خلونا نتكلم عن الولادة لين الله يسهل علينا

انا هذا اول حمل لي و كالعاده سمعت وايد من زميلاتي و غيرهم عن الام الولاده و التعب و غيره

بس رغم هذا مو خايفه بالعكس كل مايقولون شي عن الالام احس ابغي اجرب هالولاده شلون صايره شنو هالالم الخنفشاري اللي محد قادر يوصفه :)

مادري بالشهر التاسع بيكون لي نفس الراي ولالا

الله يتمم لج على خيرررر

حتى آنا خاطري اجرب بس أخااااف وعندي خوف وايد خصوصا في الأشهر الأخيرة

الله أعلم شنووو بيصير لنااا

ما خبرتينا شنو تجهيزاتج

أبي أحد يخبرني عن حقيبة المستشفى شنو يخلون فيهااا

أنتظر الرد

السلام عليكم موضوعك راائع ويجيب اللي في الخاطر انا هذا اول حمل لي

وانتظر الولاده بفارغ الصبر وطبعا سمعت انها صعبه وشي مايعرفون يوصفونه واللي اذكر انهم

قالوا لي انها سهله ثنتين مع انهم بكريات بس قالوا مو مثل مايقولون عنها واصعب شي اذا جاء يطلع البيبي

والله سهلوها علي اكثر الله يجزاهم خير .......... وانا متلهفه للولاده مرررررره وللنونو اكثر..

وجهزت الشنطه من نهاية الشهر الثامن ..

الله يسهل علينا جميعا..

هلا أختي

بس ممكن تقولين لنا شنو الأغراض ألي خليتينهم في حقيبة المستشفى؟؟

موضوعك حلو كثير
انا مثلكم سمعت كثير عن الولادة بعضهم خوفوني
وبعضهم خلوني حابه أجرب الولادة
بس الله يعينا ماعرف شنو اللي بيجينا
انا جهزت اغراض البيبي بس ليما ألحين ماحطيتهم بالشنطة

هلا بنات

صحيح سمعنا عن الام الولاده كثيرررر وخفونا بصراحه

بس صدقوووني الناس يبااااااالغون .....سبحان الله

انا جربت الولاده صحيح الم بس ربي يسهلها ويخلي سبحان الله الساعه تمر مثل الدقيقه

صدقووني ماابالغ

وعلى فكره الولاده مافيها الم الا ألم بسيييييط من الدفع يعني عادي الألم في الطلق بس والولاده كلها دقايق وربي يسهلها

بس الطلق هو المتعب بس الحمد لله كلها سهااااااااله من ربي ولاتسمعون كلام هالناس مبالغ فييييه

اصلا بس يطلع البيبي يروح الالم كلللللله سبحان الله وتحسين انك اسعد وحده بالدنيا تحسين بسعااااااده سبحان الله وبس تشوفينه تقولين بحمل وبعيد هالتعب مره ثانيه اذا بجيب طفل حلو:smile:

الحمد لله هذي نعمه الناس يحسدونا عليها واحنا نتكبر عليها

الله يسهل على الجميع

اختكم دمعة بحر

بالنسبه لي.. في الحمل الاول ولدت بعمليه قيصريه... بس يوم ياني الطلق صدق ما قدرت اتحمل الالم.. صراخ في صراخ هههههه..

الحمل الثاني .. ان شا الله اتكون ولاتي طبيعيه.. لاني خاطري اجرب الولادة الطبيعية.. ادعولي يا حلوات انه اتكون ولاتي طبيعيه.. والله يسهل علينا وعليكم يا طيبات...

بصراحة الولادة وااااااايد صعبة ويبي لها قوة احتمال الألم وصبر على ألم الطلق .... مثل ما سأل نبي الرحمة شنو أصعب شي يا رسول الله قال:(( خروج روح من روح )) صدق رسول الله صلى الله عليه وسلم ....

بنسة لي في ولادتي الاولى كنت ماخذة الأمور ببساطة جداً جداً حتى كان يوم ولادتي عندي موعد عند الدكتورة رحت على الساعة 12 الظهر وكنت اضحك مع الممرضات ما كان في شي وقلت للممرضات قبل ما أدخل على الدكتورة احس أن فيني ولادة ... قالوا لي الممرضات وحده فيها الولادة وتضحك !!!!:dd::dd:

لما دخلت على الدكتورة بعد ربع ساعة وبعدي ما كنت أحس بأي شي قلت لدكتورة أحس أني على وجة ولادة خصوصاأ كان ينزل علي دم من يومين بس خفيف ... قالت لي الدكتورة خليني أتأكد لك لم فحصتني الدكتورة أنصدمت وقالت ما أصدق .......:pain: خفت واايد وقلت شنو في دكتورة ... :eek2: قالت لازم أتصال بأسعاف ياخذك .... خفت أكثر ....:cry::think: شنو صاير ... قالت أنتي متوسعة ثلاثة انش لازم على المستشفى على طول.... :cry::cry::cry: يا أمي ....
قلت لدكتورة لا رايح أروح بروحي المستشفى مو ضروري الاسعاف ... الدكتورة صدقت الكلام وخلتني أطلع من المستشفى ....

