حركة الجنين لكل حامل( بمشاركة جميع العضوات)

بالنسبه لي يا قلبي انا باخر الخامس تقريبا وأمس اللي حسيت بحركه خفيفه بس ماادري يمكن يتهيألي او عباره عن غازات
بس اتصدقين اناحالتي نفس اللي وصفتيه تقريبا صايره الحركه على جنب عند الخاصره تقريبا ( يعني يعطيني طقتين خفاف ويهدء) وتوضح عندي الحركه اكثر لمن انام على ظهري بس اتصدقين للحين اشك انه غازات مو حركه جنين ، بس انا دايما اسمع من تجارب اخاوتي ان حركه الجنين اذا كثرت وتركزت على الجانبين فهي دلاله انها بنت واذا كانت الحركه نوعا ما قليله وصارت بأسفل الرحم فهذا اشاره انه المولود ولد والله اعلم
بس ماقلتيلي انتي الحين باي شهر ؟

السلام عليكم ورحمه الله وبركاته....

انا الصراحه احس بحركه الجنين قويه يوم كنت بالسابع والحين قلت شوي بس احس فيها بأسفل البطن اذا كنت نايمه على ظهري واذا كنت نايمه على احد الاجناب احس بركله بالجنب اللي نايمه عليه الظاهر اني اضايقه :) مسكين

وقالي الدكتور ان فيج ولد الله يسهل علينا جميعا انشالله
حدي ولهانه اشوفه بس خايفه من الولاده

نفس الحكاية انا البيبي تبعي على اليمين دائما
والحركات حسيت بها من بداية الشهر السادس لين الحين ماشاء الله تبارك الله نشيط و احســـــاس رائـــــــع

انا بعدني ماسيت بحركت الياهل ........................

حتى انا بالخامس ومااحس بحركه الجنين

ادعولي ان شاء الله خير

هلا عضوات المنتدى

آنا الحين في نهاية الشهر 6

الله يتمم لكم على خيررررررررررر

وأتمنى نسمع عن حركات الجنين من كل العضوات

ننتظر التفاعل في الموضوع

موضوع حلو ..يعيطج العافيه اختي

وانا باقولكم حسب حملي الاول لاني الحين توني دخلت الرابع ...

في حملي الاول كنت كل شهر الحركة تنتقل من مكان لاخر مرة فوق ومرة تحت ومرة على الجنبين ..فاعتقد لان البيبي اصلا يدور في بطن امه ..بس يقولون اذا حركة البيبي قوية يعني ولد واذا خفيفة يعني بنت بس اللي اشوفه ان بنتي ماشاء الله عليها كانت تتحرك وبحركات واضحة يعني اللي قاعد قدامي ممكن يشوف حركاتها واضحة على بطني .

فجنس الجنين ما يتدخل في نوع الحركة

انا لما كنت حامل تحرك البيبي في نهاية الخامس ..

بس كنت اعاني من مشكله ان البيبي كانت حركته خفيفة .. وساعات ما يتحرك لايام .. وكنت لما اروح المستشفى يحطوني تحت الملاحظة يومين او ثلاثة بعد ما يطمنوا على نبضات قلبه .. وفي استشاري خاص قال لي مرة ان في احتمال يكون في تشوه في الجنين وخلاني انا وزوجي على اعصابنا لحين الولاده..
والحمد لله جبت ولد مثل القمر .. وشكله يعوض عن ايام اللي هي بطني .. صاير حررررررررررررررركي بشكل.

انا الحين بالشهر الخامس بدايته حسيت حركه الجنين مره وحده شئ زي النبض بس بعد كذا ماحسيت بشئ والله يسهل علي وعليكم

أنا حامل في شهر الرابع والى ما الحين ما حسيت بحركته بس إذا أرقد على ظهر عندي ثقل في أسفل البطن يتركز هناك دائماً .....

أن شاء الله يتحرك وأخبركم .....

