بنااااااااااات الامارات .. قررت أقااااااااطع الاسواق .. !!

هلا والله اختي

الصراحه موضووووعج وااااايد حلو..,,,

وانا اايد هالافكار

وانا عندي خبره في قش الحنه ...

وتميت احني في صالون عمتي ...

وكان الكل يقول نقشي حلو .. وافتحي صالون

وانا افكر في هالشي ... ^_^

وانشاءالله بشاور ابوي وبنفتح صالون

..............

وانشاءالله نشوف اراء بنات المنتدى

وما نختلف يااارب


والسموحه

مشكووووووووووووووره الغاليه ع الرد ..

بصراحه واااااااااايد استانست من التفاعل ..

وحلوه فكرة نفش الحنا .. لو انتي من دبي انا اول وحده بييج :)

وجان في العين .. احسن شي تفتحين صالون وتفكين بنات العين من خط العين - دبي عسب الحنا .. وحليلهن تعبن :bigsmile:

الحينه بيهزبني بنات العين ..

والله البارحه كان خاطريه اتحنى ^_^ ..

ابدي المشرووووع والدعم منا ..

بنييج كلنا ان شاء الله ( بنات منتدى عروس ) .. وزهبي عمرج ^_^

والسموحه :)

والله شان زين ..انا بعد اعرف..ولا شي اعرف بس اروح المولات واتشرى...الغاليه انتي بتقطعين رزقي... هههه والله ياريت عندي موهبه..يالله معليه انتطلعن موهبكن وانا بفتح حضانه وبشتغل فيها اموت في اليهال..يالله بدل ما اتحطن عيالكم عند الشغالات انا مستعده اراعيهم وانتوا طلعوا مواهبكم ...هههه والله ما اتطنز من جد فكره حلوه ... بس اتغشمر لاني ما اعرف اسوي شي

الغاليه ليش صالون وخساره احنا انييت لين البيت وادق الباب بعد

همممممممممممممممم هيه والله صح .. ممكن تفتح لها ملحق في البيت .. وتبتدا تحني .. فكره حلوه ..!!

لا والله منو قاااااااااال انتي ما تعرفين شي ..

ابدي مشروووع الحضانه .. وكل يوووم صبح بنييب لج الياهال ..

و معاهم البشكاره بعد .. عسب يريحووونج اهم شي انهم يكوونون تحت نظرج ..

شو رااااااااااااايج ؟! ..

لاباس في الفكره والله :)

ومشكوره ع المرور ..

السلام عليكم ورحمة الله وبركاتة

عزيزتــــي الإمـــارات، موضوع رائع ومميز بصراحة

كل افكلرج حلوة ومفيدة، بس اللي شدني اكثر فكرة الحضانة.. .. .. فكرة ممتازة وخاصة لخريجات
الخدمة الإجتماعية وعلم والنفس .. يعني كم من وحدة يتشاركون ويبدون هالمشروع أحسة ان شاء الله بيكون مشروع ناجح 100(%.

خاصة وان بلاوي الشغالات كثرت والكل صار يخاف على عياله خاصة الموظفات.

يالله يالله شدوا الهمة والله يوفقكم ان شاء الله.. .. بس المهم انكون على تواصل وانعرف شو اتسوون و لي ويين وصلتوا

الله يوفق الجميع

مشكورة اختي وأنا بعد احب اشجع المواطنات على الشغل ما دامه شغل محترم والله يوفقكم

و الله نحن بحاجه للتشجيع
انا عن نفسي و الله احس عندي افكار كثيررررررررررررررره بس و الله ما في تشجيع و لو حبيت ابتدي اتراجع و اقول لا استحي و ما اتقبل فكرة اني ابدا مشروع

المجتمع عندنا ما يشجع هالشغلات وايد
و الحرريم الله يهديهم يحبون يشترون من عند الهندي علشان يفاصلونه بالسعر :)


ان شاء الله كلماتج تأثر فيني و تحمسني و تشوفوني تاجره عن قريب


اختكم
سحايب

تسلمين اختي الامارات
على موضوعك الحلو واقتراحك الرائع
وانا معاج
عمره الشغل ماكان عيب
العيب ان نعتمد على غيرنا في كل شي
ونكون عالة على اهالينا

