أبى منكم خدمة .. الله يخليكم

اهلا اختي اجنادين

اذا سبق لك وجربتي الحف للوجه كامل و طلع لك حبوب فالافضل ان لا تعيديها مرة ثانيه

يمكن نوع بشرتك ما يناسبها الحف و علشان جذي تحبب

في حد لما يحف ما يطلع له و ذالك على حسب البشرة

و لكن اذا عندج الشعر مب وايد تقدرين تستخدمين التشقيير
و اذا كان وايد ليش ما تسويين ليزر بيخلصج من المشكله

مشكوره اختى الوصيفه ... علي ردج الوافى ...


ويمكن مثل ما قلتى بشرتى وايد حساسه وتحسس من ادنى شى ...وانا مانى عارفه شو اسوى ...لان الشعر في ويهى ايبين ولو سويت له تشقير راح يبين ... لان اللون الاصفر بيكون اصفر وبيلفت النظر ... يعنى ما عندى طريقه غير الليزر .. وان شاء الله خير


اختج اجنادين ....

وعليكم السلام والرحمه

انا اختي اول مره حفت وجهها طلع لها حب كثييييييييير حتى انها تعقدت
وقالت آخر مره بس ما قدرت وراحت تحفه مره ثانيه وقالت للي تحف لها
مشكلتها مع الحب انه يطلع لها فسألتها اذا كانت تشيله بالخيط او بالحلاوه
اختي كانت تشيله بالخيط وكان حتى اثر خطوط الخيط تبين وقالت لها لا تحفه بالخيط وحفت لها بالحلاوه وقالت لها اذا رجعت البيت تمسحه بحليب
ابو علم مثل(ابو قوس )وبعدين ببياض بيض وسوت اختي اللي قالته لها والحمد لله
ما طلع لها حب

اختي اجنادين اتمنى اني افدتك :o

تحياتي احلى ملاك

هلااختى احلا ملاك

انا كله احف بالخيط ... لانه قالولى ان الخيط احسن من الحلاووه هذا بالنسبه للويه .. وعشان جيه انا احفه بالخيط .. بس كله يطلع لى حبوب ويحمر ويهى بعد الحف .... وقالولى احطى روب لانه يمنع ظهور الحبوب بس النتيجه كانت عكسيه ... وما اتخلصت من الحبوب


بس راح اسوى مثل ما قلتى واحفه بالحلاوه وبعدين احطى عيه الحليب وبيااض البيض .. وان شاء الله خير ... واذا النتيجه كان اوكى راح اعطيج الحلاوووه:D


ومشكوره اختى علي الافاده ... وجزاج الله خير

اختج اجنادين

إستخدمي الثلج :مرري الثلج على وجهك كثير وصفت لهم هاي الوصفه والحمدلله نفعت معاهم......على العموم ذي الوصفه مجربه مع الخيط والحلاوه أضرارهاكثيروتستخدم للانف بعد الخيط لإزالةالجلدالميت وللذقن....

الاخت العزيزة :
اول اشي انا عضوه جديده انشالله تقبلوني
تانيا انا ما عرفت شو يعني حف

بس قدرت اني اوصل للنقطة

المهم انا بدي احكيلك اني كنت اعاني من مشكله الشعر على الوجه و وجهي من النوع الحساس جدا سواء بالحلاوة او الخيط و كنت اعاني كتير كتير و تطلع حبوب و وكأني طالعة من حرب او حد معطيني قتله

المهم جربت كل اشي و مانفع الا اخر اشي قررت اسوي ليزر

ما اكذب عليكي اختي بس عنجد حسيت ب تحسن ملحوظ بعد اول جلسة
كل الهموم انتهت ووجهي هلأ كتير احسن و الكل لاحظ التغير الجذري حتى انا بعد ما كنت اعاني وكل وقتي ضايع وانا اشيل الشعر من وجهي
بس هلأ الحمد لله ما بحتاج اسوي اي اشي

:up:

يابنات حاولوا انكم ماتكثرون من استعمال الحلاوة للوجه

يعني للمناسبات الكبيرة والضرورية

لأنه بيرهل الجلد بسرعة

تخيلي شابو ووجهك مرهل.....،حتى التشقير ابعدوا عنه نهائي يخشن الشعر ويكثره

احسن شي بنظري حاجة عند السودانين اسمها مشقرة ((ماتطلع حبوب ولاترهل الجلد...بس الألم فيها..واواواواواو))

وبعد المشقرة حطي قشطة باااااااردة على الوجه الى ان تنشف

وبــــــــس