موضوووع حلوو شو التغير الي صارلج بجسمج وانتي حامل الحين ؟ كلف! اسمرار ! بياض! نعومه!

دنيا الوله : مرحبا إختي ، من ناحية التغيرات هههههه حدث ولا حرج ..
بالنسبه لي ، من ناحية الوحام ماحبيت شي معين ، بس كنت أحب الحامض اكثر شي والحلو بعد (^)، وكرهت المشاوي ، وعطرين ..

أما عن الاسمرار : طبعا رقبتي سمرت ، والتشققات طلعت لي في السابع في بطني و وروكي :sad:، شعري ماقام يتساقط ، طبعا هذا من الحديد ، وشعر جسمي خف:up: .. عامة اسمريت..

أما التاسع : طبعا التاسع غيــــــــــــــــــــــــــــــــــــــــــــــــــر:no:
خشمي انتفخ :think:، وشكلي صاير مأساه ، وشاحب ، وطلعت لي حساسيه في جسمي كله والحكه مب مخليتني أنام كلش إلا ساعه ساعتين في اليوم .. :cry:
ومن يومين آحس بتنميل في صبعي ( يقولون أملاح ) ..
يعني بالعربي آحس كل الأعراض تزيد في التاسع ،خلااااااص آحس جسمي مب متقبل البيبي ياااااربي متى آآربي ..

حلو الموضوع خل نستفيد من بعض

انا عن نفسي مخلصه الخامس الحين

بالنسبه للوحم ماتوحمت على شي معين بس حبيت اكثر الموالح و الحوامض و الحار

لون جسمي ماتغير هذا هو اللهم عندي الحلمات لونهم غمق و صدري كبري طبعا

بطني للحين ماطلع لي تشققات و عساها ماتطلع ان شاء الله بس هالحين اشوف الحكه زايده فوق البطن اول ما اقعد خصوصا و احط عليها بودره اطفال عشان تبرد

شعر جسمي يطلع عادي مثل قبل اذا ماكان اسرع شوي

تساقط الشعر هذا هو من قبل حملي ماتغير ولا خف

ان شاء الله مانسيت شي :)

انا جسمي صار خرائي في حملي الاول اول شئ كنت اتوحم علي الكرز وما كان موسمه وبعدين من الشهر الثاني كرهت كل الاكل بلا استثناء حتي الماي ما اشربه ونزل وزني بشهر 13 كيلو ان مو اكثر وبدت التشققات اعتقد من السادس او السابع المهم بطني صار خريطه معتبره وشعري كان يطيح قبل الحمل وزاد مع الحمل
اما حملي الثاني فالحين رقبتي سودت الله لا يوريكم بس الحمل الله نساتي كانت اهون كنت اشتهي الشغله ولما اكلها اكرها والتشققات زادت ومتنت وشعري هم يطيح يعني شئ ارف والله يسهل ولادتي وارتاح

موضوع حلو وفكرة جديده
اني الحين في السادس يعني البطن طلع
لون البشرة احسه عادي
بس الشهية متعبتني وااااجد مفتوحه حتى اني افكر اعمل ريجيم عشان اخفف من الاكل
واكثر الاشياء الي احبها في الفواكه الرمان

موضوع حلو ان شاء الله الجميع يستفيد

صراحة موضوع رائع...
أنا ألحين في الشهر السادس و طبعا من ثاني شهر لي بدت الحبوب تطلع لي في وجهي بشكل جنوني-كأنها تتكاثر-حتى دوم كنت أقول لزوجي إللي يبا الحلو يصبر على مره.
و شعر جسمي خف بشكل ملحوظ و ما أنسى الإسوداد طبعا حصل في منطقتين........و......... و رقبتي توها باديه تسود.
و الوحااااااااااام خلوه بصوب لعوزني أول ثلاث شهور و طبعا ما تم أكل من المأكولات البحريه ما توحمت عليه و أمي تقول لي شكله بكون بحار إذا كان ولد،و اللوعة حمدلله من دخلت الرابع خازت عني-الحمدلله ما بغت-
و الجسم بدا من الشهر الخامس تختفي مظاهر الأنوثه منه :cry:
و الحمد لله على كل حال و الله إللي مهون علي أمس شفت وحده يااااحرام الحمل ملعوزنها لدرجة مختفية ملامحها-اسوداد-انتفاخ....... و يوم قالوا لي ولدت و يابت بنت قلت الحمدلله أخيرا بتفتك من التشوهات إللي حصلت لها.

