الزواج من مطلق

والله يا أختى عادي اعرف وايد بنات اتزوجوا من ريايل مطلقين وعادي مبسوطات والعيال عند الام الا ايام معينه ايبونهم ما فيها شئ خصوصا اذا الريال اوكي ....من كل النواحي ....

خصوصا ان كثر الطلاق في هذا الوقت ....صلي الاستخاره وشوفي الله يوفقج يا رب

شوفي حبيبتي المساله لا تتوقف في اذا حالة الزواج من رجل مطلق او انه لديه ابناء لا ... الزواج يتوقف و يعتمد على الرجل نفسه ...

يعني مثلا ... اذا كان الرجل .. رجل خلوووق دين ... طيب القلب حنون ... شنو المانع؟؟؟ ا لواحد مايظمن عمره ... ولا يظمن شي غير قلب انسان عليج يحبج و يداريج .. كل شي يروح الا الحب و الاحترام ... فاذا كان لحترام موجود و التفهام فهذا العكس مايبعدج عن السعاده .. بالعكس هو يهدييلج السعادة بالاستقرار و الحب و التفاهم..


اما اذا كان انسان مطلق و شخص انتي تشوفين فيه عيوب مثلا او ليحين ماحصلتي الفرصة الي تتعرفين عليه زياده .. فلا ... هذي حياج .. خذي وقتج لين ماتتعرفين على هل شخص .. شفتيه مناسب و ارتحتيله صلي استخاره .. ماشفتيه خلاص .. و لا تفكرين في العنوسه .. هذا كله بيد الله سبحانه و تعالى ... المهم راحتج وين

المساله مثل ماقتلج راجعه للوضع بين الطرفين مو الوضوع الاجتماعي ...

اذا انتي شفتي النسان زين ز ماينعاب ... صلي استخارة .. شفتي انج ليحين ماحتكيتي فيه عدل لا تسعلين .. لانه هذا زواج مو لعب

و الله كريم! و اييب الي فيه الخير

انا رايي من راي الاخت rدلوعة باباتها كلامها سليم 100%

عين العقل

والله يوفقك يا الكوكب الدري ويسعدك ويكتب لك اللي فيه الخير يارب

ما اشوف فيها اي مانع بالعكس،،، المسأله عاديه جداً

ومثل ما تفضلو الأخوات عليك بصلاة الإستخاره




سفيرة فوق العاده

انا اشوف لازم يكون في دراسة للموضوع من جميع النواحي يعني حالته المادية ومعلومات عن حياته السابقة وعيااله وأهم شي شو سبب الطلاق وإذا الريال ملتزم وواعي ومتفهم وراح يقدر يسعدها الله يكتب اللي فيه الخير وان شاء الله تكون تجربة زواج ناجحة

أنا مع الأخت دلوعة باباتها

أهم شي القبول وصلاة الستخارة

وفي شغلة مهمة معرفة سبب الطلاق ............................

هذا الزوج المطلق المصون لازم تسألون عنه زين وتشخلونه وسألوه عن سبب الطلاق لأن مو كل مطلق ينوثق منه احتمال يكون العيب فيه مو في زوجته

ولازم تقعدين معاه بوجود أخوانج أو أبوج عشان يكون الموضوع على الهواء بوجود جميع الاطراف عشان تعرفين اللي لج واللي عليج.....................

انا اشوف ان الموضوع عادي جدا...والاهم هو صفات الشخص نفسه...لربما لاتتوافر هالصفات في الشخص الاعزب....ففي هذه الحاله منهو الاحسن؟؟ المطلق بيكون احسن اذا الصفات اللي ابيها متوفره فيه!

الوحده تعيش مع الشخص مش مع اللقب !! مطلق او اعزب

هذا رايي

والله انا 100 ب 100 مع الاخت الحلم الهادي .......اذا كان ملتزم واخلاقه طيبه ليش لاه .... بس بعد اتفق مع منال الكويت لازم الوحده تسال شو سبب الطلاق .... راح تلقين كل حد يعق اللوم عالثاني ويبرئ نفسه ..... بس هلايام مافيه شي ينخش ...اسباب الطلاق واضحة للعيان وجدام الكل

الأخوات ما قصروا كفوا ووفوا وما عندي شيء أزيده على كلامهم

عن نفسي مستحييييييييييييييييييل آخذ مطلق.. وعنده عيال.. حتى لو تعديت ال 30 سنة.. ههههههههههههه (قوية البنت)

.. بس ممكن اللي خايفه من العنوسة.. او انه ماتقدم لها احد.. تستخير.. ووتشوف سبب الطلاق.. وتسأل عن الرجال..
حتى لو قدرت تسأل زوجته الاولى لانها ادري فيه.. وبينهم عيال..

