قصة ولادة عيديتي (تــــــــــــالا)!!!

أولا..وش رايكم باسم بنوتتي...؟؟؟




ثانيا...انا ادعي لكل وحدة حامل ربي يسهل عليها ..و يتمم عليها بخير و سلامة يا رب...و تقوم بالسلامة..هي و البيبي سليمين معافين يا رب العالمين..

أكثروا يا بنات من سماع القرآن..و كذلك الأدعية خصوصا دعاء الكرب اذا اشتد عليك الطلق.....لا تنسونها..والله ربي ما يخلي من يتوكل عليه..





ثالثا..

قولكم قصة ولادة (تــــــالا) ..
طبعا انا ولدتها يوم العيد...بس البداية كانت من ليلة عرفة حسيت بشي غريب و ثقيل بصدري و ضيق تنفس و ثقل لدرجة ماكنت اقدر أجلس ربع ساعة على بعضها مرتااحة..
و كنت أغير جلستي كثير و امشي و برضه يزيد عندي ضيق الصدر و صعوبة التنفس...
حتى ان زوجي يسأل عني و كنت اقوله اني حاسة بشئ غريب و الآم ماكنت عارفة السبب ...مع اني توني بمنتصف الشهر التاسع...
مرت ليلة عرفة بسلام لحد ما جاء الظهر ..بدت فيني الآم زي الدورة من بطني من تحت...
قلت يمكن داخلني برد....و لبست ثقيل و دفيت نفسي و كنت أمشي بصعوبة كل ما جتني الآم..

بس بصراحة مستبعدة تماما انها ولادة..لأني زي ماقلت لكم الدكتورة محددة لي انه باقي بعد اسبوعين...


بعد العشاء حبيت أغير جو لأن نفسيتي تعبت و تكدرت ...حبيت أنسى الألم ولا أفكر بالولادة..قلت لزوجي أبي أطلع و أمشي..و من يوم ركبت السيارة اشتدت الآلام و زاد ضيق التنفس..
بس كنت ساكتة ...و لما مشيت كانت تشتد الالآم أكثر و كنت أوقف و اضغط على يد زوجي و هو ماسكني ..و اتألم..
رجعنا البيت و شفت الله يكرمكم نقطتين دم ..خفت و بديت أتألم أكثر...والله يا بنات ما كنت أقدر اجلس ...واذا جلست وقفت ..و اذا وقفت ماقدرت..كل شئ صعب عليك تسوينه لما تجيك الطلقة...
بديت أدعي..زوجي يسألني هي ولادة والا لأ.؟؟؟اقوله ماادري ..كنت أبي أصبر..راح ينام..وانا والله مادخلت غرفتي و ظليت طول الليل أسمع قرآن و أتألم...يالله شئ فظيع..الالام الطلق جدا مؤلمة...
قام زوجي لصلاة الفجر..وانا برضه على حالتي..جلسنا سوا و كنت اضغط على ايديه كل ماحسيت بالطلقة..راح زوجي عشان يعيد و يذبح ضحية العيد..بس ( تـــالا) ماعطت أبوها فرصة...
بمجرد ما طلع بعد نصف ساعة..الله يكرمكم بدت معي افرازات و دم ...و اتصلت على طول...جاء ياخذني المستشفى...طبعا الآلام تزيد و مااقدر امشي ...و كانت تجيني رجفة فظيعة بالفخذين...ياربيى مااحب اتذكرها...
أول مرة أشوف شوارع الرياض فاضية..كانوا الناس بالعيد...و زوجي يسرع بالقيادة..
طبعا لما وصلت المستشفى ..ربطوا على بطني جهاز قياس الطلق و نبضات الجنينن..كانت تزيد و نبض الطفل يزيد...وزوجي معي..
عطوني ابر ماادري وش سالفتها..و عطوني ابرة تخفف الم الطلق..و بصراحة من شدة الي شفته..
كنت بقوم من السرير..و أقول للممرضة خلالالالالاص ماابي أولد...خلوها في بطني...
ما أبي أطلعها...و هي تهديني ...و تحاكيني عن البيبي...
لما دخلت غرفة اللولادة كنت منتهية خلالالالالالالالالالالاص و تعبانة من الطلق..كانوا يقولون لي أدفعي البيبي..وانا مااقدر طاقتي ضعفت و صار يغمى علي..يعطوني اوكسجين..و كل مرة أحاول ادفع..
لحد ما طلع راس البيبي..تالا....ذيك اللحظة حسيت اني بعالم ثاني ماادري هلى انا بالحياة او لا...و بسرعة طلعت كلها ..سمعتها تبكي..يااااااااه شعور ماتتخيلونه..
عطوني اياهاا بحضني على طول..ماحبيتها ولا أشتهيت اشوفها ..و كرهتها...و قلت شيلوها...لما اخذوها صرت اتابعها بعيوني..و خفت عليها..حسيت اني احبها.. بس شكلها بعد الطلق كان جدا مرعب..
كانت زرقاء و متورمة و متفخة ..
بعدين خيطوني..و طلعوني من الغرفة..و لقيت زوجي ينتظرني..و الحمد لله الف حمد و شكر لك يا رب..