بنات الامارات (مساعده ضروريه )بليز ادخلوا

هلا اختي
بشوف ربعي وبرد عليج
سي يوو:smile:

مشكورة عيوني
وياريت باقي البنات يردون علي

انا من بوظبي وكان ودي افيدج

ان شاء الله بنات الشارجه مابيقصرن معاج

والسموحه

اختي انا عندي لج نصيحة

سيري محلات الشعر المستعار وخذي البواريك اللي اتي نص الشعر مب من جدام يعني من بداية ما تحطين التاج وخذي اثنين والحشوة مال الشعر بتحصلينه عند نزيه اربطي شعرج كامل ولفي وحطي الحشوة وبعدين حطي الباروكة من دون البروش يعني طلعي البروش وخليه بروحه وحطيهم اثنين على بعض وها التسريحة جدا حلوة وتعطي شكل جدا راقي

انا دايما شعري مسشور دجراديه

بس مرة سويت هالطريقة والكل قال جنه نجوى كرم داشه علينا

ولاتقولين انه حرام انا سالت وقالولي جايز دام انه البنات دارج عندهم هالشي ويعرفون انه مب شعرج وتتجملين فيها

وان شاء الله تكونين فهمتي الطريقة

واذا ما فهمتي ممكن من البنات انهم يحطون صورة اجرب ويساعدنج اكثر

شكرا حبيبتي بس انا ما احب البواريك لأن احس راسي بيكون ثقيل ومابرتاح وانا من النوع اللي اصدع من التسريحه فابا شي طبيعي وخفيف
فنفس الوقت

الغالية في وحده اسمها فاطمه التونسية من دبي اتي البيت مع خبيرة المكياج شيري ... بس ما ادريبها ما عتقد بتي حق وحده .. يعني أحسن مجموعة...والله انها سوتلي تسريحة رووووووووووعة من غير اسبريه... مع انه بالفير بس كانت اتحط كريم على كل خصلة واتسوي فير بعدين رفعتلي وحطت حشوة طبعا وطلع جنااااااااااااااااان

انا ما اعرف بس لفتني شي....الغاليه lura انتي من صجتج تتكلمين عن الباروكه منو سالتي...انا احيده الحديث واضح ومافيه غموض..لعن الله الواصل والمستوصله ...ما اعتقد الحديث ميز حد عن غيره...لو صدق ( جايز دام انه البنات دارج عندهم هالشي ويعرفون انه مب شعرج وتتجملين فيها ) شان اولى يكون للريل والتجمل له ..الغاليه الباروكه حرام حرام مب جايز لا للبنات ولا للريل ابد...اتمنى اصححي معلوماتج الغاليه وتتاكدين بنفستج هذي فتوى مب لعبه

جمانه ..!!

السلام عليكم............. اختي الغالية..

ليش ماتروحين صالون الروعة...........

عندهم مصريات يسون تسريحات رهيبة.. انا سويت يوم ملجة اخويه

وإذا حبيتي بطرش لج على الخاص.. الصورة..

تجنبوا الحرام

لعن الله الواصله و المستوصله


بارك الله لكم في شعوركم و جملكم في عيون الجميع

مرحبا

انا عندي لج وحده من الشارجه ونجن نتعامل معها من اسنين

وحتى عرس اختي بعد اسبوعين حجزناها حق العروس

وشغلها وتسريحاتها على كيف كيفج ضمان والله

اذا تبين رقمها دزيلي على الخاص

وانا باجر بطرش لج الرقم انشالله

وعلى فكره هي مكياج بعد اتحط
اختج ام عبدالله

الاخت شهادة والاخت سحايب ليل

انا وحدة اخاف الله واتحرى اي شي قبل لا اسويه

وانا مثلكم قبل كنت انازع خواتي لانهم كانو يلبسون هالبواريك بس قالت لي اختي انها سائلة والشيخ اجاز لها مع اني ما صدقت اتاكدت بنفسي من الشيخ صالح الدرويش اللي كان يطلع في تلفزيون الشارجة لاني عندي رقمه اللي بالسعودية ودايما اتصل له للافتاء واذا انتو مو مصدقيني ممكن اعطيكم رقمه وتتاكدون وحتى الحواجب حرمها بالكل الطرق الا الاوكسجين قال انه ما يعتبر نفس وباقي الاشياء اللي يقصونه واللي يحلقونه بكل الطرق فهو نمص

وانا ما اييب كلام من عندي لانه مثل ما تفضلتوا هذا افتاء في الدين مب لعبة

والسموحة

حبيبتي انا اعرف وحده بتعجبج في كل عرس هي تسويييلي بس الصراحه بدون اسبري ولو حطت اسبري يكون خفيف وديما اطلبها وسعرها فيها

على فكره اسمها متيلدا لبنانيه ولو بغيتيها تواصلي خاص

B9ara7a matelda ma3aleha klaaaaaaaaaaaaaaaaam,,,, an97ch etsaweeeeen 3ndha,,,,, edha 5fefa o tasre7atha 7elwaa,,, o ma t76 espry

ان شاءالله البنات يساعدنج

السلام عليج اذا تبين تسوين تسريحة حلوة طرشيلي عل الخاص وبعطيتج رقمها هي من دبي بس اتروح الشارجة وسعر التسريحة 250درهكم

السلام عليكم ورحمة الله وبركاااته


شحااالج اااختي


لوسمحتي ااختي اابغي رقم متيلدا اللبنانيه ضروري الله يخليج


:sad:

مرحبا



حد ممكن يساعدني ويرسل لي رقم سيلفي؟