شي ثاني اختي لاتنسين....... ممكن تصير غيره وهالامور بين الابناء واتمنى ماتكونين مثل الامهات الباقين اللي تفرق بين الاخوان
لانهم من ام ثانيه............. والله يوفقج ان شاء الله

ويمكن هالزوج خير لك من واحد موب متزوج ولا عنده عيال..

برايي انه يعتمد على عمر البنت

اذا لي الحين عندها فرص متاحة للإرتباط من شخص لم يسبق له الزواج فالأفضل انها تنتظر فارس أحلامها عشان يبنون حياتهم مع بعض خطوة خطوة و يفرحون مع بعض بأولادهم و يربونهم بمعرفتهم

لكن اذا كانت البنت كبيرة بالعمر و فرص الزواج عندها قليلة جداً فالإرتباط من مطلق مـاعتقد راح يشكل مشكلة .. تعتبر أبناء زوجها مثل أولادها لكن بهالحاله لازم تسأل الزوج : هل فعلاً يريد أولاد منها ام مكتفي بأولاده من الزوجة الأولى ؟؟؟

و بغض النظر عن عمر الزوج .. اذا كانت الزوجة بكر ماراح اتكون عندها المعرفه التامة بأمور الزواج بعكس الزوج اللي عنده خبرة سابقه فاحتمال يتهمها بالتقصير بأي شكل من الأشكال او حتى يقارنها مع زوجته الأولى .. طبعاً هذا يعتمد على الزوج نفسه يعني مو قاعده

يمكن رايي متشائم شوي بس هذا اللي فكرت فيه لما قريت الموضوع

:)

أهم شي الاستخارة مثل ما قالوا البنات و أصابعج ماهم سوا .. فيه مطلقين مافي أحسن منهم و الطلاق كان قسمة و نصيب مالهم يد فيه

ربي يوفق الجميع

أشكر جميع الأخوات...
"الحلوة نعناعة"
"دلوعة بابتها"
"أسيرة قلبه"
"سفيرة فوق العادة"
"طلوع الفجر"
"رفيعة الشأن"
"منال الكويت"
"الحلم الهاديء"
"زوجة راشد"
"العاش"
"خواطر"
"Miss.B"
على إهتمامهم بالموضوع...وبصراحة ما قصرتوا...الله يوفقكم دنيا وآخره
أعجبتني عبارة الأخت الحلم الهادىء"الوحده تعيش مع الشخص مش مع اللقب !! مطلق او اعزب"
صحيح كلامك أختي..
الله يكتب اللي فيه الخير....

صح كلام البنات
مافيها شي وهذا على حسب الوحده
مش كل وحده ترضى بمطلق خاصه اذا عنده اولاد

بس سؤال وايد محيرني
ليش البنت ترضى بالمطلق والريال مايرضى بان اللي ياخذها تكون مطلقه؟؟
اتمنى القى جوااب شافي لهالسؤال

صح كلام البنات
مافيها شي وهذا على حسب الوحده
مش كل وحده ترضى بمطلق خاصه اذا عنده اولاد

بس سؤال وايد محيرني
ليش البنت ترضى بالمطلق والريال مايرضى بان اللي ياخذها تكون مطلقه؟؟
اتمنى القى جوااب شافي لهالسؤال

انا زوجي مطلق وعنده 3 عيال.. بس عايشين في سعادة لها أول ومالها تالي .. الحمد لله مابا احسد نفسي.. عياله مثل عيالي مع انه ما عندي عيال ... وإذا كنت تحبين زوجك بتحبين عياله.. وإذا حبيتي عياله بيحبج بزيادة ..
الله يوفقج.

تبين نصيحة لاتاخذين واحد مطلق وعنده عيال واستخيري احسن