السلام عليكم ورحمة الله وبركاته
واحشيني بنوتات
رديت من يومين من دبي ،، و الزكام والبلاعيم لعبوا بحسبتي ..
بس تصدقون من اشتري شي اقول ان طلع مثل مابي على طول بخبر بنات عروس ..
مع اني خلصت فلوس بو الشباب على الاحذيه و العطور لكن اكيد للمكياج نصيب :dd:
نشوف اول شي ايف سان لوران
Mascara Volume - 01 Black الغنيه عن التعريف
قبل ما اسافر دورتها بأكثر من مكان و يقولون لي مخلصه ..
خذت منها ثنتين من المطار ،، لأني وايد مرتاحه عليها وما استغني عنها
اخذها من الدوحه بـ 101 ولقيتها بالمطار بـ 75:up:
وخذت منهم بعد الكونسيلر اللي بفرشاته
والحلو فيه انه غير انه يخفي العيوب يعطي اضاءه حلوه تحت العين
نشوف الحين جيرلان
خذت منهم الروج Divinora Sheer & Shine Lipstick
رقمه 347
ولقيت كولكشن فيه الفرشاه
مع بودرة Meteorites Powder بس لين الحين ما جربتهم
من هيلينا روبنشتاين خذت
الروج اللي بلمعه ،، على وردي و رقمه 307
من رد ايرث
اول ما دخلت عندهم لقيت اللمعه اللي كلنا كنا ندورها ،، و عندهم منها كميات بالهبل
secret potion
خذت اللون الابيض ،، خذت منه اثنين لأن امي فديتها تحب هالسوالف
وخذت lip shine رقمه puo12
هذا لونه بس من صج اللون احلى وايد
و خذت بعد فرشاااه تهبل ،، للحواجب رووعه وتنفع بعد للآيلاينر
وايد عجبتني
من ميك اب فور ايفر
خذت العلبه اللي فيها 5 الوان روج ،، خذت درجات الوردي و درجات البيج
و تاتو الحواجب
اما بالنسبه لماك ،، مسكت نفسي عنه بس واحنا رادين لقيتهم فاتحين كورنر بالمطار ،، فما مسكت روحي ..
خذت اقلام الكحل
Out To Sea الأزرق
Smolder الأسود ،، وايد حلو وثابت
حلو للدمج و التمويه
وخذت منهم لونين مانكير : واحد على ماروني والثاني وردي
خلصنا المكياج ،، شفتوا شلون مسكت نفسي :dd:
نجي الحين للعطور
جينيفر لوبيز الجديد و فري سكسي الوردي خذتهم هدايا لبنات ..
و خذت لي عطر still من جينيفر لوبيز
خذته بعرض : travel edition ،، هو و اللوشن
عطر merveille من johan.b
كولكشن عطر Amor Amor
خذته بعرض حلو مع اللوشن و الشور جل
وخذت الزيت اللي بالجليتر للجسم ،، تبع عطر سينما ..
وخذت لبو الشباب العطور اللي احبها :dd: متسلطه
Magnetism For Men من اسكادا
واكيد اكيد اكيد ما نستغني عن Alfred Dunhill الأحمر ،، ماستغني عنه ابداً
وعطر جيفنشي
اما صج اللي ما يتفوت allure sport ،، جربوا اخذوه بنات والله ما تندمون
بس هذا اللي خذته من مكياج و عطور
شرايكم ؟؟
