تزوجت من غير رضى أهلي..

اختي عندي سؤال جا في بالي

هو سؤال غريب

بس جهزتي بفلوس منو؟؟ بمهر المواطن !!! ولا بفلوس اهلج ولا بفلوس منو؟؟!!!

الله يعينك يااختي قلبي معك خلاص صار اللي صار وتزوجتي وانتهى الامر
الان الازم تحاولي تحسني العلاقة مع اهللك
وعندي للك فكر واااااااااااااااااايد حلوة
عليك بالهدايا
ارسلي هدية لامك ومعاها صورك ورسايل استعطاف
وارسلي لابوك رسايل تعبر عن مدى سعادتك مع زوجك
وشوقك له وحاجتك له وهدايا من زوجك لازم يفهم ان الهدايا من زوجك
صدقيني لما يحس انك سعيدة وما عليك قصور راح يرضى
اذا عندك اعمام اتصلي عليهم واختاري اقرب واحد لابوك وكلمية
كمان اختك تقدر تساعدك كتير كلميها تكلم امك
خليها تذكرها فيك دايم
وانصحك لاتزوريهم الا اذا ارسلتي هدايا ورسائل
وزريهم اول وحدك من دون زوجك حتى ما يصير غلط على زوجك ويتاثر
والله يوفقك

[grade="DC143C B22222 DC143C"]
السلام عليكم ورحمة الله وبركاته

أختي شمس بوظبي،الحمدلله إنه أمج كلمتج،هالخبر حلو وايد،ويارب ترضى عليج

أكثر وأكثر،اللهم آمين..

الله يوفق الجميع ويصلح أمورهم،يارب

في أمان الله[/grade]

ويه على إيطاليا ,,,,,,,,,,,,,,, بل كلامج الصراحه في نوع من القهر والغيره على بنت البلاد في نفس الوقت
بعدين هذا نصيبه الي الله كاتبلها صار سواء خذته عن حب ولا غير حب الحين الكل محتج لانه لبناني يعني ما يسوا اتبيع جنسيتها عسب لبنانب
بس يمكن هالبنت ادور الستر في نفس الوقت عسب جي ما فتكرة بزعل اهلها او اي حد ثاني محد يعرف ضروف هالبنت شوو او كيف مشاعرها
ليش تتدخلون في شؤون البنت ومشاعرها هي عرضت مشكلتها او بغت الحل والمشكله كاننت انها تريد رضى والديها فا احنا من ناحيتنا انحل هالمشكله..اذا مرة السنين وكان العكس يعني صار شي او ردة تكتب انها مضايقها من زوجها هذيك الساعه لنا الحق انا انعاتبها ونذكرها بالغلط الي ارتكبته اذا كان فعلا غلط...
مب نحكم انه غلط واحنا مب عارفين الصح من الغلط

والسموحه

أختي (شمس أبوظبي)أنا ما بكرر الكلام اللي قالوه الاخوات لأنه أكيد اللي فيج مكفيج بس زين انج بشرتينا انج كلمتي أمج وان شاء الله تكون هذي بادرة خير والله يصلح بينكم .والله ثم والله مهما عيشج الريال هذا في نعيم وحتى لو عيشج حياة الملوك والسلاطين ماأعتقد انه سعادتج بتكتمل وانتي عارفة انه أمج وابوج مب راضيين عليج .ومافي أي لحظة فهاي الدنيا تسوى مقابل رضا الوالدين لأنه رضاهم من رضا الله .فأتمنى يااختي تسوين كل المستحيل عشان يرضون عنج ويسامحونج صح الموضوع مب بهالسهولة لكن الله يساعدج وشي ثاني بعد لاحظت من كلامج انج مازلتي مصرة على انج الصح وأهلج الغلطانين فلما تروحين عند أهلج بنهاية الأسبوع مثل ما قلتي لاتبينين لهم انه كلامج كان صح وانهم كانو غلطانين لما حاولو يمنعونج بالعكس اتذللي لهم وقوليلهم انه سعادتج ماراح تكتمل الا لو رضو عنج وانه اللي صار صار ونه اهم شي عندج الحين انهم يسامحونج صح هي صعبة لأنه الزجاج اذا انكسر صعب يتصلح مرة ثانية فما بالج بالقلوب خاصة قلب الأم.الله يعينج وان شاء الله ما يجي اليوم اللي تشوفين فيه ضناج الغالي يعصيج يمكن الكلام هذا مب حاسة فيه الحين بس بعدين اذا صرتي ام ان شاء الله تعرفين .وطمنينا لاتنسين

اختي شمس أبوظبي..