على طول رحت إلى أمي البيت وخبرتها بسالفة كلها ... وبدأت أمي بعمل الأدوية الشعبية ... من الساعة واحدة الظهر إلى الساعة ثلاث لم رجع زوجي من الشغل ... وأنا أشرب في هذي الأودية وبدء الطلق معاها كل خمسة إلى عشر دقائق تيجي طلقة ... وكل وحدة أزيد من الثانية ... يا الله بصراحة رغم أن مر على ولادتي سنتين وتسعة أشهر بس إلى ما الآن ما ناسية الألم ..... على الساعة ثلاث ونصف أخذني زوجي إلى مستشفى الولادة عندنا في البحرين يدعى السلمانية ... لم شافتني الممرضة وفحصتني قالت لي أنك 2 أنش ... أستغربت شلون كنت 3 وأصر 2 غريب الموضوع ... المهم شافتني الدكتورة بعدها وقالت لي أن بعدك على الولادة ... وما في لك سرير في المستشفى ... فأفضل أنك تروحي بيت الحين وبعدها أروح مستشفى أخر ... المهم وقعت على نفسي وطلعت من المستشفى ... ورحت البيت مر ثانية .. ومن ساعة الرابع ونصف إلى ما ساعة حمس ونصف أنا كنت مع زوجي على الكورنيس أمش دقيقة واجلس دقيقة كان الطلق يجي كل دقيقتين كان الألم متابع ما كان يوقف أبد الي كان يشوفني الظهر ويشوفني بعد صلاة المغرب ما يقول هذه نفس الشخص ... عن وصف أمي لي تقول أن وجهي صار شاحب من لون الكركم وشفايفي سودان ... على الساعة سابعة ونصف أخذني زوجي على المستشفى العسكري ... وهناك بعد الكشف قلت لي الممرضة أني 3 أنش .... بصراحة جتني صدمة كل هذه الألم من عصر إلى ما الآن وأنا على هذا الحال ..... 3 أنش ... ما صارت ... المهم دخلوني غرفة الولادة وبدلوا لي ملابسي ... والم أه من ألم صار كل دقيقة أو نصف دقيقة كان الألم فظيع ما يستحمل ..... عن الساعة ثمان ونصف تقريباً عطني أبرة مهدئ في عضل لأن الألم ما كنت أستحمله وطلب من الممرضة أني أبي أرتاح أشوي من الألم بس ما خلاني في حال سبيلي كان مصر البيبي على أن يطلع الساعة تسع و10 دقايق قالوا لزوجي أطلع عنها بره خلاص ولادة ذيك اللحظة كنت متوسعة 7 أنش بس قرروا أن علي أن أولد بـ 7أنش ....... عنده برزت المشرط وملقع والأدوات الولادة ... وقالت لي أدفعي ... أدفعي ... أدفعي ... بكل دفع كانت تجر المشرط على فتحت العجان حتى تزيدها .... على الساعة 9:38 مساء ولدت بولدي حسين وسمعت أول صرخاته بعد ما ضربت القابلة على ظهره ... وبعدها شفتها تاخذه وتنظفة بجنب من سرير الولادة ... بعدها حطته على صدري ... بصراحة شعور جميل جداً نساني ألم الولادة كله ... بعدها أخذته من عندي .. وقالت لي أحصري مرة ثانية ... أنصدمت شنو في ... قالت المشيمة .. يله أدفعي ... يا الله كانت ألم دفع المشيمة أكثر من ألم ولادة البيبي ... بعد ما خرجت المشيمة ... ونظفوا المكان ... جات الدكتورة للخياط ... لم خلاصة من الخياط ... لبسوني ملابسي مرة ثانية ... عندها زوجي وأمي دخلوا علي وشكروني السلامة ... وهي كل قصة ولادتي والألام الولادة بكل ما فيها ...

والله يسهل علي الثاني يا رب العالمين وسهل على كل حامل ويتمم على خير .....