وانا من المشجعات لفكرة العمل البيتي بانواعه
وحابة انني ابتدي
بس المشكلة ماعندي مجال محدد

النقطة اللي حبيت اثيرها في هذا الموضوع
اني حبيت اذكر البنات ان يراعون الله في شغلهم
لان الصراحة نلاحظ ان كثير من البنات اللي يشتغلون في البيوت
تكون اسعارهم غالية ومبالغ فيها حتى اغلى من المحلات التجارية
هذا مع انهم لا وراهم رخص تجارية لازم تجدد ولا ايجارات ولا اجور عمال
خاصة اللي يمكيجن واللي يفصلن عبي او يبيعن جلابيات

هاي الفئة تخلي الوحدة تفضل انها تسير السوق وتاخذ نفس الغرض بسعر ارخص

الله الله فينا يا بنات
ولا يكون ربحكم على حساب الاخرين

انا عندي افكار يديده واحب اطبق لكن موهبه مافي

يعني ماعرف اسوي شي بروحي

دوم اتمنى ان اسوي لي شغل حلو بروحي عشان اكون اول وحده في العايله جي ههههههههههه

السلام عليكم ورحمه الله وبركاته ..

فكره حلوه ..

وموضوع مهم جدا للنقاش ..

حبيبتي انا عندي افكار وايده .. بس المشكله شي واحد واللي هو المستحى ..

تستحين لانه مجتمعنا تحسين ينظر بظره ثانيه مادري .. كيف ..

وانا شخصيا وايد ردود يتني .. تحسسج بالتكبر ..

لدرجه انه وحده قالت لي انتي تبين بيزات ؟؟؟؟؟!!!!!!!

اذا تبين بيزات انا بعطيج ..:cry:

شوفي لاي درجه تحسسج انج انتي اقل منها ..

بصراحه هالموضوع وايد أثر في نفسيتيه ..

انا يوم ابيع مش لاني ناقصني شي ..

هليه الحمدلله مش مقصرين فيني ..

بس انا اريد احس اني مسؤوله عن عمري هذا كل الموضوع ..

اريد ابيع .. اتعامل مع الناس .. هذا كله يصقل الشخصيه ..

وبيفيدني وايد ..

وفي النهايه الشغل مش عيب ..

اشتغل بروحي ..

واحصل رزقي .. افضل لي من اي شي ..

وبكل صدق ماشي تشجيع .. خصوصا في المنتديات ..

تحسين محد يشجع حد ..

مع انه الاسعار معقوله وفي متناول الجميع ..

واسفه على الاطاله ..

واشكر صاحبه الموضوع لانها اتاحت لي الفرصه ..

عشان اطلع اللي في خاطريه ..

السمووووحه ..

ان شاء بحاااااااااااااااول ارد ع الكل :)

والله بصراحه موضوع حلو

يا ريت لو نشتري كل شيء من المواطنات

هلا اختي

موضوع رائع بصراحه ... اشكرج عليه

الكل يتمنى ان يكون للمرأه الاماراتيه دووور كبير بس للأسف مافي تشجيع

وانا عن نفسي الحمدالله بديت من فتره بمشروع العبايات والحمدالله شغلي ماشي ووايد اقبال عليه وان شاءالله قريب افتح لي محل :)

وكلمه اخيره حبيت اقولها لكل بنات الامارات

مب شرط الي يشتغل يكون محتاج و الشغل مافيه عيب بالعكس نقضي وقت الفراغ ونمي فيها مواهبنا ونعتمد على انفسنا ..

تحياتي لج

عني انا الحمدلله اخذ كل اللي اباه و ب زود بعد
بس في خاطريه انمي موهبتيه
وهي















المكيـــــــــــــــــــاج

يعني الحمدلله انا وحده حرييييييييفة مكياج
و الكل يقولي افتحيلج صالون
بس ما ظنتي ابويي او ريلي بيرظون !!!
مع انه الكل يقولي ما شا الله عليج مكياجج خبااااااااااااااال
و كل ما احظر عرس او مناسبة الكل يسالني وين متعدلة ؟؟؟؟
و يتفاجئون يوم اخبرهم اني روحي متمكيجة
بس مشكلتي مش اي وحدة اقدر اتفنن فيها !!
يعني ابدع صح ف ويهي و خواتي !!