مرحبا بكم........

صراحه موضووووع رائع مشكورين


صارلي من تزوجت7شهور وحملت فرابع
المهم انا فرابع اللحمدلله اللوعه خازت عني ، طلعت لي حبوب فريلي واسمرار فرقبتي احس النمو الشعر جسمي خفت اشوي، اول شهور ماتوحمت في شي معين،،،،،بس شي مايعجبني اني مااحب البس خوارات وجلابيات احب البدل والحين ماروم وانا معروفه احب الكشخه..............وبس لو تذكرت بقوله لكم بعين والسموحه
الله يسهل علينا يارب

خل اتذكر لان من زمااان ..

اتذكر اول ما بدا الوحم ما كنت احب اكر اي شي .. وكل لوعة والم راس ونزل وزني بشكل ملحوووظ ، وبعدين قامت هالاعراض تخف شوي شوي وابتديت ارجع اكل وتوحمت على الحوامض ما عدا التبولة اللي كنت مغرمة بها قبل الحمل كرهتها في الحمل ولبعد الولاده بفترة حتى رجعت آكلها ، وبعدين صارت شهيتي مفتوحه وآكل كثيييير ..
وبالنسبة للتغيرات الشكلية .. فتاخرت شوي .. في الشهر السادس بدت تسود رقبتي وبدت تنتفخ اطرافي وتتنمل ، وفي الشهر الثامن بدا خشمي ينتفخ ويسمر لوني .. والمميزات ان شعري صار حلوووو ونمو الشعر في جسمي صار بطئ ..

والاهم ان بطني ما كان كبير ، حتى كنت اذا اروح المستشفى لمتابعة الحمل اشوف بنات بكر بعد بطنهم اكبر مني .. يسألوني انتي اي شهر اقولهم في التاسع " مثلا " يستغربون لان هم يكونون في السادس او السابع وبطنهم اكبر.

ذكرياااااات

باجي لي 10 ايام واكمل السابع وادخل الثامن ^_^

الحمد لله انا ما تعبت وايد في الوحام .. بس في بداية الشهور الثلاث الاولى عفت الحلويات بكل بانواعها .. وكنت احب الاشياء الحامضه ..

التغيرات الي صارت في جسمي طبعا الصدر صار اكبر وصارت تنزل منه ماده شفافه ولزجه والحلمات صار لونهن اسمر << وهذا الشي معقدني

الحمد لله للحين ماشي تشققات لاني كل يوم ادهن بطني وصدري بزيت اللوز ^^

وطلعت لي حبوب في ريلي والحين احسها بقعت وشكل ريلي صار ارف بسبة هـ البقع

طلع لي شعر ناعم وطويل على بطني .. وبشكل عام ظهور الشعر خف عن قبل بوايد << هذا احلى شي

وشعري صار اغلظ عن قبل والشبره لو تسكرت تفتح روحها من الغلظ << بس يا فرحه ما تمت هذا كله بيروح بعد الولاده لوووووول

وطلع لي كلف على صدري هذا غير اسمرار المناطق الحساسه .. الرقبه للحين ما اسمرت ..ولله الحمد ..

وبشكل عام الكل يقولي محلوه مع اني اجوووف العكس .. احس انه شكلي صاير جني مدمنة لووووووووول << جفتو عقب كل هالتشوهات يقولون لي محلوه ^_^

وبالنسبه لحجم بطني ما ادري احسه صغير مع انه انا بطني كان مبين من الشهر الثالث !!!

وفي الاخير .. اقووول .. الله يقوم كل حامل بالسلامه يا رب ويسهل عليها ولادتها ^^

انا بصراحه بداية الحمل ما حسيت كت بالوحام بس كنت احس بصداع قوي وايد والم اسفل الظهر بس بعد الشهر الثالث كل شي خف وطلع الالم بالجانب اليسار من بطني تحت هذا عن الالم
وعند الجسم بصراحه بلاوي:


1- كبر حجم الصدر
2- اسوداد حلمت الصدر
3- افرازات
4- تشققات وخطوط على الصدر
5- تشققات على الفخذين
6- بقع في الظهر