والله عيني دمعت من الفرحة انج كلمتي الوالدة...وانج بتزورينها قريب ان شاء الله :cry:

الله يفرج همج ان شاء الله و ترضى على اللبناني(زوجك)<---- ماقصد شي...
:shy:

وتكون فاتحة خير .. وتعيشين في رضى اهلج مع زوجك..

والله يرزقج الذرية الصالحة بإذن واحد أحد.. الدورة الجاية ما تجيك وتكونين حامل... يااااااااااا رب





اختج..أم عزيز

يابنات هاذا الواقع ...............
انا ماتكلم من فراغ..........................................
الحمدلله انا متدينه ولا عندي هالسوالف....................
كنت اقصد الفراغ .............

بشرينا اختي ان شاء الله اللقاء كان حار :)

مشكورا خواتي أنا ما استحملت كنت مواعدة امي يوم الخميس بعدين الاربعاء الصبح اتصلت عليها قلت لها بييلج اليوم الضحى وقالت لي حياج... بعدين رحت لها وكانت بروحها في البيت وانا كنت عارفة انها بروحها عشان استسمح منها.. وانا في الطريق كنت خايفة وزوجي يطمني ويقولي بترضى عنج... بعدين اول ما وصلت البيت كنت خاااااااااااااااااااايفة وايد وكنت ما با ادخل زوجي يقولي مادام وصلتي هنيه لازم تدخلين.. وقلت خلاص بدخل .. واول ما دخلت حسيت اني اول مرة ادخل بيتنا الأولي ... ما شفت امي خفت لا تكون زعلانه مني واول ما دخلت الصالة شفتها تقرا قرآن كعادتها.. عقب بكيت ساعة كاملة في حضنها حتى هي بكت قلت لها يمه سامحيني .. بعدين قالت لي انت من يوم يومج وانتي عنيدة .. بعدين سألتني عن احوالي وكل هذا وزوجي ينتظر برا البيت.. بعدين امي سألتني قالت لي وينه ؟؟ قلت لها من ؟؟ قالت لي اللبناني ..قلت لها ينتظر برا .. قالت لي خليه يدخل وخلينا نشوف اللي عجبج وسرق قلبج بعدين ضحكت وانا ابكي وقالت لي خليه يسلم على حماته.. بعدين دخل امي استحت منه .. اما هو تم مستحي في البداية بعدين قالها كيفك خالتي .. بعدين امي قالت له .. والله ما فيك شيء بنتي من وهي صغيرة تحب الحلوين.. المهم طاح الحطب وأهم شيء امس رضت عني وانشاء بروح يوم الجمعة عشان الوالد يشوف زوجي لأني للحين ما شفته كان مشغول .. عقب خواتي سلمت عليهن .. وقالو حقي.. سويت اللي في راسج .. المهم الكل رضو عني بس منتظرة ابوي..
ومشكـــــــــــــــــــــــــــــــــــــــــــورات خواتي لولاكن ما تجرأت انا الحين افتخر ان عندي خوات .. واحسن خوات .. الله يوفقكن ويبارك فيكن ..
ادعولي..

الحمد الله الى حنن قلب امك وانشاء الله الوالد بعد يرضى عليك...
بس ها لعاد تعديها كلش ولا زعل الوالدين...
الله يوفقك اختي...

سحايب_دبي

انتي عمرج 40 سنة؟؟

احسبج مقهوورة وايد من رمستنا.. وووشو مخده ومامخده.. ووواحد تكلمينه.. يعني تقزر وقتها..

بعدين ولد البلاد.......... لو دار وسو اللي سواه بعده ولد اصل...

وغير ولد البلاد.. دار اكثر وشاف اكثر............... وماتمت وحده مالاث عليها..