الحمد الله ............... بدينا نشتغل.......... احنا أقصد me and my family بدينا أول خطوة نحو المشروع.................. بخليه مفاجأة لكم لما كل شي يجهز............... الوالدة و أختي العوده ينفذون........... وأختي الصغيرة عليها تصميم الموقع وما الشعار و الاعلانلت................. و أنا بما اني ما أعرف أسوي شي بايدي، أخلص اجراءات و أسوي marketing و المفروض أسوي sourcing للمواد.................. (لازم أتفلسف شوي عشان أحس اني بزنس وومن (r)) ............. الله يوفقنا و نستمر..........


حبيت أخبركم......... انا احنا رحنا لمجلس سيدات أعمال أبوظبي في الغرفة و أخذنا الطلب لبرنامج مبدعة........... برنامج يدعم المواطنات للعمل من المنزل......... والله اللي استقبلتنا كانت أكثر من رائعة............ وتصدقين انهم يخلصونلج كل اجراءات الغرفة و البلدية و يعطون دورات و ندوات لتطوير المهارات............ بأسعار رمزية

و أكثر شي عيبني انهم في معرض رمضان و العيد عطوا المشاركات ستاندات في المعرض يعرضون بضاعتهم مجانا..........

انشا الله اذا خلصت الأوراق و الاجراءات بخبركم بكل الأشياء المطلوبة و الخطوات...............

على فكرة أنا أعرف أمكيج واااااااااااايد أوكي........... بس أحس اني ما أقدر أشتغل في هالمجال........ عقد...............:ss:

مع اني أتشجع شوي يوم أشوف المواطنات اللي يمكيجن............ بس بعدني ما أقدر.............


ادعولنا

الشغل عمره ماكان عيب بالعكش اشغالنا نحن المواطنات اكيد انضف و موثوق به اكثر من المحلات ما ادري من وين يايبين البضاعه و امسوينهم من ورى الخاطر و الشغل لو كان من ايد مواطنه اتحسين به ابراحه اكثر من شغل الاجانب،،

و ابصراحه انا عندي مواهب كثيره منها اني احب ابدع في الباوربوينت و هالموضوع عرضته في المنتدى و احب اني أغلف هدايا ابطريقه حلوه و اكيد في اشياء كثيره بس مب افبالي حالياً ،،


حلو ان الانسان يتعلم و بتعلم الى ان يبتدي هو في شغله و يمشي نفسه ابنفسه ،،

كل الشكر لج اختي موضوعج حلووو وايد و احب اني اقول لكل بنت تستحي اقولها ترى المستحى ما يفيد هالأيام و ماراح تمشين الا و بينقصج شي بالعكس حذفي المستحى من حياتج و شوفي دربج و الحق حق،،

و ربي يوفق الجميع،،

يزاااج الله خير بس نقدر نستعين بالناااس لكن ما نقدر نعتمد عليهن اعتماد كلي شرااات الاسواق

والله الموضوع متشعب باقولكم تجربتي وتجارب ناس وياي اوكي بسم الله
اول شيء حبيت افتح صالون بس الي حصل انه امي جربت يلست في الصالون يعني اجابل الحريم الي يشتغلون يعني مراقبة بس طلعت من الصالون
اقولكم ليش؟ شوفوا كل شيء فيه سلبيات وايجابيات ومافي شغله ما فيها مشاكل وفوايد بس الصراحة هي مسؤولية كبيرة
ليش طلعت لانه مشاكلهم ما اتخلص وفي زبونات راعيات مشاكل وعلى اقل شيء يسوين مشاكل
وغير مشاكل العاملات لانه وحده مادري شوفيها والثانية عندها مشاكل والثالثه تبى تتزوج يعني الصراحة دخت يوم قالتلي المشاكل الي واجهتها ولا بعد اذا وحده ما عيبها الشغل واتعرفة على واحد من جنسيتها تشرد وياه والله بعدين تعالي شوفي المشاكل الي ما اتخلص
فترددت وقلت ليش ما افتح واخلي وحده اتراقبهم قالي ريلي منو هاي الي بتراقبهم وبتكون امينه في نفس الوقت يعني بالمختصر المفيد وين ايب وحده اثق فيها لهاي الشغله للاسف ما اعرف حد مستعد ايكون عنده استعداد لهاي الوظيفة
اوكي قلت باسير اتعلم احني لاني كنت اعرف احني بس في وحده من اهلنا سارت اشتغلت في صالون وكانت اتحني عرايس ما شاء الله عليها بس شو سوو فيها قاموا يعطونها معاش تعبان مال اي كلام لان صاحبة الصالون هندية تبا كل شيء على كيفها حرام يعني هي اتحني عرايس ويعطونها معاش تعبان قالت احسلي ايلس في البيت بدل التعب الي على الفاضي

