شنو احسن كريم ترطيب للبشره وحماية للبشره

جربي كلينيك ... لانها ماركة طبية اكثر

وبما ان فيج اثار حبوب وبشرج باهته ... لا تنسين تأخذين سكراب للوجة

وايد يمدحون سكراب من كلينيك


بس انا عن نفسي ترا ما جربت لا كلينيك ولا جيرلاين .... صراحة انا قشرت ويهي عند دكتور جلدية مختص والحين أستعمل ماركة نيتروجينا ... والحمدلله ويهي ولا احسن :handup:

عزيزتي

اختاري المرطب يكون ماركه معتمده و معروفه ،، ممكن تسئلين عن مرطب وبنفس الوقت علاج للحبوب ..

مسألة الحبوب حساسه ،، حاولي تعالجينها عند طبيب جلديه مختص ..

وهو راح يعطيج المرطب المناسب لج ..

اما واقي الشمس ،، بشرتج محتاجه واقي طبي ،، البنات يمدحون واقي روك

انا استعمل مرطب بس واصفتلي اياه الدكتوره من زمان و جربت غيره وايد بس هو احسن واحد بالنسبه لي
بحطلج صورته... لأنه احسن واحد جربته (و انا وااااااااااايد جربت) :)




اما كريم الحمايه من الشمس لين الحين ماعيبني شي... يمكن احسن واحد جربته كان ال
dermalogica
بس ما ينفع لكل جو... يعني في الصيف كان يخلي ويهي يطلع كأنه معرق اول ما اطلع!!!
جربي منتجات الROC وايد يمدحونها.. و عندهم شي في كريم الحمايه يحمي من تكون البقع, و بعد يفتح لون البقع الموجوده.. انا اشتريته امس ف ما اقدر اقول شو النتيجه بعدني ^_^

chocolates-lips تسلمين يا عمري صح كلينك زين طمنتيني



Marshmallows مشكورة يا قلبي روك يصير دنهي علي ما ركب مع بشرتي




serenity تسلمين يا عمري بروح ادور هالمرطب واشوف هالماركه بس انتي بشرتج فيها اثر حبوب؟؟

وعاجتيلها مع هالكريمات والا شنو ادري ثقلت عليج؟؟؟

يا ريت تنصحوني انا كمان

حبيبتي انا ما كان عندي اثر حبوب..

بس كان عندي اثر حروق لأني سويت ليزر و صارلي كم حرق و كذا مكان صار فيه بقع...

اول شي سرت عند دكتوره خبصتلي الدنيا زياده سوتلي تقشير...كنت بعدني ماعرف لهالسوالف لأني من استويت و بشرتي ممتازه و بسرعه اصدق لعدم الخبره...

المهم بعد الحرق و التقشير صارلي بدال بقع الحرق, بشرتي اختبصت عالآخر... هي كانت بشره مركبه صارت جافه جدا و خلاص....

سرت عند وحده خبيرة تجميل في دبي و عطتني اول شي كريمات تسوي regeneration للخلايا...

و الكريمات كانت فيها نسبة 52% كافيار, فعدل بشرتي بسررررعه...


اسم الماركه ingrid millet و موجوده بس في sax fifth avenu في برجمان,

و بعد في Faces برجمان و ابن بطوطه....


بعد ما تحسنت الخلايا و رجعت طبيعة بشرتي, بدا علاج البقع...

استعملت كريم اسمه Blanc Pure من ماركة Paul Nihan ...


بعد شهر من الإستعمال اليومي خازت البقع بنسبة 80%

و الحين الحمدلله ما عندي الا شوي.. بس الكريم ما ناسبني مع البرد لأنه ما يرطب وايد,

فتذكرت كريم استعملته من زمان اللي هو الDalton اللي حطيتلج صورته,

و الحمدلله مب محتاجه استعمل شي وياه...

و صارلي 3 اسابيع ما استخدم غسول للوجه, بس اغسل بماي و ما استعمل الغسيل الا لما احط مكياج و على طول كريم الدالتون..

و الحمدلله الحين ما عندي مشاكل ابد... بس اكمل كورس الblanc pure لين ما تروح ال20% الباقيه من البقع و خلاص ^_^ هههه


استويت خبره في البشره بسبة الليزر, الحين مستحيييييييييييييل اسوي مره ثانيه, مافيني ع البهدله!

إن شاء الله اكون افدتج... و إذا عندج اي استفسار انا حاظره :)

غنوجة زوجي

إذا عندج استفسار حطيه و إن شاء الله محد بيقصر وياج ^_^ البنات هني ماشاء الله يتساعدن :)

مشكووووووووووووووووووووووووووووووووووووووووووره

تسلمين والله ما قصرتي
انا حفظت الصوره وبروح ادوره عندنا

الله يجزاج خير ويوفقك يارب
وتصير بشرتج دايم حلوه انشالله:)

اختي اذا ما لقيتيه عندكم و ودج تجربينه خبريني و بطرشلج إياه ^_^ ما يردج إلا كيبوردج

تبين الصراحه انا اذا بشرتي جافه خصوصا الحين ايام البرد احط كريم دوف العنايه المركزة مب العادي صراحه وااااااااااااااااااايد زين والكل يقولي بشرتج ناعمه وسهل تحصلينه جربي وشوفي واما بالنسبه للواق جربي نيتروجينا ultra sheer spf45 وايد رقيق وبعدين ما يترك بشرتج مزيته جربيه وحتدعيلي

[=5lamyaleo][]


تسلمين يا عمري علي المشاركه

بشوف كريم دووف


الله يجزاج خير

تسلمين اختي
انا اجرب دووف للجسم بس ما جربت مستحضرات الوجه

انشالله اجربه

جزاج الله خير

يابنات طيب واللي بشرتة مركبة ايش بستخدم