على العمووم إذا هذا رايج.......... ادعيلج من كل قلبي ان الله يرزقج بواحد وافد.. وتتهنين وياه.. احسن من المواطن اللي بيبهدلج
والله يوفق الجميع...
-------

كلامج يبين انج مب مدينه مثل ما تقولين مع احترامي لج ... بس اقول الله يهديج و من خااااااااااطري الله يرزقج وافد يارويج الهنا و تسافرين وياه برع البلاد اللي شبابها مب عايبينج



و الدليل بعض التلميحات مثل تكلمين .. و غيرها من العبارات اللي تبين ان وجود شخص في حياه الوحدة امر عادي

الله يهديج و يرزقج على قد نيتج ان شاء الله

مبروك اختي شمس بوظبي

الحين نباركلج

اكيد الحين بترومين ترقدين وانتي مرتاحه

الي فااااات مااات ... ريلج حطيه في عيونج .. بس الحل!!!!!!
أختاري احد ايكوون قريب من امج واتكون اتحبه واااايدعشان ايكلمهاو ايحنن قلبهاا عليج ....
ونفس الطريقه سويها مع الوالد ........
يمكن ايفيدج ابشي... وصدقيني والله مافي ام في هالدنيا مايحن قلبها على عيالها... قلب الام حنون
عشاان جيه تقربيلها بالي تحبهم و تقتنع من كلامهم... والله معااااج ....
و اذا مافاد هالكلام طرشيلي

انزين و بعدين !! امج رضت عليج و ابوج ان شالله بيرضى عليج . بس بعدين لمن اتيبين عيال ما فكرتي فيهم .... عيالج بيعاملونهم معاملة الوافدين !!!! الله يعينج
مدري احس انج بتندمين على اللي سويتيه (( سوري هذا راي لا تزعلين مني ))
ع قولتهم حلاة الثوب رقعته منه و فيه

jami

اشكرج على كلمة كلمة قلتيها فحق سحايب دبي

الصراحة انا بعد مستغربة من جرأتها هذي !!!!!

غريبة شي بنات يفكرن بها الاسلوب فبلادنا ؟؟؟

ايطاليا .. انا ما اباج تشكريني ولا تصفقين بعد

انا ابا حد يشرحلي اشو قصدهم اب شبابنا يعني

و الله الوحدة اللي مب عايبنها ولد ابلادها ان كان اماراتي ولا سعودي ولا قطري .. تنقع في بيت ابوها ولا تعرس ...

و دورلها شريف امريكا ياخذها ... و لا العفيف الطهور المصون السيلاني اللي بيي يخطبها ...

في الذمه .. يوم البنات كلهن بيصيرن محترمات بتلاقي الشباب كلهم محترمين ...

بس تقعد تذم . و تعم ولا جنه على قولتها اصل و فصل مع اني شاكه ... يعني ابوها ولا اخوها مب اماراتين ؟؟؟

يعني اكيد مب زينين على وصفها ..

ما اقول غير الله يهديهم بس ... و حرام فيها لو تعرس و تاخذ واحد من البلاد ...

خل تتريا اخو كودريزا رايز يخطبها

حرام هذا جزا الوالدين
؟؟؟؟؟؟؟؟؟؟؟

مع احترامي لجميع الجنسيات بس ما اشوف نفسي غير ويا واحد مثلي ولد بلادي لانه يعرف لعاداتنا وتقاليدنا

وعفوا اختي سحايب دبي بس الانسان ما يضمن اذا خذ وااافد بيكون الوافد شريف مكه

وحتى لو الريال يخون انتي اذا تبين الاجر بتصبرين عليه

منذهله من كلامكم صدق: كيف هلي اللي ربوني وعلموني وصرفوا عليه وما قصروا في حقي اجازيهم بالفضيحه

حلاة الثوب رقعته منه وفيه ولو شو ما صااار الوحده تحط رضا الوالدين قبل كلشيء ها يزا المعروف ويزا التربيه

وعشان واحد ما صان هلي من الاساس

سبحان الله صدق الناس وجهات نظر

الله يهديج يا شمس بوظبي بس كل قضيه تكتبينها تخليني في شك سوالف ما تدخل العقل للاسف ووانا مع اختي Jami في كل اللي قالته كلامها حق والحق ما ينزعل منه

اليوم بس اشوف مشكلتج وقريت الــ 10 صفحات كلهم
ومن ردج الاخير وانا اصيييح لين الحين :(

الله يوفقج ف حياتج ان شاء الله ويرضوون عليج امج ابوج
وان شاء الله نسمع سوااالف حلوه يوم الجمعه

والله لمن قريت الموضوع ذكرتيني بالذي مضى بس طبعا مع الفارق الكبير اني ماتزوجت من غير رضى اهلي