وفوق هذا كله اذا انجرحت جرح بسيط اثر الجرح يكون غامق وما يروح بسرعه


اما الفوايد:
1- شعري اغلظ شوي
2- بشرة ويهي تفتح
3- يدي تبيض
4- شعر جسمي خف شوي


بس ما اعرف اذا هذا من الحمل او من الكريمات الي استعملها

بس ان شاء الله كل هذا يروح بعد الحمل

أنا الحين بنهاية السادس
ماتوحمت على شي معين،،بس قبل الحمل كنت أكره شي اسمه الموز والحين سبحان الله صرت آكله عادي
كرهت المشاوي وريحة البهار القوية وريحة السمك تضايقني،،كحامل ماأحس إن أكلي زي الخلق والبشر وريلي دوم يهزأني
أحس أني كنت آكل قبل الحمل أفضل من الحين ،،الان بسرعة أشبع وماآكل أشياء مفيدة الا قليل
مع أني بنهاية السادس إلا اني للحين بطني يعتبر صغير بشهادة اللي يشوفوني،،وانا دايما أقول لهم إن هذا شكله الهدوء اللي يسبق العاصفة{الشهر التاسع}..الله يستر
صار نمو الشعر بطئ جدا في كل مكان وهذا شي كويس عشان تنظيف الوجه والشغلات هاذي،،ومالاحظت للآن ان رقبتي تغيرت
صــــــــدري أهو أكثر شي مأزمني في الحمل،،كبر وايد حتى أني دايما أقول أن وزني اللي زاد على الرغم من قلة أكلي،،كله متجمع في صدري
متى الوحدة تولد وترد لأيام الرشاقة،،بس والله كله يهون لعيون البيبي

مراحب أختي .. شاكرتلج طرح هالموضوع بالذات .. لأن بصراحه مفيد يخليني أحس إني مو الوحيدة اللي تمر بهالأعراض :(
..
من شهر لاحظت اسمرار خفيف على رقبتي والحين زاد بشكل ملحوظ ..
أحس بألم في أسفل ظهري وهالشي بدا مع بداية الشهر السادس ..
حكه رهيبة على البطن واعلى الصدر .. بسبب الشد ..
يقولون خشمي كبر بس ماحس بهالشي .. ويقولون صرت أحلى من قبل وبعد ماحس بهالشي ..
فيني كسل مو طبيعي لكن أحاول أقاومه قد ما اقدر ..
أحس إن ريحتي مثل ريحة الحليب .. مادري ليش !!!!
نمو الشعر عندي قل بدرجة كبيرة ..
..
تقريبا هذي هي أهم التطورات والتغيرات اللي حصلت لي ..
وإن شاء الله خير ..
..
الله يتمم لنا جميع على خير

السلام

ومشكورة عزيزتي على هذا الموضوع الحلو

بالنسبة لي

التغييرات
لوعة كرمكم الله بس بدون ترجيع

أحس روحي كل متمللة ،، وكسلانة حدي

البول كرمكم الله مللني من كثر ما اروح الحمام

شعري لاحظت عليه صاير حلو وأنعم

الكل ايقول محلوة أكثر من قبل ،،

أحس بانجذاب زوجي لي أكثر واحس روحي منجذبة له كأن تونا مخطوبين

توحمت في اللوز ،، والحين في F&N بس مو محصلته :)

كبر حجم الصدر وافرازات

ولازلت انتظر التغييرات

معظم التغيرات صارت لي في حملي الأول وأنا حامل للمرة الثانية

هذه حمل الثاني وأنا في الشهر الرابع الآن

عن الوحم لا يوجد بعكس حملي الأول 24 ساعة في الحمام وأنتم بكرامة

خشوووووووووونة فالجلـــــــــــــــد


شعر جسمي قل بشكل كبيييييييييييييييير ومايطلع بسرعه ...

اسمرار في صدر من الحمل الاول ولم يتغير اللون ...

لاتشققات حتى الان .....

أنتفاخ في البطن وحركة خفيف للبيبي ........

في اول حمل ماتحومت على شي معين بس كنت دوووم احب الاكل والرقاد حتى انه وزني كان 55 وصار 95 في الشهر
التاسع .
اول شي صارلي خشونه فالجلد واسمرار

تشققات فالبطن وللاوراك وللاسف للحين اعاني منها

كثره الافرازات

وللاسف انا حامل للمره الثانيه الحين ومب عارف شقا بتحمل العوارض هذي مره ثانيه

بنات لو وحده جربت تستخدم كريمات او اي ادويه تمنع الاسوداد فالجسم والتشققات

ونروم نستخدمها في فتره الحمل تخبرنا :smile:

