تزوجت من غير رضى أهلي..

بقولج راي ولا تزعلين

انتي الي سويتيه انا اعتبره الجنون بعينه

و انتي بنيتي سعادتج على تعاست اهلج

و صدقيني مهما كنتي سعيده ويا ريلج بتكون سعادج ناقصه

لان الاهل شي ما يتعوض

ادري ان سعادتي ناقصة بس شو تبيني اسوي ؟؟ كانو ناوين يزوجوني واحد ما ابيه انا الحين ابي رضاهم واعرف ان اللي سويته غلط ..بس شسوي

بس انا مستغربه عندنا في الامارات كيف اتزوجتي بدون ولي امر ولا حد من اهلج في المحكمه ؟؟


واهلج مب سهل عليهم الي انتي سويتيه بس يمكن بعد فتره ترد العلاقه بينكم خاصه اذا حسوا ان ريلج يستاهل

انتي خلي ريلج هو يحاول يرضيهم ويتقربلهم مب بس انتي

مشكورة اختي danatty

ما دري شقول ؟؟؟؟؟؟؟؟؟؟؟؟؟؟؟؟؟

الدعاء هو خير وسيلة , فلجأي إلى الله وادعيه يحنن قلب أهلج عليج .......

ولو فيها تدخل بس قوليلي شلون تزوجتي بدون ( ولي أمر ) وشلون كانت حياتج قبل الزواج وشلون وضعج ألحين

هل إنتي مستقرة بالإمارات ؟؟؟

وهل في يوم راح تخلين ديرتج وتسافرين لبنان مع زوجج ؟؟؟

الله يحنن قلب أمج وأهلج عليج ............

الله يعينج فراق الاهل صعب
وغضب الوالدين اصعب واصعب

الله يحنن قلبهم عليج

الله يعينج والله ....ويفرج عن بس ممكن سؤال ...هل امج لبنانيه اصلا والا اماراتيه ...

وعندي سؤال ثاني غريبه كيف ما وقفوج عند حدج ...يوم دروا انج بتزوجينه اخوانج ابوج مثلا ....

غريبه ...كيف سكتوا ...اسمحيلي اختى اعرف من هذا الامور والاهل من سابع المستحيلات ...يوفقون ...كيف خلوج تطلعين وتعرس...

وضحي اختى ...والسموحه منج ...

والله يفرج همج وهمنا يا رب :)

اختي اسمحي لي اللي سويتيه غلط
وانا بتكلم معاج كأخت وتحملي كلامي وقسوته بكلمج مثل ما اكلم خواتي


مهما يكون الحب اللي بقلبج له

لكن هالحب بكفة "ورضا اهلي عني وعلاقتهم معاي بكفة ثانية"

ابيع الدنيا عشان رضا اهلي وامي وابوي

وما اسوي شي يغضبهم

خصوصا الحب

وتقولين حياتج معاه سعيده .. اي سعادة تتكلمين عنها وانتي اهلج مب راضيين عنج ؟؟!!

شلون ترقدين مرتاحه ؟؟ مادري اختي انا لو مكانج كنت من البدايه انهيت هالحب وما اخسر اهلي عشان ريال

مهما يكون هالريال زين ... لو شنو مواصفاته اهم شي رضا اهلي
حتى لو فيها ظلم لي وصعوبة ومشقه في انهاء العلاقه

بعد رضا الاهل اهم

الحين ما تقدرين تسوين شي لان اللي صار صار وما يصير نرد الزمن ونغيره

انتي اتصلي بامج وحاولي تزورينها ادري صعبه ويمكن ما يستقبلونج ويمكن يسمعونج كلام جارح
تحملي وضغطي على نفسج وتحملي اللي بيجيج لين ترد العلاقه معاهم
لأن اللي سويتيه فيهم مب شوي ترى

صدقيني اصعب شي على الام والابو ان عيالهم مايطيعونهم

باجر لما يجونج عيال ويكبرون ويعصون طلباتج بتفهمين قصدي

فما بالج باللي انتي سويتيه
اكيد الناس انتقدو اهلج وتكلمو عنهم
لاتقولين اللبناني مافيه شي ومادري شنو... اكيد مافيه شي وهو حاله من حالنا انسان وبشر
بس المجتمع اللي حولج لازم تراعينه
واذا مايهمج المجتمع اهم شي رضا الوالدين

وانتي رميتي بكل هذا وما اهتميتي في سبيل الحب

اتمنى يا اختي ان هالريال يكون فيه خير لج وتستمر حياتكم
بس بدون دعوات الوالده لج بالتوفيق ترى ماراح تستمر سعادتج

حاولي تردين علاقتكم بأي طريقه كانت
وان شاء الله الله يحنن قلب اهلج عليج يا رب وتردين لهم ويستقبلونج انتي وريلج ويرضون عليكم

واسمحي لي لو كلامي قاسي
بس مايهون علي ان اهلج مب راضيين عليج والسبب حب وريال!!!