أنشاء الله

تعرفون آناا ناس وايد من عيلتي تقول أدا الجنين يتحرك فيي أسفل البطن دائما ولا يرتفع يكون ولد وأدا حركته وايد وقوية وترتفع فوق دا يعني أن الجنين بنت وأدا كانت تتركز في مكان واحد وترتفع مثل الكرة على جهة وحدة بعد هم بنت

وولادة البنت أسهل من ولادة الولد حيث تكون صعبة ويجي الطلق على دفعة واحدة أما البنت فتجي فترة وتووقف وترد ترجع إلى ما تولد الحامل

آنا خاطري أعرف شنو فيني وعندي أحساس أن فيني بنت
بس خاطري أتأكد وأجهز أغراض المولود

وألي يبي مني شكل من أشكال حلاوة المولود يخبرني لأن عندي أشكال وايد حلوووة

ننتظر الرد

انا من ايام دخلت السادي و حاسه بالحركه تقريبا من اول الخامس و لله الحمد

قالوا لي ولد و الله أعلم

بس الحركه كثيره و خصوصا اول الصبح و اخر الليل
و احيانا و انا بالدوام احس بالجوانب حركه مثل رفسات و احيانا احسه يبي يتجمع بجانب واحد بس ما في مكان بطني صغير :)


حملي الاول ببنتي ما حسيت بالحركه الا من السادس
بس هالمره الحركه كانت اسرع

و حركة البنت كنت احسها اعنف من الولد

و كلهم حلوين

ادعوا لنا بالسهاله

انا الحين في بداية الخامس ومن اول الخامس تقريبا حسيت بحركة الجنين على شكل تجمع مثل الكوره الصغيره على الجنب اليمين في اسفل البطن
احســـــاس رااااااائع حسيت فيه مرتين على التوالي في نفس اليوم

هلا بيكم من جديد

كتكوته نايمة _ سحايب دبي

هل دا التجمع من جهة واحد يأكد ان الجنين بنت لو لااا

أمي تقول ان التجمع دا ما تعمله ألا البنت

الله اعلم بدالك
أول ما آخذ الفحص ويتبين لي جنس المولود بخبركم

وياليت أحد يعطينا من خبرته كيف كانت حركة الجنين وجنسه

على العموووم مشكورين على الطلة الحلوووووة من جديد

لكم تحياتي

انا حامل في بداية السادس بس الحمد لله حسيت بحركة الجنين في نهاية الرابع كان البيبي يتجمع في مكان واحد ويجيني الم خفيف وبعدين يبدا يتحرك في كامل البطن مره تحت ومره فوق ومره على الجانبين بس شعور حلو انه يتحرك ارتاح نفسيا
سويت صوره وقالت انه بنت بس مب اكيده لانه كانت عند السره ومب واضح وقالت ما فيه علامه او دليل انه ولد
بنت او ولد نعمه من الله وكلهم حلوين

هلا بنات
أنا حامل وبنهاية الشهر السادس
بالنسبة لي حسيت بحركة البيبي في آخر الرابع بس ماكنت أدري ان هاذي هي حركته
بس بالخامس بدت توضح لي أكثر بس مقارنة بالسادس كانت خفيفة،،الحين رفس وضرب وكأنه يلعب كرة قدم
وماكو أوقات محددة،،أحيانا بالليل،،احيان الصبح
تدرون أن البيبي مصحصح على الآخر وأنا قاعدة أرد على الموضوع،،وكأنه يحس أنا قاعدين نتكلم عنه
بس والله حركة البيبي إحساس حلو ويعطي الأم أمل بأن الطفل بخير

أنا في الخامس حسيت بحركة مثل النبض-حتى كنت أقول لأمي أحس مثل الأفعى في بطني:dd:
بس من دخلت السادس ما شاء الله الترفيس ما عند حد حتى مرات إللي جدامي يشوفوا الرفسه-ما شاء الله عليه-طبعا أنا للحين ما اعرف شو في بطني(اليوم دخلت السابع)أقول ما باقي شي خلني أصبر و يوم بولد بعرف شو في بطني(مفاجأه)..

الحمد لله صار للبيبي يتحرك في بطني تقريباً أسبوع في بداية شكيت بس عرف أن البيبي وهي حركته ... تشبه حركته تحرك سمكه في ماء .. واااايد حلوووووة الرفة هذه ... قبال ما أحس برفسات القوية ... حتى يتحسسها زوجي .....

السلام عليكم
انا في شهري الاخير وفيني بنت والحركة قلة عن قبل وحركة البنت تكون في جهه وحده وتكون غير عن حركة الولد

بس الله يسهل علينه وعليكم انشاء الله