وقلت خل اتعامل وي وحدة اطرش من الكويت بضاعتها وابيعها انا واخذ ارباحي انزين اوكي قام ريلي سوالي احباط لانه قالي اذا ما عجبتهم البضاعه انتي كل شيء بيطيح على راسج لان في فرق بين وحده فاتحة محل وبين وحده اتبيع من البيت ولا بعد السلعة من برع البلاد اي مشكلة قانونية انتي مب تقدرين تثبتين حقوقج لان لا مالج السلعة ولا فاتحة محل خاصة فيج
وغير نظرت الاهل الي ايحسسون الواحد يالس ايسوي شيء غلط ويعايرون الواحد
والله حاله بعدين سرت معهد عشان اصقل موهبتي اتخيلوا اني اكتشفت انهم كانوا يسرقون اعمال الطلاب ويحطونها بسمهم اتخيلوا الصدمه كيف شليت اعمالي وسحبت عمري بعد سنين من المعاناه في هذا المعهد وتعبي راح على الفاضي لا اقدر ابيع اعمالي لانها شبه مكتمله كدسيتهم عندي
وغير الهوايات الباجية الي دفنتها بسبب انشغالي بالاطفال والدراسة وشغل البيت حاليا ادور وقت امارس هواياتي مب امحصله وقت
بس عندي وايد افكار حلوه حابه اعطيها لحد يستفيد منها
وفكرة انه احسن شيء ادرس فنون جميلة لانه هذا هو ميولي واطلع مدرسة رسم او شيء قريب من هذا
لان من وجهة نظري ما في شيء احسن من الدخل الثابت وبعدين الواحد ايمارس هواياته المختلفة
عشان الدخل الثابت ايخلي الواحد يدخل في مشارع حلوه يستفيد منها حتى لو ما استفاد منها ماديا على الاقل يستفيد خبره صح ويكون عنده راس المال صح مب واحد ما عنده راس المال يدخل مشروع وبعدين يخسر وين بيب تغطية خسارته صح
بس الحضانة فكرة رهييييييييييييييييييييييييييبة
وتصميم ملابس بعد رهيييييييييييييييييييييب
بس الاسعار فعلا اسعار وايد خيالية انا اشوف السوق ارحم ابوايد
وفكرة المكياج بعد حلوه يالاعضاء الله ايسر اموركم
بس مثل هاي الامور يبالها وقت من مخ الواحد ليش ؟لانه شغله ابداعية مب مثل الشغل في الدوائر الحكومية او الخاصة فالواحد ايكون باله مشغول دايما لانها شغله ابداعية مالها وقت معين يمكن الواحد اتيه الفكرة وهو راقد او هو بين الناس لانه خلاص يتبرمج مخة على هذا الشيء لا تستهينون بالمبدعين كلهم يعانون وانا حاسه فيهم لاني منهم ولازم انقدر تعبهم لان اغلبية الفنون اتكون يدوية متعبة والواحد ايقضي ساعات عشان ايطلع شيء حلو
والله ايسهل عليكم واسمحولي طولت عليكم بس حبيت اوضح فكرتي وكل واحد وخبرته بس انا ما اعمم تجربتي على الكل هاي التجارب جزء صغير من هذا المجتمع