من مسوية تنظيف أو طيحت تجاوبني

هلا حبيبتي هاذي اول مشاركه لي بس حبيت اقولج انه هالشي صار لي وقالولي لازم اخذ فتره راحه يعني تقريبا نفس النفاس اما الدكتوره نصحتني بعدم الحمل مره ثانيه الا بعد 6 شهور.........والله يعوضج خير انشاالله

لازم تهتمين بنفسج عشان ما يطيح البيبي ولو ان ىنا على نومة الليل لا مشتغلة ولا تعبانة قعدت الفجر على نزيف ومغص حاد كأنه طلق بس وصلت المستشفى قالوا لي

اجهاض بس انتي ديري بالج على نفسج وبعدين بعد الاجهاض لازم انفاس كامل على الاقل لمدة اسبوعين لا برد ولا حركة زايدة وأكل مكثف بسبب اللي فقدتيه من

عافية
وبعدين لارجيم ولاحمل الا بعد 6 شهور وما تشوفين شر ان شاء الله...............

مثل ما قالوا العرايس لازم عليك أنك ترتاحين حالك حال النفساء ....

ولازم تريحين ظهرك بعد الاجهاض أقلها 6 أشهر وأفضل 9 أشهر هذا أي حصل مع زوجة أخوي ......

وما عليك شر .....

أنا بنت عمتي وحليلها طيحت في الشهر السادس وقعدت بالبيت حالها حال فترة النفاس والمسكينه كان يطلع منها حليب وتشفطه بالشفاطة وترمية ...كانت تكسر الخاطر...وقالتها الدكتورة لا تحملين إلا بعد فترة ما أذكر شكثر....والمسكينة كملت سنه من سقطت وللحين ما حملت أدعولها .....

مشكورين حبيباتي على المرور وامشاركة والنصايح الغالية

هو كان الإسبوع اللي طاف دخلت المستشفى بعد ألم شديد شنه طلق وكان من إسبوع عندي نزيف ومو راضي يتوقف لما ترقدت زاد النزيف ( أنا مكملة الثالث ) م لقيت إلا قطعة عودة لما سكرت الممرضات قالوا ها الجنين :cry: المهم صدمت وكنت بين حالة حزن وفرح حزن لإني شفته ولد كامل بس صغير وفرح لأنه أمي وريلي قالولي إنه ها بيشفعلج وبيخدمج يوم القيامة المهم اليوم الثاني سوولي تنظيف

وأنا مب دارية هل أرتاح نفس النفاس وآكل أكل المولدة ولا عادي آكل أكل الناس العاديين

وأكرر شكري لكم مرة ثانية على المشاركة

حبيبتي ما تشوفين شر
و ربي يعوضك كل خير
اشربي الحبة الحمرا و المشروبات الدافيه
و ارتاحي و لا تشيلين الثقيل
و بعد اسبوع الى 10 ممكن تزاولين نشاطك العادي

حبيبتي
أنا طيحت مرتين
و سولي أول مره تنظيف لأنه كان ف الثالث
و قالولي 6 شهور ما أحمل
و شهر راحه بدون جماع
و كانوا يخلوني أتغسل بماي و ملح
لأن عقب ما طيحت الرحم كان مفتوح
و كنت أشرب الحبه الحمرا و سوائل دافيه

الله يقومك بالسلامة ويعوضج ان شاء الله

الله يعوضج خير يالغاليه ...ويرزقج بغيره ان شاء الله بس ما عندي خلفيه عن سؤالج وما شاء الله البنات ما قصروا وياج

الله يعوضنا و يعوضك الخير