قصة ولادتي مع برهوومي !

السلام عليكم ورحمة الله وبركاته

الحمد لله على كل حال وعقبال يارب كل حامل تقوم سالمه هي والبيبي

اكثروا من الدعاااء يابنات والله يفرجها عليكم

الله يسلمكم انا يوم الجمعه 13/1 صليت الفجر ونمت بعد ساعه تقريبا حسيت بألم في ظهري وفخوذي تروح وتجي وانا ارجع انام واقوم اتالم وارجع انام لين الساعه 9 تقريبا وقمت وشربت قرفه وقعدت ادعي لنفسي لان تقريبا صار لي ثلاث ايام معاي الله يكرمكم إسهال ومع الالم يجيني اسهال يقومني من النوم بعدين حسيت اني دخت وقلت بقوم انام وطبعا زوجي كان نايم ورجعت انام وهو حس فيني قالي هاااا أوديك المستشفى قلت لا بنام ونمت ونفس الشي الالم يروح ويجي لين قمت الساعه 1 وقالت لي امي روحي المستشفى ورحت معاها ومع زوجي وكشفت الدكتوره قالت مفتوح 2 سم فررررحت وزوجي فرررح واخيرا بيطلع ولي العهد

بس قالت لي انتي بكر وبتطولين ماراح اخليك عندي روحي وتعالي بعد 4 او 5 ساعات او اذا زاد الالم ((ياااااااااربي في خاطري اقوم اذبح هالدكتوره ))))

وطلعت رحت مجمع فؤاد سنتر بالخبر وقعدت امشي امشي مع امي وزوجي وياربي مابقى انسان بهالدنيا مااتصل علي ذاك اليوم ماولدتي ماولدتي كأن حاسهم قلبهم

ورجعت المستشفى بعد المغرب كشفت قالت مازال 2 سم والراس فووق مو نازل يبي لك على هالحال 4 او 5 ايام

:confused::confused::confused:

ياااربي كررهت حياتي شنوو انا ماصدقت يجيني الم بس الحمد لله رجعت البيت وانا ميييته تعب ونفسيا مو طايقه احد وفيني صيااااااااااااااااااااااااااااح

الين جات الساعه 1 بالليل جاني الم في بطني وقام يزيد يزيد يزيد وامي تقولي صبري واضغط على يد امي مسكينه كسرت عظامتها لييييين الفجر خلاص مااقدرت اتحمل بموووت ماني قادره اقعد ولا اوقف ولاشي وبس اصيييح واصارخ مااتوقعت ابد اصارخ انا اقول اني صبوووره طلعت خرررطي يااااربي طلق الولد يذذذذذذذبح حااااااار

رحت المستشفى الفجر قالوا لي مفتوح 5 سم ويااربي اذكرهذيك الرجفه في فخووذي والم احس خواصري بتتقطع من الالم وانا بس اصارخ

جا زوجي يبي يشوفني مارضوا قالوا هذي بس تصارخ أزعجتهم والله

لين جات الساعه 9 انفتح 10 والحمد لله ولدت ولاده سهله بفضل ربي وشفته حبيبي طبعا صار يوم السبت 14/1 سبحان الله يوم وفاةالامير جابر الله يرحمه

سبحان الله كل الالم رااااااااااااااح حسيت اني مالكه الدنيا ودخلوني الغرفه بعد ساعه تقريبا من الولاده الا دخل علي زوووجي يااااااااربي طررت من الفرحه الحمد لله

احلى يوم بحياااتي

وعقبال الجميع