تزوجت من غير رضى أهلي..

السلام عليكم و رحمة الله و بركاته

هلا بكم أخواتي...

بقسم إجابتي لقسمين...قسم موجه لجميع العضوات...و قسم خاص موجه لك أختي شمس...

لجميع العضوات...بالذات اللي ما شافوا شيء غلط في اللي صار...

الحين...و لله الحمد عندي بنت...

شفت الويل في حملها...و شفت العذاب كله في ولادتها...يا ما سهرتني بجانبها لما ترمض...لما تسنّن...لما تخاف من اي شيء.....و لما تمرض...قلبي و روحي يمرضوا معاها...أحبها و أموت عليها...و اشوف الدنيا حلوة بس لما أشوف ضحكتها...

فرحة عمري كانت لما بدأت تحبي...و حسيت إنها كيان معانا في الأسرة...

أنتظر بفارغ الصبر إنها تخطو خطواتها الأولى...و إنها تروح المدرسة...و إنها تكبر أمام عيني و تروح الجامعة...

ساعات أقعد بس أفكر في شكلها لما تكبر و تصير عروسة حلوة في الكوشة...أزينها بنفسي...و أطبطب عليها...و اهديها حبي و دعواتي لها بالتوفيق...

و لما اشوف عيالها...و اشيلهم على يدي..و ارعاهم و أحبهم زي ما أحبها...

يمكن تقولوا مالها مرموم شطحت بتفكيرها...

أقول لكم...إني مش ممكن أتخيلها ...بعد كل ذلك...تيجي و تضع يدها في خصرها...و تقول لي...أنا عارفة مصلحتي أكثر منك يا ماما...ما في حد يعرف مصلحته أكثر من الواحد نفسه !!!!!!!!!!!!!!!!!!!!!!!!!!!!!!!!!!!!!!!!!!!!!!!!

اتمنى الأرض تنشق و تبلعني قبل ما اشوف بنتي أنا...تعصيني...و تقف في وجهي...مهما كان السبب...

بعد كل ما فعلته علشانها ؟!!!!!!!

و علشان ماذا ؟ علشان تتزوج واحد...أنا بنظرتي كأم شايفة إنه مش مناسب...و مهما طالت الأيام أو قصرت...سيمر على بنتي لحظات تتأكد فيها من وجهة نظري...



لأختي شمس أبوظبي...

عارفة أنا خايفة عليكي من ماذا ؟

أنه كما تدين تدان...ما أعرف ربي رزقك بالذرية أو لأ...لكن لما يصير عندك أطفال إن شاء الله راح تدركي حجم و خطورة اللي عملتيه بحق نفسك و اسرتك...

أقلها إنه فرحك صار بدون ما يحضره أحد من أهلك...و هان عليكي تروحي و تفرحي مع زوجك...و أمك دمعتها على خدها من الحزن...تحس بفرحة عمرها كلها ضاعت و صارت سراب...

ما تخيلتي كيف موقفها لما أحد من أهلك أو اصحابها يسألوها عليكي ؟ شو ترد تقول ؟ تقول بنتي راحت تزوجت من وراء ظهري ؟

و الله أختي هذه مش قسوة عليكي...و على فكرة...مهما قلت لك...مستحيل أقدر أشرح لك لحظة واحدة من لحظات الحزن و اليأس اللي والدتك عاشتها...

الله يسامحك بس...

أختي...إنتي محتاجة تعملي أشياء كتير كتير علشان تصلحي اللي صار..

تروحي و تتذللي لوالدتك...و اي ذل...لو قدرتي تبوسي إيديها و رجليها كمان...يمكن ترضى عليكي...

لو مكانك...و الله اروح ابات على عتبة باب بيتها كل ليلة...بس أنتظر إنها تنظر لي...و لو حتى بالغلط...

أظل لازقة فيها ما ارتكها...و أتحمل أي شيء تقوله...بس ترضى عليه...

أختي إنتي تأخرتي كتير...بعد أكثر من سنة و نصف من الزواج تفكري تصالحيها ؟!!!!

و كلمة بيني و بينك...ما عمري أحترم واحد...لا يحترم أهلي و لا يحترم رايهم...يعني تقدم 4 مرات...و رفضوه...يقوم ياخذ بنتهم بالغصب ؟؟؟

يرضى حد يعمل ذلك في بنته؟؟؟؟؟

الله يهديكي بس يا رب و يغفر لك...

و إن شاء الله ربي يفك كربتك...و يفرح قلب والدتك...اللهم آمين...

كلام سليم أختي مرموم وانشاالله تكبر بنتك وتفرحي فيها وتزفيها انتي بزواجها يارب ياكريم

وانشاالله الله يغفر ذنب أختي شمس وربي يحن اهلها عليها

الصراااااااااااااااااااااااحه ..

كلمة انصدمت شووويه عليه ..

انا ما بقووولج انتي كيف سويتي جيه ؟؟ .. ولا بقولج ليش أصلا !! ..

بس شي واحد كان لازم تفكرين به قبل لا تسوين ها كله ..

رضى الواااااااااااااااااااااالدين اهم شي ..

ولا تظنين ان بتعيشين بسعااااده في حياتج وامج هب راضيه عليج ..

كان المفروض تفكرين بنفسج واهلج قبل كل شي .. شو موقف الناس منج وانتي سويتي هالشي ؟! ..

شو نظرة الناس لج ؟! .. وانتي كيف بتقدرين تحطين عينج بعيون حد ؟! ..

شوفي كيف .. انتي خسرتي هلج كلــــــــــــــــــــــهم .. عسبت ريال غريب ..

اهلج ربوج .. كبروج .. عشتي وياهم معظم حياتج .. سوو لج كل شي ..

اما اللي خذتيه ما سوى لج ولا شي من اللي ذكرته ..

يعني معقوووله تبيعين هلج عسب ريال غريب ؟! ..

بصراحه ماعرف شووو اقولج .. تصرفج غلط مليوووووووووووون بالميه ..

وصدقيني لو انا كنت مكان امج مستحييييييييييييل ارضى ..

فكري شوي ..

باجر لو يووج عيال .. وبنتج سوت جيه ..

شو بيكون موقفج ؟! ..

انتي بهالحركه ماسويتي قدر لهلج ..

وصدقيني اللي مافيه خير حق اهله مافيه خير حق الناس ..

وبيي يوووم بتندمين فيه وااااااااااااااااااايد .. وبتحسين هالاحساس ..

وشرات ما قالن البنات " كما تدين تدان " ..

ع العموووم انا مابا احبطج ..

بس كل لي اقدر اقوله ..

" الله يعينج " ..

والسموحه ..

انا بدخل في صلب الموضوع ...
اولا الي سويتيه غلللللللللللللللللللللللللط وستين مره غلط ..
كيف تبدين اهلج على الغريب .. انتي ما تدرين الزمن الين وين بيوصلج ..لا قدر الله وتطلقتي ..سمحيلي بس
ويين بتسيرين وانتي مغضبه اهلج ..وانتي تقولين لا وظيفه ولاهم يحزنون ..وبعدين زوااج من دون ولي امر بااااطل

بعض المذاهب تجيز للبنت الزواج بعد السن القانوني

..
بذمتج اي مذهب يجيز للبنت البكر الزوااج من غير ولي امر الا اذا كنتي ثيبا (متزوجه من قبل ) ..وضحي ..
وبعدين فكري اهلج الحين كيف الناس تنظر لهم والسبة انتي موحراام الي سويتيه في اهلج .. والسموحه اذا زعلج كلامي
وعليج يا اختي في الدعاء الله الله فيه لا تقصرين ونحن بندعيلج بعد وان شاء الله كل شي يستوي ok بينج وبين اهلج والسموحه ..

[grade="DC143C DC143C DC143C"]
السلام عليكم ورحمة الله وبركاته

أختي مرموم كلامج عسل،تسلمين أختي..

وبالفعل صعب الانسان يربي ويتعب ويشوف ثمرة تعبه تكبر وتكبر وبعدين

تتمرد عليه،شيء جدا صعب وقاسي..

الله يفرحج يارب بمريومة،وتقر عينج فيها،آمين يارب

وأرد وأقول محد يستحق نزعل أهلنا عشانهم،ياماسمعنا قصص،العيال يتمردون

ويسوون اللي في راسهم،وبعدين يندمون ندم...كله لأن الاهل مش راضيين..

الله يهدي الجميع ويفتح بصيرتهم،آمين يارب

في أمان الله[/grade]

الله سباحنه المعان

كلام مرموم صح 100%

الموضوع مش مسأله جنسيه أو غيرها

الموضوع عصيان الأهل تحت أي ظرف

انا اوافق الاخت مرموم في كل اللي قالته

والله يوفقج ان شاء الله

الله يوفقج

وحاولي مع اهلج ان شاء الله يرضون

اختي مرموم
كلامج صحيح 100% بس الي قصدته مو ان الي الاخت سوته صح بس لازم احنا مانعيد ونزيد ونلومها
الي راح مات واحنا عيال اليوم ولازم مانقعد كل دقيقة نقول للبنت انتي غلطانة
اكيد هي حاسة بالمشكلة ولا ماكانت اكتبتها

الله يفرجها لها ان شاء الله

انا مع اختي رومانسية
المره خلاص تزوجت وهلها زعلانين عليها وهي تعرف انهم زعلانين وتعرف اغلب اللي قلتوه
هي تبي حل للمشكله ما تبي حد يعاتبها زياده لانها حاسه بالمشكله والا جان ما يات اكتبتها لكم اهنيه
بدال ما تعاتبونها وتضايقونها زياده ساعدوها ونصحوها

خير الخطائين التوابون


الله يتقبل توبتك ويرضى عليك ويرضى والديك عليك وترجع المحبه بينكم

|--*¨®¨*--|شمس أبوظبي|--*¨®¨*--|

انا مابلومج عللي صار لانج ماكتبتي قصتج تبين الملامه كتبتيها عشان الحل
وان شاء الله الله يقدرج وتلقين الحل المناسب

وقبل كل شي ترا...
بن آدم خطااأ وكلنا نغلط والشاطر اللي مايبقى على خطأه

انتي الحين عرستي والله يسعدج ويباركلج هالزواج ويكون رييلج (قددها)
مب غلط ان الوحده تاخذ اجنبي بالعكس الاهم ان الاثنين يكونون متفاهمين
صح في امور وعادات مانقدر نغيرها بس(((لافرق بين عربي واعجمي الا بالتقوى)))
والريال يناخذ لاخلاقه وديينه....
المهم
ماابغي اطووول بس حاولي وياهلج مره ومرتين وعشره
بيرفضونج واايد وبيجرحوونج واايد
بس تــحــمــلــي
وتراا عمره الظفر مايطلع من اللحم وهذيل هلج مهما ابتعدوا عنج او ابتعدتي عنهم بتردون لبعض باذن الله
والله يحنن قلوبهم عليج
يــا رب

اختي شمس بوظبي

انا ادري ان انتي تقرين ردود البنات وتزعلين لكن ,, حبيبتي الي صار صار خلاص

لكن اهم شي الحين تحاولين تتقربين من اهلك وانت عارفه ان هم رافضينك ,, لكن عمر الدم ما يصير ماي

حبيبتي لازم تتعبين شوي وتحاولين تكسبين رضاهم ,, وما اقدر الومج ,, خلاص هذا شي صار واللوم ما ينفع

والحمد الله يا رب ان انتي عايشه مرتاحه ,, صدقيني يالغاليه امك تعرف كل شي عنك وتعرف ان انتي متعذبه

لكن ما تقدر تتقبل غلطك بهذي السهوله ,, معليه يالغاليه اقسي على نفسك اشوي وبتتعبين من الكلام الي بتسمعينه منهم ..