مرحبا
شخبارج اخت شمس
الله يكون في عونك
اول شي اللي انتي سويتيه يتسمى طيش الشباب
كيف تعاندي أهلك عشان زوجك
ودليل عنادك انه كلما قالوا لك لا انتي تمسكتي فيه أكثر
الأهل هم الأهل يبون مصلحتك
وهم أكيد رافضين عشان سبب
مستحيل يكونون يرفضون سعادة عيالهم مثل ما قلتي
والحين مثل ما يقولون الفاس طاح في الراس
الزواج تم بسنة الله وحكمه
وما تقدرين تغيرين الماضي
واحنا نسمع قصص كثير عن كذا لكن ما نتعظ
ما لك إلا تصبري
حاولي عشرين مرة مية مرة
انتي مرة وزوجك مرة
حاولي تقنعيهم بطريقة تخليهم ما يعاندوا

في النهاية أتمنى لك الخلاص من تلك البلوى
أكثري من الدعاء والسؤال للمولى عز وجل
عسى أن يفرج همك

تحياتي

حاولي توسطين حد من المعارف بينكم, ولو مانفع كلمي امام المسجد في منطقتكم يحاول يهدي النفوس واللة ييسر لج, ولازم زوجج يسعى لاثبات كفاءتة لج ولاهلج لان اهلج ما ينلامون اغلب الزيجات الي من هالنوع تكون بهدف المصلحة.
بس ابغي اعطيج بعض النقاط تفكرين فيها....لو انتهت فترة اقامة زوجج في البلد واضطر انة يسافر كيف بيكون وضعج؟
اذا اللة اراد لكم اولاد تراهم بيتعاملون على انهم واااااااااااااااااافدين بغض النظر عن كونج مواطنة, يعني وين ما تسيرين تدفعين ووجودهم في البلد باقامة, اذا كنتي تشتغلين (وهذا الي اتوقعة) مافية علاوة ابناء, واذا سرتي بلدة فهل بتقدرين على عيشتهم؟؟؟.

مشكورات خواتي العزيزات..شكرا" على النصائح واخت nono748 انا بعدني ما اشتغل وجزاك الله كل خير

السلام عليكم


اختي أنا يوم قريت المشكله كنت بكتب مثل ما كتبوا البنات


بعدين حسيت أنه كفاية عليج

مع أني معهم في أن زواج البنت من غبر رضا أهلها مرفوض بتاتا


عفوا أختي أنا بسألج أنتي أماراتية أصل ؟؟؟؟


احنا كلنا واحد وانا ما أقصد أي نجريح فأنا أيضا أمي عربية


بس أختي إللي سويتيه غلط و لازم تسترضين اهلك

اللبناني مب عار

بس الاهل يخافون أنه ما بيقدر بنتهم

و بيظلمها

و انه ما مايهمه غير فلوسها أو راتبها


خليه يثبتلهم العكس


انه يبيج لشخصك انت


و بعدين في عندي تحفظ ثاني و هو أنج شفتيه بالمووول


لو أنه زميل عمل مثلا كان أرحم

مممممممممممممم الغاليه لو ما كنت غلطانه زواج من ورا الاهل بااااااااااااطل فتاكدي من السالفه

ولو سألتيني رايي وله شي في الدنيا يستاهل اني اغضب امي وابوي (الله يحفظ كرامتهم لي طول

العمر)

بعض المذاهب تجيز للبنت الزواج بعد السن القانوني ولين متى انا بنتظر لحد ما اصير عجوزة ..؟
أنا دايما" ادعي ربي انه يسامحني بس حتى لو عاد الزمن نفسه بعيد الغلطة ..وللي سالت إذا امي مب مواطنة انا امي مواطنه وللي عندها اعتراض اني شفته في المول .. في المول في المستشفى في الشارع كلها اماكن ما يفرق وشو فيها لو شفته في المول عزيزتي؟؟؟
شــــــــــــــــــــكرا" لكم جميعا"

الله يعينج اختي ويحنن قلبهم عليج حاولي تتصلين بأمج تكلمينها يمكن اول مرة ما بتكلمج حاولي محاولات وتاسفي منها قلب الام ما يقسى على ضناه وهي في قلبها اكيد متولها عليج ,جربي ما بتخسرين اكثر من الي الحين خاسرته

السلام عليكم و رحمة الله و بركاته

عزيزتي إلي صار صار

ما عليج إلا إنج إتحاولين ويا أمج أكثر و أكثر

ذلي نفسج إلها إبكي روحي إلها لو طردتج لا تقولين كرامتي ما تسمح

كله و لا رضا الوالدين ...

الله يحنن قلب اهلج عليج ان شاء الله


من سابع المستحيلات افكر اتزوج لبناني لاني بفكر من عدة نواحي .. الماديه والاجتماعيه


لان عيالي يوم بيكبرووون ريال واحد مابيحصلوون من الدوووله لا ارض ولا معاشات عدله ولا معامله زينه .... وانتي ادرى بالحال في الامارات من الناحيه الاجتماعيه اقصد ... يعني صدق بيتعلوزوون ...


اهلي اذا مارضوا عليه سعادتي بتكون ولا شي


صح انج حبيتي .. وصح انه لبناني يعني مافيها شي عربي ... بس الانسان يمشي ويا المويه مايخالفها ..


لو من دول الخليج هانت بس لبناني !!!! صعبه وايد وايد

يريت ماتزعلين عليه بس هذا الواقع



سوي اللي يرضي اهلج او حاولي انج تراضينهم قد ماتقدرين


انا لو مكانج بضيع مابعرف شو اسوي وبعدين الحب يرووح وايي لكن الاهل مايتعوضوووون ابدا

ابيع الدنيا عشان رضا اهلي وامي وابوي

والغاليه فطيم قالت اللي فخااااطريه كله

ويعل السعااده ماتفارق حياااتج اختي

مشكورات خواتي بس للعلم انا زوجي مقتدر ادري ان الفلوس ما تدوم .. بس انا الحمدلله عايشة في نعمة واللي اهلى كانو بيزوجوني ياه كان عنده اعدادية ويشتغل في الجيش ومب مثقف .. ايهما احسن .؟؟ بعدين انا كبيرة مب صغيرة يعني اعرف مصلحتي اكثر من أهلي .. ماحد يعرف مصلحته اكثر من نفسه .. انتو بس ادعولي بان اللي في بالي يصير ومشكورات