سيارتي الجديده اندعمت من اول يوم ،قهررررررررر

بسم الله الرحمن الرحيم..... السلام عليكم ورحمة الله وبركاته
اختي لا تتشائمين وسمي بالرحمن وعوذي نفسك والسيارة بالمعوذتين

وخلاص انشاء الله ما راح تشوفين شر .... والحادث دفعت بلا عن عمركم

وان شاء الله كل شئ بيكون تمام .........ومبروك على السيارة

يمكن اختج ما تعرف تسوق !!

محد بيحسدج لاتخافين كل الناس عندها سيايير راهيه


والله يعوضج بالخساره و يعطيج خيرها ويكفيج شرها

فعلا قهر ذكرتيني بسيارة زوجي يادووووب كان راجع بيها من المعرض وفرحاااااان لانها موديل حديث الا وترووووح السيارة وتنتهي حتى مانفع وياها التصليح والله ما ظلت عندة ولا حتى ساعه الله يصبرك انا مجربه هذا الشعور.

أقري كل يوم بعد الصلاه آية الكرسي والإخلاص والمعوذات

وسلااااااااماااااااااااااااااااااات

وبسم الله عليكم

فدوووووووه

بالبركة عليج الموتر

طلعي دفاعة بلا (صدقة) عن الموتر و اذبحي لج ذبيحة و وزعيها عالفقارى

و ان شاء الله ما عليج شر

الله يكون في عونج .. صلحيها

مشكورين على الرد ، والله رفعتوا من معنوياتي

عالعموم مثل ما قالت احدى الأخوات دفعه بلاء

الله يعطينا خيرها ويكفينا شرها

انا صار لي نفس الشي لما حصلت اليسن ابوي الله يطول في عمره طلع لي سيارة اول يوم دعمت فيها حتي الي دعمني تضايق لانها سيارة جديدة .والشرطي بعد غمظته وايد المهم طلعت صدقة والحمدلله مرت سنين وبعت السيارة ورجلي الله يخليه طلع لي سيارة ثانية

مبروك عليج السيارة والله يعطيج خيرها ويكفيج شرها...

اولي شي هذا شي طبيعي يعني الله الي كاتبنه..

بعدين من اليوم او رايح لا تنسين دعاء الركوووب ولا تشغلين اغاني فالسياره كله حطي صوره البقره الله بيحفضج انشالله من كلشي اتي فالحديد ولا فيج او في حد لو سمح الله سمي بسم الله اول ماتركبين لا تنسين صدقيني هاي عن تجربه احفظ الله يحفضج او يوم بتحسين انه حد يطالع موترج وانتي خايفه من الحسد صلي عالنبي في قلبج ولا تخافين من شي

وشكرا

لاحول ولا قوة الا بالله

بخري عمرج والله يعوضج خير

مبروك عليييييييييييج السياره ..

واعتبريها دفعت بلا ..

الحمدلله يت في السياره ولا صابج شي :) .. الا هي حديد ..

والسموحه :)

اختي عادي تصير هالمواقف

انا اختي اول يوم شرت سيارتها دعمت الصبح وبعد ما صلحتها وقفت عليها مرتين وهي طالعه طلعت البطاريه مفظيه مع انها يديده
وفي حد دعمها وخرب الباب والسياره واقفه وبعد اندعمت على صوب الباب الخربان وهي سايقه
في الاخير ودت السياره تتصلح وطلع المسجل والسيدي بلير بكبره خربان :ss: وبيودونه دبي يصلحونه وبيصلحون باقي السياره في الدوحه !!!!
واختي عافت نفسها السياره خلاص تبي تغيرها
واحنا متاكدين ان موديل السياره يديد وفي وايد عيوب واحسن لها تاخذ لها غيره

مب شرط يكون حد حاسدها على السياره او حاط عينه عليها

انا من اركب السياره اقول دعاء الركوب و هذا الدعاء (بسم الله اللذي لا يضر مع اسمه شي لا في السموات و لا في الارض و هو السميع العليم) ثلاث مرات

و ما سويت حادث من تعلمته يعني سنين الحمدلله..الا اشياء بسيطه جدا ما تذكر

مبروك ع السياره
والله يعطيج خيرها و يكفيج شرها

تسلمون حبيباتي على ردودكم

والله يسلم الجميع

هذا قدر ومكتوب أختي

وقولي الحمد لله عيل لو سمعتي سالفة المسلسل المكسيكي إلي عشته مع الحوادث شبتقولين :bigsmile: والله الحمدلله على كل حال

أنا من أول ماطلعت سيارتي من سنه ونص الله وكيلج تقعد معاي إسبوع وإسبوعين في الوكاله (طبعا أكون مسويه حادث) تميت على هالحال شهرين وكعقبها كل شهرين حادث الكل قال لي بيعيها وغيره بس انا قلت إلي الله كاتبه بيصير سواء مع هالسياره وإلا مع غيرها

لين من شهرين صار لي حادث كبيــــــــــــــــــــــــــــــر كل من شاف السياره وقف يسأل معقوله في أحد يطلع من هالسياره عايش (الحمدلله الحمدلله ألف حمد وشكر لك ياااااااارب) عاد هالمره تكنسلت السياره خلاص وشريت لي وحده يديده :( وألحين برجع حق الأقساط مره ثانيه (ماأحب يكون على ذمتي شي) والله يوفقني مع العروس اليديده ياااااااااااااااااااااااااااااااااااااااااااااااااااا رب :)

أهم شي إنج تتصدقين عن السياره وترقين عمرج ترى سبحان الله إذا صار شي في سيارتج هذا يمكن يكون تنبيه من رب العالمين لج يمكن فيه هفوه صغيره بحياتج وهي السبب .. ذكري ربج ورقي عمرج دايم

إقري دعاء الركوب .. شغلي القرآن ذكري ربج دايم

الله سلمج ( السهر) من الحادث ، والحمدلله على سلامتج

وان شالله بس تعلمتي من هالتجربه ، بصراحه زياغ اجواء الحادث

وفعلا ان الصدقات تبعد الأذى عن الشخص

ومع قراءه اذكار الركوب

والله يحفظ اخواتنا واخواننا من الحوداث

مشكوره آنسه دبي


بس تدرين أنا كنت أسوق قبل لاأطلع الموتر بسنه ونص ... يعني مب توني خريجه :bigsmile:

بس سبحان الله ماكانت السياره من نصيبي

والحمدلله

قولي الحمد لله الحديد يتعوض اهم شي تكونين انتي بخير

يمكن هاذي كفاره عنج

ما تدرين وين الله يكتب لج الخير

حتى لو تضايقتي و زعلتي قولي الحمد لله

و ان شاء الله تكون آخر الأحزان عليج يا رب و تفرحين و تستانسين فيها