لكن هذي امك وابوك يعني مفتاحك للجنه ان شاء الله يكونون راضين عنك يا رب والله يسهل عليك هذا الموقف الصعب امين وترجع حياتك

احسن من قبل ,, حبيبتي انتي اخذي زوجك وادخلي بيت اهلك بيطردونك يعني ؟؟ ما اتوقع بس كل واحد بيروح غرفته

لكن صدقيني روحي لامك وحبيها واحظنيها وصدقيني الموقف بيساعدك ولو ان العتب كبير ,, بس قولي لها انك تبين

رضاها والعفو وتبين اهلك .. الغاليه ,, لا تحملين نفسك لوم ولوم ولوم ترى انتي الي بتتعبين

وصدقيني امك تعرف اخبارك من بعيد واكيد تبي تشوفك اكيد صدقيني ,, انتي ما اشتقتي لهم لاهلك

لخواتك لجو العائله ,, ما اشتقتي لخواتك ولمة البيت ,, حبيبتي روحي لاهلك الواحد ما يظمن عمره يا الغاليه

واطلبي السموحه ,, والله يوفقك يا رب ويهنيك يا رب ,, وهذي بلوه من رب العالمين وتحملي بعمرك ,,

وصدقيني هذا الي تمرين فيه فتره وبتعدي,, حياتي انا انتظر ردك على احر من الجمر ,, وانتظر هالكلمه منك ,,

ان اهلك راضيين منك ,,

وتقبلي شكري واحترامي ,, واتمنى اني ما اكون قسيت عليك لو بالقليل البنات ما قصروا ,,

بدال لا يحلون الموضوع ,, يزيدونك تأنيب ,, خلاص انتي حسيتي بغلطتك وجايه تصلحينها ,,

بنات الي بتكتب عتب رجاءا الحرمه اكتفت والي فيها كافيها ,, ادعوا لها والله يوفقكم آمين ,,

واتمنى اشوف ردك واتطمن عليك الغاليه ,,

يالله ايش تنتظرين قومي لبسي عباتك وروحي لهم لا تتصلين روحي دخلي عليهم ,,

الله يوفقك يا رب ويهون عليك هذا الموقف امين يا رب

دعاء من اصابته مصيبة :

(( ما مسلم تصبه مصيبه فيقول كما امره الله (( إنا لله وإنا اليه راجعون , اللهم اجرني في مصيبتي واخلف لي خيراً منها )) الا اخلف الله له خيراً منها (( رواه مسلم))

دعاء الهم والحزن :

ما اصاب عبداً هم ولا حزن فقال (( اللهم إني عبدك ابن عبدك ابن امتك ناصيتي بيدك ماض في حكمك عدل في قضاؤك أسالك بكل اسم سميت به نفسك او انزلته في كتابك او علمته احداًمن خلقك او استأثرت به في علم الغيب عندك ان تجعل القرآن ربيع قلبي ونور صدري وجلاء حزني وذهاب همي )) الا اذهب الله حزنه وهمه وابدله مكانه فرح ((رواه احمد وصححه الالباني ))

دعاء الكرب :

(( لا إله الا الله العظيم الحليم , لا إله الا الله رب العرش العظيم , لا إله الا الله رب السموات ورب العرش الكريم (( متفق عليه))

قال الرسول صلى الله عليه وسلم دعاء المكروب : (( اللهم رحمتك ارجو فلا تكلني الى نفسي طرفة عين واصلح لي شأني كله لا اله الا انت الله ,الله ربي لا اشرك به شيئاً (( صحيح سنن ابن ماجه))

انصحكِ غاليتي بــ قراءة سورة يس بهذه النية ، فقد قال بعض العلماء: يس لما قرئت له .

اختي شمس انا من وجهة نظري اشوف انه اهلج ما دام شافوج وايد متسمكة في الريال وتبينه خلاص كانوا وافقوا عليه في حالة إذا كان مسلم ويقدر يعيشج المستوى اللي انتي عايشة فيه ومو داخل على طمع وانتي من كلامج اتقولين إن الريال وايد زين وكان خليتيه يحاول يتقدم أكثر عن مرة ويترياج إذا صدق شاريج في وايد رياييل يتريون بنات لين ما يوافقون أهلهم كمن سنة وبعدين المهم الحين انج تحاولين بكل الوسائل إنج تراضين اهلج وبالاخص امج عشان تتوفقين في حياتج المستقبلية والله يوفقج ويحققلج اللي في بالج آمين

