الى كل مرأه حامل للمرة الاولى

نفس الأحساس يا اختي بس اللي مزيدني الوحام .................... الله لا يراويه عدو ولا صديق



هذه غريزة الأمومة اسمها

بالنسبة للخوف على الجنين ترى هالشي عادي خصوصا للي يحملون لاول مرة ..

انا لما كنت حامل كانت تجيني كوابيس في الليل من كثر خوفي على الجنين والحمد لله يوم الله سلمه وشفته ..

الله يسهل عليكم وتقومون بالسلامة ..

انا بالفعل حامل للمره الاولى ومثل ماقالت الاخت تجيلي وايد كوابيس وخاصه اني اشوف الدم ينزل مني واقعد من النوم مفزوعه
ويوم كنت بالشهر الثالث زلقت بالحمام ( عزكم الله ) وطحت على ظهري قعدت ابجي وخايفه اني اني انزف وقعدت اقره الايات واترجى ربي انه يحفظ اللي في بطني والحمدلله ربي ماقصر حفظ الجنين بحفظه ورعايته وعدت هالأزمه على خير والحين انا بالخامس وزلقت للمره الثانيه ههههههه بس هالمره أخف ماادري اشفيني على الطيحات بس الله الحافظ
بس بالفعل اخاف على الجنين حتى لو مرت قبالي ذبانه ( اخاف فيها انفولونزا الطيوور ) خخخخخخخ

وانشالله نقوم بالسلامه كلنه وتقر اعيونه بالمولود الجديد :)

هلا فيكم خواتي انا اول حمل لي وفي اخر شهر الله يتمم لي وللجميع بخير

احساس حلو ويخوف خاصه اول ماتحرك ومدري بعد وش بقى عندي من احساس ماحسيته

اذا ذكرت احساس مريت فيه بقولكم عليه...................

ادعوا لي معكم ان الله يعجل بولادتي ويسهلها يارب.........

انا بعد هذا حملي الاول

واحاسيسي زيكم وسوسه وخوف من اي شئ
بس
اللي زايدني اني بالخامس ومو حاسه بحركه الجنين ادعولي

والله اني حالي من حالكم هذت اول حمل اليي والوساوس على طول في راسي مع اني احاول اشغل روحي عن هذه الوساوس بس ساعات ابليس الله يلعنه يزيد وسواسه
بس الحمدلله وكل ما اتذكر انه بعد جم شهر بيروح هالتعب النفسي ان شاء الله كله احس بالتفاؤل

السلام عليكم

الأحاسيس اللي تنتابني وأنا في بداية الشهر الثاني من الحمل هي الرغبة في البكاء أحياناً ، والمزاج المتقلب بسبب اللوعة اللي مخلتني أبتعد عن أشياء كانت بالنسبة لي مهمة وضرورية ، والتعب وتسارع ضربات القلب يخليني أفضل العزلة والهدوء وهالشيء بعد يزيد ملامحي حزناً :( هالشيء مضايجني وايد.. لكن لما أشوف الكائن الصغير في داخلي في كل زيارة للطبيبة أنسى كل ما سبق وأحافظ على نفسي وصحتي بتجاهل هالأحاسيس المتوهمة ليس إلا.

تمنياتي لكن بتجارب رائعة وحمل صحي

خالص تحياتي

هذا اول حمل لي بعد بس اللحمد لله ما جتني كوابيس ولا حسيت بلوحام نا حامل في الشهر السادس بس الخوف الوحد الي يجيني هو عدم تحرك الجنين بعض الايام لكني اتم احرك يدي على بطني واضرب شوي شوي علشان يتحرك يوم يتحرك ارتاح
بس هذا احساس كل حامل مب شرط اول حمل لانه كل حمل الام تخاف على ولدها
والله يتمم على خير

أنا هذا حملي الثاني بسالحمل اللي قبله مافرحت فيه وأجهضت وأنا بالثالث
لما حملت هالمرة كانت مشاعري متضاربة،،هي خوف،،هي فرح ،،هي وسواس
بصراحة وبسبب التجربة اللي مريت فيها بالحمل الأول واللي اعتبرها قاسية،،تعبت كثير نفسيا لأني كنت متعلقة بالحمل والبيبي
فلما حملت هالمرة كنت مرعوبة،،ودايما في بالي وساوس من ابليس ان هالحمل احتمال مايتم،،وظليت خايفة يوم بيوم وشهر بشهر
ودايما تجيني وساوس ان البيبي ممكن يكون في خطر،،وان ممكن وممكن وممكن
حسيت إني راح أجن،،وكنت كل ماتجيني حالة الخوف أدعي رب العالمين يباعدها عني ويفرحني بشوفة البيبي ولا يبكيني عليه
اليوم انا بأواخر السادس والحمدلله صحيح المخاوف ماراحت بس خفت بكثير بالذات ان البيبي يتحرك وهذا بحده أمل كبير ان الطفل بخير ومواعيدي بعد كلها تمام،،وانشالله يارب يتمم علي بخير وعلى كل الحوامل يارب

هذا اول حمل لي ..


وخااايفة موووووووت علية ... لان الدكتورة قالت لي لازم تحاميل تثبيت وحبوب ..


ومن كثر خوفي احلم احلام تخوووف وتزعج ..

والله يسر الامور ويثبتة يارب

هذا حملي الاول ...وادعي ربي ليل نهار يحفظ اللي في بطني و يثبته و يفرحني فيه ان شاء الله...لاني خايفه عليه اكثر من نفسي .......الله يسهل علينا

الله يسهل عليكم ان شاء الله..

هلا فيكم بنات والله وحشتوني من زمان ماكتبت كسل بعيد عنكم صراحه طمنتوني انا حامل لاول مره حاسه اني بيني وبين الجنون شعره خايفه على النونو وعلى نفسي بس اتخيل شكله كيف بيكون:think:ومايهمني بنت ولا ولد المهم يكون طيب ومتعافي والحين دخلت السابع الحمدلله هانت واحلى شي اخته من الحمل اني احلويت وسرت مزيونه قولو ماشاء الله بس ماتهنيت شغلي الشاغل النونو ويابكي بكيته وياصياح صحته اذا حسيت بشي قلبت الدنيا وماكل شي لين اسأذن من وحده من صديقاتي دكتوره نساءاخر شي سالته اكل سمن ولا احط كريم في جسمي ولا لا شكلي في النهايه بسألها امشط شعري ولا لا اخاف يضر البيبي:dd:

انا الحمد الله لين الحين ما عندي اي مشكله فالحمل مع اني حامل لاول مرة

و ما حسيت بالوحام الي اسمع عنه بس مشكلتي الوحيده هي اللوعه و من بديت اخذ الحبه مالت اللوعه

الله الحمد لله اموري كلها تمام


و الله يسهلها لي وقت الولاده مثل ما مسهل لي في الحمل


و انا الحين في الشهر الرابع و الله يتمم لي بخير

الله يسهل عليكم خواتي ويثبت حملكم

ويرزقني ويرزق كل محرومه بالذرية الصالحه يارب