مشكلتي هي سفر زوجي

الله يعينج على هالمشكلة وخصوصا اذا كانت سفراته لغرض عمل للاسف ما تقدرين تسوين شي اما اذا كانت للسياحة من حقج تمنعينه أو تروحين معاه وين ما

يروح وحاولي تاخذين اجازة من دوامج وتروحين معاه عشان تطمئنين أكثر يمكن اذا شافج جادة كل سفرة تروحين معاه اهو راح يخفف سفراته اذا ما لغاها والله

يصبرج بصراحة صعبة على الزوجة تعيش مع واحد 24 ساعة مسافر الله يقويج عليه انشاء الله..............

الله يعينج أختي ويصبرج على فراقه انا معاج فراق الحبايب صعب وااايد

لكن معليه الأيام تركض أشغلي نفسج بالدعاء وقرآءة القران

وادعي له ان الله يوفقه ويرجع بالسلامه ان شاء الله وحاولي تشغلين

وقتج بالأهتمام بنفسج فاجئيه بلوك جديد وان شاء الله راح تعدي الأيام على خير

أختج الصبوره

طيب ما يصير تسافري معاه

كثير يسافرون مع ازواجهم لو كانت فترة

ولو كان لا فاصبري حياتي هو أكيد يسافر لمصلحتكم

أختي


انتي شو يقلقج بالظبط؟


اسمحيلي الغالية


يس ممكن تكوني مزودتنها شوي


يعني مثلا


أنتي تخافين من خيانته لج؟


أو يس من منطق السفر أنج تخافين أنه لا قدر الله يصير له شي برة ؟


أ, من شو يالظبط


علشان نقدر نساعد

الله يعينك

اذا كانت سفراته شغل ... فصعب تلاقي حل

او حاولي تسافري معاه ... حتى ولو كان شغل وكوني جنبه

خبريه انك ما تقدري تضلي شهر كاامل لحالك ....وانه صعب

الله يعينك

لا يا اختي ريم .. عمري ما خفت من خيانة زوجي

احنا صار لنا سبع شهور متزوجين

وسنة قبلها مخطوبين

ومتفهمة طبيعة عمله اذ انه فنان وعنده تسجيل في الخارج لبعض القنوات الفضائية

وعمري ما شعرت بالغيرة من معجباته لان اشوف معاملته لي مختلفة عن الكل وبالعكس تلفونه دايما عندي وانا اللي ارد على المكالمات

وتواعدنا على الصراحة من البداية

لان هو ايضا متفهم طبيعة عملي وكثرة المكالمات الواردة الي

بس المشكلة يا خوات ان سفره يجنني احس بالوحدة

وفعلا مثل ما قالت الاخت ريم اخاف ان يصير فيه شي بعيد عني

وما اقدر اسافر معاه لان الشغل ما راح يعطوني اجازة

احس بالغصة كلما فكرت بالموضوع

أختzahoora نصيحة لك لايكون تعلقك بزوجك تعلق كبير أهم شيئ إنك تهتمين بنفسك وبصحتك أكثر وماشاء الله عليك إنت موظفة وأكيد لك علاقات إجتماعية ، يعني خليك مثل زوجك إلي يقدر يتحمل يبعد عنك وياخذ شهر في الغربة وهو أكيد يحبك وإنت تحبيه ولكن شرط يكون حبك له بعقل لأن الكلام إلى تقولينه في شيئ من الجنون يمكن لأنك لسى يادوب متزوجين ، بكرة راح تضحكين على نفسك وتقولين (كديش قلبي ضعيف ).
أتمنى ماتكوني زعلتي مني ، هذا رأي لأني مجربه .
وعساك بصحة وعافية .

بالعكس يا اختي حمراء الشمس كلامك ما يزعل

بل ريحني واتمنى فعلا يكون هذا الشي اللي قلتيه ان ما اتاثر وايد من سفر زوجي لانها طبيعة شغله

بس على شرط ما يقل الحب :eek2:

حبيبيتي زهوره انا حاسه فيج لانج نفس حالتي وانا توني عروس المفروض اعيش احلى حياتي زوجي سافر دراسه بالخارج وذكرت هالموضوع بالمندى من فتره والحين صارلي 4 شهور ومو شايفته وما اكلمه الا هالوقت بالانترنت لان وقت امريكا غير عنا
اقولج اول ايام راح تكون صعبه عليج لمدة اسبوع وبعيدين تتأقلمين حاولي تلهين نفسج بزياراتج عند اهلج او قريباتج وادعيله الله يوفقه
وحمدي ربج شهر مو مثلي كل 3 او اربع شهور اشوفه شوي
الله يساعدنا

حبيبتي استهدي بالله.. هيدا شغلو الي عم يشتغلو الك ولولادك والو..
الله يعطيكي اجر الصبر وحاولي تشغلي حالك باشيا مفيدة...والله لا يفرئكون

ادخلى نادي رياضي وزوري الاهل وقت السفر سوي لحياتج فعاليات وبتنسين الوحدة

شكرا يا خوات على وقفتكم معاي

اختي سارة الله يصبرج لو انا مثلج جان ما يرجع الا يشوفني ميتة

واللللله ضحكتيني زهوره :dd:

هذا نصيبج حبيبتي احتسبي اجر ان شالله قولي ياربي ما بسب ولا بلعن و بصبر عشان ترضا عني يا ربي

:smile: والله يا سارة استغرب من صبرج

شكرا حبيبتي بنت الكويت

اختي زهورة


اعتذر عن التاخير


أختي لا يوجد حل غير انج تسافرين معاه يوم تسمحلج الظروف

و تصبرين عمرج ، بأن هذا زوجك و هذه طبيعة عمله

في ناس وايد أصعب من حالتج

مثل الأخت سارة الله يصبرها و يرد ريلها بالسلامه

مشكورة حبيبتي ريم

ردج يكفيني

وصدقيني قاعدة احاول آخذ بنصايحكم

فيه بعض الناس يقولون ان عندي حب التملك ... انتو شرايكم؟؟؟؟

أخت زهوره أنا مثلك بالضبط أول ما تزوجت يوم يسافر زوجي (لأنه يشتغل ببلد خليجي موطنة الأصلي) يمر اليوم علي كله ضيق وصياح ونكد ولا أكل ولآشي لمدة يومين تقريبا .......................لكن بعد مرور سنة تعودت على فراقه ..................الله يصبرنا .

اختي هاي السفره للشغل

شتقولين على الزوج اللي كل مايطرى على باله سافر شتسوي الزوجه في هالحاله على العلم انها ماعندها حد ولا زيارات

في البيت اهي والاولاد الزوجه مظلومه