شجعتونا ودي أجرب

الصراحه انا بعد اسبوع بدش الرابع ... و انا وايد مرتاحه من الحمل .. قبل كنت وايد خايفه

بس احينه و بعد ما قريت رمست الحلوه البحرينيه يتني جلطه ... خوفتني .. هذا اول حمل حقي الله يستر

فيسن قيل سملة عليك من الجلطة ... ليش عاد يا الغالية على فكرة الولادة ما تخوف أنا قلت أنها ما تخوف وكان الوضع طبيعي بنسبة لي وكنت أضحك ... بس مع الوقت تتعرفين على الطلق زين ما زين وهو الي يذبح ... بس بعد الولادة وااايد ترتاحين ... خصوصا والبيبي على صدرك ... أنا بعد حامل بثاني ولي الحين 16 أسبوع ومتوقعة أن تكون الولادة أسهل هذي المرة وما بروح المستشفى إلا إذا حسيت نفسي خلااااااااص ما أقدر أواصل في البيت ....

لا تخافين ....

سلامي وتحياتي للجميع ....

صحيح خايفه من الولادانا مايهمني في الدنيا الا سلامه الجنين ه خصوصا اني اول مره احمل بس اكثر ان يكون النونو طيب ومتعافي ويحسن ربي خلقته

الولادة الم في الم,,هذي مش مبالغة بس الواحد يقول الحقيقة...
انا حسيت روحي طلعت في ولادتي الاولى وخاصة اني ولدت بالثامن يووووووووووووه ولادة الم...الله يسهل علينا جميعا يارب

هلا بنات شخباركم انشاللله بخير.
انا في اخر الثامن وواايد متشجعه للولاده على اني بكر بس ما ادري ليش ما اخااف على انه الكل يخوفني بس الحمدلله عندي امل وانا للحين شجااعه عااد ما يندرا حزتها اتم الشجاعه ولا :bigsmile:
انشالله اتم

ابي احمل وابي اذوق الولاده صج الم وتعب بس ماعليه ابي احمل لو اتزلزل من الالم بس ابي احمل:cry:

يا حفيظات الصحه والسلامه أنا راح أقلكم عن ولادتي ببنت حلا :smile:............ تأخرت عن موعد ولادتي أسبوع كامل:confused: عشان ما كنت أتحرك كتير ولا أشتغل شي كنت ببيت أهلي:qaq::qaq: عشان زوجي كان بالضفه وأنا بالأردن........... المهم اجا يوم الميلاد كنت عند جوزي وامي مش عندي وكل المستشفى حزنت عليه عشني بغربه المهم كانت معاي مرت عمي بلش الوجع الساعه 3 العصر وانت عارفين طلق البنات بارد:confused::confused::confused::confused: وأول ما اجت فحصتني الممرضه قالت توسع اصبع وانت عارفين أنا حكيت اذا هيك الوجع مش مهم بتحمل:shy::shy::shy: واجا بعد حوالي ساعتين دكتور يفحصني انت عارفين الوحده بتكون خجلانه كتير:shy::shy::shy: وبلش يزيد الوجع وبلش لصريخ وأنا سرت أنادي على دكتور يفحصني وجوزي جابلي أكل ويا ريتني ما دقتو قالو بفيد راجعتو كلو مع الوجع ومرت عمي كبيره صارت تنعس أحكيلها روحي نامي وأنا بتصرف وانتو عارفين مع الوجع الوحده ما بتعرف حدا وسرت أحك بدي أروح عالحمام بعيد عنكن كل شوي:down::down::down: والدكتور يحك هاي بكريه ما بنقدر نعمل شي لازم تلد لوحدها والله لا يورجيكم الساعه قدامي وايمتن أنجن لما يغيب الدكتور ويرجع بعد ساعتين يحك نفس التوسع أنهبل:confused::confused::confused::confused: ومر الوقت وبتعرفو في شفتات الممرضات تغيروا اجت وحده وأخدتني علحمام وخلتني أحط عبطني مي سخنه ساعتين والحمد لله حمي الطلق أكتر ورجعت عغرفة الميلاد اجت بنت حماي وصارت تدهنلي ضهري بجل يبرد طلقي وأنا أصرخ يعني الوحده بتشوف الموت والحمد لله الساعه 9:45 صباحا تاني يوم ولدت أول شي لما ينزل الجنين بروح الطلق بتحسي براسو بكتفو لما يطلع وبتنسي كل الوجع لما تشوفي:dd::dd::dd::dd::dd:يا رب يقوم كل حامل بالسلامه ويهونها عليها:clap::clap::clap::clap: