الخبيرة في البويات تجي

ايه حبيبتي جربي العازل ممتااااااااااااااز للبوية اذا تقشرت وحتى شكله بيصير حلو لأن هذي المشكلة تصير بسبب ضعف بالبناء ويدخلها مويه على طول عشان كذا يسبب التقشر

توكلي على الله وجربي العازل وبتدعين لي :)

وشو ذا العازل؟
لايكون قصدك الاطار الجبسي بس انا اخاف انها في كل الجدر يعني راح تتقشر من فوق الاطار
ابغى حل يعني قبل ماحط الاطار واظرب البويه هلى فيه طريقه اسويها عشان اتجنب التقشير
تراني دعيت لك منغير ماجرب كخخخخخخخ
الله يجزاك بالجنه

حبيبتي اقصد العازل نفس وصفك اللي كنه سيراميك ويتركب بالسقف

انتي حطيه عشان مايطيح عليكم البوية

مادري اذا كذا مشكلتك والا لا ؟؟

البوية تطيح عليكم من فوق والا من وين بالضبط عشان اقول لك الحل

لا تطيح من تحت
واذا طاح الي تحت تكبر الفتحه وتصعد شوي شوي
ان شالله فهمتيني
اشكر لك حسن تعاونك

والله مافهمتك :(:( شلون تطيح من تحت الجاذبية الارضية من فوق لتحت مو من تحت لفوق ههههههههه

معليش غثيتك بس ياليت توضحين لي اكثر وتذكرين لي المكان اللي يطيح من مثلا سقف والا جدار والا ايش ؟

ههههههههههههههههههههههههههههههههههههه الله يسعدك والله انا اللي تعبتك
لا المشكله بالجدر مهوب سقف
انا اقصد بالايطارات الجبسيه الي تقسم الجدر لنصين مثلا اذا حبيت اصبغ نص لون والنص الثاني بلون مهوب لازم احط اطار يفصل اللونين هذا الي قصدته
انا اقول الا طارا هذا انا اسويه من اسفل يعني ببدايه الجدر انتي عارفه السيرميك لمن يسوونه مو لازم ينحط معه حواف عالجدر
ياليتني اذكر اسمها كان ماتعتبتك
انا اسويه لاني اذا حطيته بيجي مكان البويه المتقشره واظرب بويه جديده عليه طبعا الجبس ماراح يطيح اذا العيب بمويه بالجدر ولا شي
بس انا اخاف ان الجدر كله تعبان من تحت لفوق اذا غطيت من تحت راح تطلع التقشرات
بدور صوره له واجي

شايفه الاطار الي على الجدر من تحت هو الي اقصد ابي اسويه

ومكانه هو الي فيه التقشرات
يارب يارب اكون وصلت المعلومه السلام عليكم ورحمة الله وبركاته
http://go.3roos.com/5hoLY6RvQZv

أتعرفين اختي ها المشكلة معناتها ان في بيب ماي خربان علشان جي دوم يتقشر لازم اول شي اتصلحين البيب اللي في الجدار بعدين اتفكرين كيف اتعدلين لان استواي ها الشي و طلع في بيب خربان في الجدار

حبيبتي قصدك مثلا الاطارات اللي تجي على الجدار من جوا لونها يختلف عن لون الجدار ؟؟

صورت لك بيتي والحين بوريك اذا نفس قصدي والا لا

يؤؤؤؤؤؤؤؤؤؤؤؤؤؤؤؤؤؤؤؤؤؤؤ
يعني الشغله يببي لها تكسير جدران صعبه لانها في كل البيت انتشرت وليست في غرفه وحه
اول مابدات انا شكيت انها مويه بس انتشارها اكد انه ليس مواصير المويه مش معقوله في كل جدر موجوده هذا والله البلشه
طيب انتي كيف ابتدات معك احكي لي القصه عشان تواسيني كخخخخخخخخخ
اشكرك اختي على الرد

ايييييييييييييييييييه فهمت الحين >>>>>>>>> عقب ماصورت بيتها ههههههههههه

اسمعي اكيد السالفة فيها موية وحلوة الفكرة اللي قلتيها تنفع بهالمواقف ومنها الديكور بيطلع روعة

وان شاء الله بسأل لك زوجي عن البوية اذا انعادت صبغتها بيطيح التقشر والا لا وبسأله وش الحل لأنه خبير بهالامور

ياحبي لك والله
الله يسعدك دوم
بس ماهقيت انها مويه ياختي الجدارن كلها يعني بداخلها مويه عجيبه طيب ليش الشقق الثانية الي بالعمارة ماتجيهم مثلي
ا انا بانتظارك اختي

هلا حبيبتي سألت زوجي والواضح من كلامك ان الشقة اجار يعني مو ملك

عشان كذا زوجي عطاني كذا سبب وله الحل

السبب يمكن يكون اثناء البناء عقب مابنوا رشوا البلك مويه الين تشبع بعدين يوم ليصوا رشوه بموية وماصبروا عليه شهر او شهرين الين ينشف شكلهم دهنوه بويا بعد اسبوع من التلييص عشان كذا الموية مانشفت

الحل واحد من الاثنين وبقول لك الافضل

الحل الاول : تصبرون شهرين الين تنشف الموية بعدها تجيبون واحد يسوي صنفرة للمكان المقشوع بعدين يحط عليه كريلك بعدين يدهنه وجه اول بلون ابيض بعدين يدهنه وجه ثاني على حسب اللون اللي تبونه طبعا لازم ينصبغ المكان كله عشان مايصير فيه فرق
هذا الخيار رح يكلفك لأن برميل الكريلك بيكلف 300 وشوفوا عاد كم تحتاجون من برميل للبيت كله

الحل الثاني : تروحون لأقرب نجار وتختارون نوعية خشب سنديان او غيره واللون اللي يعجبكم وتحطونه بالمكان المقشر نفس حركة الجبص اللي بالصورة اللي قلتي عليها ومارح يكلفكم غير 300 ريال فقط للبيت كله وهذا افضل حل اذا كنتم مستأجرين

طبعا الحل الثاني هو افضل

وشو ذا الكريلك؟؟
شكرا لك اختي

العفوا حبيبتي هذا ينحط بعد صنفرة الجدار طبعا انتي ماعليك اتبعي الخطوات واكيد العمال يعرفون شغلهم زين

شكرا ياوخيتي...تعبتك معي

العفوا يالغالية

ابد تعبك راحه

أختي العزيزة توته الدبه

أتمنى أنك قد توصلت لحل لمشكلتك

بس طبعاً لازم تعرفي السبب بالضبط عشان تعالجين المشكله

يعني يمكن التقشر إللي يحصل في البويه بسب التكلس والأملاح

أو أن الحائط ما نعمل له تهيئة قبل الصبغ خصوصاً المعاجين والأساس إللي توضع قبل الصبغ

أو يمكن بسبب نوعية الصبغ نفسه كأن يكون من جودة أقل

وهذا يحصل عادة في الشقق الأيجار لإنخفاض تكلفته على المؤجر

أما الماء والرطوبه فرغم تأثيرها الكبير ولكنها عندما تحدث تكون المشكله واضحة

لأنه قبل وصول الصبغ لمرحلة التقشر أكيد راح تلاحظين وجود بقع رطبه على الحائط

عموماً أتمنى أن تجدين حل جذري ونهائي لمشكلتك

حتى لا تتظرين لمعالجة الحائط في كل مره


تحياتي

اتمنى ان البنات افادوك