يا جماعة الخير
خلاص صار اللى صار
معليش غلطة ولله الحمد ان هالانسان طلع انسان كويس عشان ما تزيد الطين بلة
بس خلاص عاد لازم امها تبارك لها وتدعي ايش حتستفيد لو فظلت كدة غير انها تدمر بنتها؟؟
لمتى بنبقى اسرى العادات والتقاليد والاشياء الغريبة؟؟؟؟ معليش يعني بذمة اي احد فيك والله شاهد على كلامكم هالحين لو امها زوجتها اماراتي وهي مو موافقة يعني الزواج بيكون حلال؟؟؟؟ لا طبعا بيكون باطل لانه ما توفر ( الايجاب والقبول )
ايش يعني لو تزوجت لبناني؟؟ خلاص هو الانسان كويس يكفي ومن قال ان بياخذ راتبها وفلوسها؟؟ هذي فكرة بنيناها لاننا قصار بالعقل ودايم اللبناني يقدر زوجته يا جماعه الخير وصديقتي متزوجة لبناني مع العلم انها اقل منه ماديا وبكثييييييييير
بس باقي رضا الوالدين لازم تحاولين اختى ولا تيأسين لان الله تعالى يبارك لك برضاهم ويزيد سعادتك سعادة
حاولي تقربيهم لبعض اختى وتثبتي لهم انه يسوى 10 من غير رجال
والله يوفقك ويهدي بال اهلك عليكي

شمس أبوظبي:
مشكورات خواتي بس للعلم انا زوجي مقتدر ادري ان الفلوس ما تدوم .. بس انا الحمدلله عايشة في نعمة واللي اهلى كانو بيزوجوني ياه كان عنده اعدادية ويشتغل في الجيش ومب مثقف .. ايهما احسن .؟؟ بعدين انا كبيرة مب صغيرة يعني اعرف مصلحتي اكثر من أهلي .. ماحد يعرف مصلحته اكثر من نفسه .. انتو بس ادعولي بان اللي في بالي يصير ومشكورات

السلام عليكم و رحمة الله و بركاته

هلا بكم أخواتي...

بصراحة...لو كنت قرأت أول مشاركة للأخت شمس أبوظبي في الموضوع...كان ممكن شويه أسكت...

لكن بعد هذه المشاركة...ما اقدر...

لأنه الأخت شمس أبوظبي لسه مقتنعة و متأكدة إنه أهلها غلطانين...و هي تعرف مصلحتها أكثر منهم...

و أصلا أول خطوة مفروض تقوم بها هي إنها تقتنع إنه اللي عملته في حق أهلها شيء كبير جدا...و في بعض عائلات لا تغفره و الله أخواتي...

و على فكرة...أنا ما تكلمت عن جنسية زوجها...فكرتي تظل هي هي...مهما كانت جنسية اللي تقدم...

الله يهديها إن شاء الله...و يصبّر أمها...

لبناني!!!!!!
مافكرتي في عيالج لو يبتي عيال شو بتكون جنسيتهم؟؟؟؟
انا لو اموت ماتخليت عن جنسية الامارات ولا حرمت عيالي منها
اي حب اي خرابيط
الواحد يفكر في المستقبل وفي العيال قبل اي شي
اوكي انتي مستانسة الحين بس كيف بتضمنين السعادة حق عيالج؟؟؟ كيف؟:؟؟؟؟؟
الحمدلله والشكر.......

اعتقد دمجنا كل من رأي الأخت مرموم و الأرومانسية و الأخت مهاري بتوصل الأخت للحل إللي لازم تسوية

و ان شاء تكون استفتدت و غيرها كمان يستفيد

الله يحنن قلب اهلج عليييييييييج كل شي ولا زعل الوالدة والله متعب.............

عالعمووم اختي حاولي اترحوون لامج واتحبين راسهااا وانتي بنتهاا مستحيل تغضب عليج للابد بس اهي بعد معذوووره لانها خاايفه من كلام الناااس لانه النااس هالايام مايرحمووون والله يستر علينااا يارب..........




أختج
سمارت قيرل