المهم انا وولد خالي حبينا بعض في السر يعني ما سويت شي غلط الحمد لله بس يعني ماحد كان يدري اننا نحب بعض

المهم الايام مرت والموضوع انعرف بس الله لا يوفقه اللي عرف الموضوع نشرة بطريقة مرة قذرة

قال عننا اننا متزوجين عرفي وطبعا زود كلام من عندة اننا نتقابل في شقة الله لايوفقة لا

دنيا ولا اخرة


لكن والله ماحصل المهم الوالدة عرفت طبعا قامت الدنيا عليا وماقعدت وطبعا الشي المهم اني

سببت قطيعة رحم في

العائله مع امي وخالي

وفي يوم من الايام واحد قال لولد خالي لية ماتتزوجون في السر(( يعني كني اسرق )) وجا ولد

خالي وقالي هدا الكلام

تعرفون ايش كان ردي قلتلة انا لو تزوجتك في السر ماراح يكون لي خير في اهلي والي مالة خير

في اهلة مالة خيييير في احد

وتاني شي اننا لوتزوجنا بهدي الطريقة ماراح اقدر اسعدك سالني لية رديت وقلتلة لاني راح

اشعر دايما بالذنب من جهتهم

وهدا الشي راح يخليني دائما قلقانة وراح اعكر حياتك واخليها جحيم لاني انا نفسي ماني

سعيدة من جواي كيف اقدر اسعدك

المهم مرت السنين وانا خلالها زي ما انا من جهتة يعني ابغاة واحبة وهوه زي طبعا

وايامها خالي تعب وطبعا امي راحت تزورة انا استغليت الفرصة وقلتلة لمن امي تيجي عندكم

وتيجي تروح


البيت حاول تنزل معاها توصلها ( (وامي اصلا ماكانت طايقة الولد ولمن كان يكلمها قدام

الناس ماترد علية يعني احراج في احراج للولد))

واتكلم معاها وقولها ان هدا الكلام ماحصل واني احبها وابي اتزوجها وراح اسعدها هدا الكلام

يعني المهم سوى زي ما قلتلة وسبحان الله امي اقتنعت بكلامة وجات البيت

وقالتلي شي ماكنت متوقعتة ابد منها قالتلي ان محمد خطبني منها وهي موافقة وبعد ماتم

دراستي راح يتقدملي وهي راح تخلي ابوي يوافق

المهم بعدها بكام سنة امكن سنتين خلصت الجامعة وفعلا جا خطبني من ابوي وامي ووافقو

والله والحمد لله انهم يعاملونة

زية زي اخواني مافي فرق مرة بينهم وابويا يعتمد علية في اشياء كثيرة

وهدا كلة بفضل ربي ثم بالصبر وطبعا عشان رضيت اهلي ماسةيت اي شي يجبلهم العار

وسيرتهم تصير على الالسنة والافواة زي اللبانة (((والله اني احس بذنب من جهت امي الى

الان احس اني ضغط عليها بعد رفضها وهي عشان حبها لي وافقت وهدا احساس قاتلني

الى الان حاسة اني كسرتها بس والله اني ماقصد شي فيها انا احبها والله اني مستعدة لو

قالتلي سيبية اني اسيبة ولا اشعر بهدا الشعور ابدا )))

ورغم ماحدث من المشاكل هدا ولد خالي ومصري زي وكانو رافضين

فما بالك انت متزوجة عربي بس يعتبر في البلاد اجنبي يعني كل شي مختلف في العوايد

والتقاليد وكل شي والسعادة اللي انت فيها سعادة والله زائفة ومع الوقت راح تزول لان

انتي اللي حاطة في بالك انك سعيدة لكن اللي يخش جواكي تلاقيكي مدمرة واكبر دليل

انك تبين اهلك يرضون عنك اذن وين السعادة المزعومة لو انت فعلا سعيدة واللي سويتة صح

والله ماكنت فكرت ولا دقيقة برضا اهلك وراح وقتها تقولين انة في يوم من الايام راح

ترجع الموية لمجاريها وانهم راح يسعون ويرضون عنك مادام شافوكي سعيدة

وانا ابي اعرف ايش احساسة فيك وانتي تبين رضا اهلك ايش موقفة من الموضوع كلة ؟؟؟

المهم حاولي تكسبين رضا اهللك وخلية هو يستسمحهم ومو بس انتي تروحي انشالله

اهلك يرضون عليكم والله يهديك