حسبي الله ونعم والوكيل ....المبالغة في الأسعار...

السلام عليكن بنات ....
انا اكتب هذا الموضوع وصدق قلبي يعورني من الى اشوفه ...بسال البنات الي يعرضن بضاعه في هذا المنتدى ...انتن تبن صدق اتنفعن البنات والى قاصات عليهن..انا ما اطري الكل ...اتكلم عن البعض الي بصراحه بيالغن بالاسعار بصوره رهيبه وفوق التصور...
بصراحه انا من امريكا واعتقد انكن اتعرفن ,...وكل ما اشوف موضوع عن بضاعه من امريكا ادخل واشوف عن شو ... بصراحه مب اسعار ..وبتكلم عن بعض اللضاعات والباقي اكثر...
.انا شريت صواني الكيك بكل احجامها واباختلاف اشكالها ومنها الثقيل والخفيف والكبير والصغير والوالب المفتوحه والبلاستيك وقوالب كيكيه الشطرنج وغيره وغيره...وعمره وعمره السعر ما تجاوز 25 دلار يعني بالكثير 100 درهم يعني الفلوس الزايده معقوله شحن وعموله ...حرام عموله اكثر من 100 درهم ...ياناس حرام ...
وبعد قمصان النوم التنكريه حشه مب اسعار انا احيد المكان الي ينشرى منه هذي الاشياء وايد رخيص ومع ذلك سرت المحل وشفت الموديلات الى موجوده في المنتدى موجوده اهناك ونفسها لاكن السعر ارخص بوايد من الي معروض بتقولوا الشحن انزين الشحن اكثر من 200 درهم ياناس الموديلات ما تتجاوز 30 دولار واذا مره راقي وغالي كان 40 دولار...كيف يوصل السعر 250 و300 درهم والسعر الاصلي يالله يوصل 100 درهم....
يمكن المكان الي انتن تشترن منه غالي بس بعد مايوصل لهذا السعر...ياناس خافن الله حرااااااااااااااااااام هذا كله اسمه استغفال ومقصه على خلق الله ...من غشنا فيس منا ...
وبعد ماركته فكتوريا سيكرت ...اللوشنات والبديهات والعطور مال 8 ملم ماتوصل بالسعر هذا انتن ادخلن على موقهم وشوفو الفرق في السعر...بصراحه مبالغ فيه ولا ازيدكم من الشعر بيت الحين فكتوريا مسوي خصم اكثر عن 80 بالميه على بعض المنتوجات منها كريمات الاساس والبودره والعطور وغيره وغيره ....
انا ما كتبت هذا الكلام علشان اييب مشاكل على عمري ...بس اخاف الله والساكت عن الحق شيطان اخرس ...وانا مب خرسه ....
وصدق مستعده كل ما اشوف بضاعه من امريكا بصراحه بقارن بالاسعار ولا تستبعدوان اني اتكلم مره ثانيه لو شو ما قلتوا...قلتلكم انا مب خرسه ...
وبعد اقول انا ما اريد استوي تاجره يمكن البعض يحسب اني اسحب زباين علشان يطلببون منى لا والله انا مب فاضيه يالله يالله افضي لعمري وعيالي ...بس انا وحده اقدر بنات هذا المنتدى واحترمهم وما احب احد يقص عليهم ....وبس
الي عنده رد يرد ...
( فيقل خيرا او ليصمت )
مع السلامه