رومانسية

لا طبعا لا تخلين حياتج بدون حركات ومفاجىت ....التغيير حلو...يوم بيتطنز عليج زعلي وروحي للغرفة وطنشيه ...وشوفي ردة فعلة لو ياج وراضاج معناته يحب الحركات بس طبيعته يحب يعلق وسولف....بس لو ما اهتم من زعلج معناته يشوف انه هذي الحركات مو من اهتماماته بس انتي ما عليج منه سويها وتبين رايي...سويها بكل هدوء ما اعرف شو أقولج بس لو كان عندج مناسبة مثل عيد ميلاده وأي أي مناسبة ثانية..خلي حركتج بسيطة ومو مصطنعه ....كيف؟؟ .......بقولج شو تسوين وصدقيني وااايد حلوة أنا سويتها...

يبي شموع صغيرة والأفضل تكون داخل زجاج بتحصلينها في المحلات مثل لايف ستايل وهوم سنتر وغيره....واكتبي فيها على ارض غرفة النوم كلمة أحبك بس الأفضل تكون الأرضية سيراميك وتشيلين السجادة ولا الزولية من الأرض وتختارين المكان في وجه الباب يعني يوم بيفتح الباب يشوفها وبس حطيله الهدية على السرير مع بطاقة وسوي روحج تسبحين أو مشغولة ...ولا تنسين كشختج

يعني هاي حركة بسيطة وما اعتقد يتطنز عليها .....أتمنى أكون ساعدتج..وأنا حاضرة لأي شي...أعتقد ريلج شوي نفس غقلية ريلي.....أتريا ردج؟

حياتي لا تتضايقي أصلا شبابنا كذا كلهم حسبالهم الرومانسية عيب وقلة عقل هههههههههه نادرا ما تلقي واحد رومانسي ويجاريك

سوي مثل ما قالتلك الاخت فراولة الإمارات وان شاء الله ينفع معاه ويمكن انتي تعملي ها الحركات بشكل متكرر فيحس بالملل منها

سويها بفترات متباعده ولا تتكلفين وايد يمكن هو يحب البساطة

بس لا تضايقي روحك ما في شي يستاهل