بنات قطر : مين جربت سليم ان لايت .... أو .... دايت سنتر ... للرجيم ؟؟؟؟

هلا إختي السائلة عن مراكز الحمية،

بالنسبة لي جربت الإثنين بالأول إشتركت عند سليم ان لايت وكان بصراحة أكلهم متنوع

وسلطاتهم تفتح النفس والحلو الي يسونه بعد لذيذ، ضعفت 3 كيلو بشهر لأن أنا وزني من

النوع الي ما ينزل بسرعة، بس مع المشي ترتب جسمي وتوسعت تنانيري بشكل ملحوظ.

بصراحة خدماتهم زينة وأخصائياتهم متعاونات، بالنسبة لأسعارهم أنا كنت مشتركة من زمان

وكان سعر الإشتراك 1600 ريال اما الحين زادوا المبلغ ل 2000 ريال، بس الي كان عنده

ملف من أيام ال1600 حتى لو جدد إشتراكه بيكون 1600 ريال،

أما بعد ما خلصت من سليم ان لايت في ناس نصحوني بدايت سنتر وقالوا أن أكله أحسن،

بس بصراحة الكلام غير صحيح! يعني غلاء على مادري شنو!! السلطة تكون مب فرش يعني

الخس ذبلان ومرة من المرات اتصلت فيهم واشتكيت لما طلعت السلطة من الثلاجة لقيتها

متجمدة والله العظيم أتكلم جد، رميت السلطة وأنتوا بكرامة في الزبالة، ما عرفت السبب؟

مع أن سلطات سليم ان لايت تبقى في الثلاجة فرش حتى لليوم الثاني!! أكلاتهم ما تتنوع

كثر أكلات سليم أن لايت، سليم أن لايت أكلاتهم فيها تنوع أكثر.


أتمنى إني أفدتج أختي الكريمة:flower: