليه ولكن مهب ارتفاع اللى تخافين منه
اذا لحقتي على نفسج ورتبتي اكلج ماراح يتاثر باذن الله

من حيث الاكل اكلي بس مهب سلطه فقط جمبه خلي شئ

انا اتعشى كوب شوربة خضار وبعد ساعتين احس بجوووع ارد واااكل سندويش شوارما

واذا جعت باخر الليل اكلي تفاحتين او تفاحه مع برتقاله وكذا

انا ماجوع نفسي

ولكن ماااكل شئ اللى يرفع السكر مثلا فاست فووود فيه مايونيز ودسم
ياثر على السكر يالغاليه

وبعدين حاولي تبعدين عن هذي الاشياء واكلي مره وحده في الاسبوع اذا خاطرج
انا الارز ماااكله اللى مره في الاسبووووع عن خاطري

انا مااابي اخرعج ولكن عدم انتظام السكر عندج معناته بتاخذين ابر انسولين
مرتين باليوم

ومايسوى عليج نظمي اكلج احسن وتوكلي على الله

انا فيني سكر من قبل الحمل اضطر اخذ ابر انسولين بنفسي تخيلي ؟؟
انا سويت رجيم قاسي بس علشان مااخذ الابره مانفع
تخيلي اتعشى صحن سلطه سكري يوصل 200 تحطمت
وبديت اخذ الابر

ادعيلي يالغاليه

الله يسهل عليج ويوفقج

اختى امس انا جعت بالليل وطلبت لي فاست فود كان متروس مايونيييييييز وكاتشاب وطبعا بيبسي كنت اشرب شوي هل ممكن بيبسي ....

وبالنسبة للصبح صرت اشرب حليب ابيض ولكن مع بسكويت بسكر تعتقدين عادي او اشلون .......


امس رحت حق وحدة توهه والدة رحت المستشفى لها عاد هم يقدمون لنا الحلويات وانا متحسرة بس جبت لبنتى ..............

الحين كيف اختى البيبسي اوكى تعتقدين او اشلون ...........


والله انا خايفة كثييييير.