بسم الله الرحمن الرحيم:
الموضوع وايد عجبني وتوني بس أقراه، انا في حملي اللي فات كنت اكثر أرقد واايد بعد وكنت شوي مرتاحة، وتوحمت على مجموعة أشياء مو على شئ معين,, وكنت امشي بكثر في السوق تقريبا شبه يومي,,
الحين اختلف الامر: ما انام بالمررررررررررررة فرق بين الحملين،ادور ساعة ارقد فيها ما احصل علشان ولدي ماشاء الله يبي يلعب، اكلي قلييييييييل بشكل فظيع حتى الدكتورة تقولي انتي ضعفتي والجنين ضعيف لحد الان وهذي اكبر مشكلة اوجهها الحين، لأني اصلا مش من النوعاللي آكل يعني قبل الحمل كنت نفس الشئ،، حبوبي مش منتظمة عليها،،بطني شوي مبين مو وايد,اتخيل كيف بولد باذن الله ويكمل لي شهوري ع خير وولدي معاي، يعني كيف بتحمل هذا يبكي والثاني يبكي..ما اعرف شو بسوي الحمد لله اني قريب بيت اهلي وعندي خدامة والله يصبر كل ام يا رب

خوووووووووووووووووووش موضوع الصراحه وايد تغيرااات صارت اول شى الوحم كرهت ريحه الثوم وكرهت اللحم المشوى وكل هذى الاشياء احس الحلويات والفواكه والاشياء البارده والسؤائل لكن بالنسبه للشكل البطن طلع وصايره اضحك وخشمى كبيييييييييييييير وصرت سمره ووايد خصوصا فلا البطن والصدر والماكن الاخرى احم احم بس بالنسبه للشعر بالجسم انا لاحضت ان البنات كاتبين انه خف انا بالعكس صار وايد واكثر من قبل خصوصا فى بطنى تحوشنى حكه بالصدر والبطن وايد والترجيع خلانى اكره حياتى بس الحين اخف من اول ما حملت واحس انى صايره جيكره والله كريم بانتظار تغيرات اكثر

nice subject ...

أووووووووه لاتذكريني والله كل ما اتذكر ايام الحمل احس اني ما ابا احمل مرة ثانية

انا من اول شهر كان وحامي اني اكره كل شي وتلوع جبدي من كل شي بسرعة خاصة روايح العطور ووالله لين الحين وانا اكره العطور اللي كنت احطها وكان ريلي يحطها في ايام الوحام..

وكنت كل فترة اطيح في اكلة معينة يعني اذكر الموز كنت كل يوم اكله لمدة اسبوع وبعدين خلاص كرهته .. والكوفي كنت اشم ريحته وانا راقدة واشربه وايد في اخر حملي.. همممم وحلاوة النوتيلا اكيد كلكم تعرفونه كنت كل يوم اكله لمدة شهر وعقب كرهته.. يعني جيه ..

رقبتي اسمرت وايد وجسمي ورم شوي وخشمي كبر وانتفخ صرت مثل الارجوز ..

في بداية الوحام ضعفت وايد عن قبل الحمل وعقب الشهر الرابع والخامس ردت عافييتي وزدت الطبيعي اللي هو اظن 10 كيلو او 8 والله نسيت..\

كنت وايد حساسة واصيح بسرعة لاتفه سبب..

شعر جسمي زاااااااااااااااااد واااااااااااااااااااااااااااااااااااايد... وويهي بهت شوي .. يعني بشكل عام اخسفيت وايد في فترة الحمل

فقدت ثقتي بنفسي لدرجة كبيييييييييييييييييييييييييييرة وكنت اشوف جسمي يلوع بالجبد حتى ياني اكتئاب من هالشي

شعر راسي والله مادري عنه ماحسيت بفرق هو دومه محروق من الصبغات ودوم يطول بمعدل عادي مازاد ولا قل

كنت اكره اني اطلع من البيت خير شر حتى روحة المستشفى كنت مب منتظمة فيها ابدا يمكن في فترة حملي كلها رحت 3 مرات .. طبعا هذا غير قبل يوم الولادة باسبوع

الحمدلله ماشي تشققات ابدا ( هالزين الوحيد اللي صار لوول )

صدري كبر

كسل وملل عجيب

هممممممممم بس ما اتذكر الباقي


أنا ليش رازة بويهي ؟!؟ انا ربيت وخلصت والموضوع للي بعدهم حوامل لوول .. بس حبيت اطلع اللي في خاطري ويمكن اللي تكون خايفة ماترجع نفس قبل تستفيد .. لاني والحمدلله عقب الولادة بسنة رجعت للرشاقة والجمال اكثر عن قبل الحمل..