ام حرمت الفرحه تناشدكم المساعده

السلام عليكم ورحمة الله وبركاته

مرحبا لكل قارئ لمأساتي الصراحه ان مشكلتي بدت منذ سنين وربي للحين اعاني وكل يوم انتظر اليوم الي يقوم فيه ابني ويمشي على رجليه كل ام تعرف شعوري زين بعد مااقولكم مشكلتي
رزقني الله بابن مملوح قررنا انا وابوه نسميه بدر وفرحنا به كثير بس يوم صار عمره 3شهور اكتشفنا ان فيه خلع بالورك وقلونا عادي الحاله منتشره وشائعه عند المواليد حديثا المهم اتكلنا على الله وعملنا له جبيره لمدة 6شهور وهو ياحياتي فاشخين رجليه على ااخر المهم خلال المده هذه وانا اهتم بغذائه وكميه الحليب عشان الكالسيوم وكنت حاطه مغلي حلبه واخلطه بالحليب مع كل رضعه المهم بعد 6شهور قال الدكتور ان كل شيء صار اوكي طبعا هو كان حدود السنه طبعا بدا مثل الطفل الصغير بس المدة اقل يعني بدا يزحف بعدين يحبو بس للحين مامشى والدكتور يقول كل شيء اوكي وانا حيل قلقه مادري ش اسوي والله تعبت قالولي ودي لمركز الطب الرياضي يسون له تمارين لتقويه القدم عشن يقدر يركز قدمه المهم ابي منكم حل الي تعرف احد صار له مثل ولدي تقولي وش صار وش سوو اهله مع العلم اني اعطيه فيتامينات من الولاده والحين صارلي 6شهور اعطيه زيت الحوت بالبرتقال سيفن سيي وابغى خدمه من اهل الرياض خاصه الي تعرف احد دخل المركز وشلو يدخلونه بفلوس بواسطه ابي فزعتكم الله يخليكم
التوقيع :ام محرومه الفرحه