للي يشترون من موقع victoria secret

.. ماعندي فكرة الغالية .. ياريت الخوات يساعدونج..

لا عادي مايحتاي تفتحين بردي في امريكا ويوصل كل الدول

بس اول شي لازم تسوين لج اشتراك عندهم وتعبين البيانات وتحطين العنوان
وبس عقب اهما بيطرشونهم لج

ادري داشة مالي سالفة بس من فيكم تعرف موقع لاسنزا؟؟؟؟؟

هلا حبيبتي هذا موضوع منقول بس ياريت يفيدج

بسم الله ابتدي

و ان شاء الله اقدر اوصلكم المعلومه



طبعا تختارين السلع الي تبين تشترينها

في السلعه الوحده في عده خيارات

مثلا انا اخترت جاكيت

طلعتلي هالخيارات
fit: هنيه تختارينم تبينه طويل او قصير او الطول العادي

select a color: تختارين اللون

size; القياس

quantity: كم حبه تبين


تنزلين اخر الصفحه تحت
و تضغطين على

Add to bag

تملين باقي الاغراض الي تبينها بنفس الخطوات

و لما تخلصين تضغطين على كلمة

checckout



بهالصفحه بتطلعلج الاشياء الي اخترتيها
في هالصفحه عندج الصلاحيه انج تحذفين و تغيرين بالي خذتيه
و ممكن لو هديه لشخص ثانيه تختارين انهم يغلفونها
gift wrap رسوم هالخدمه تقريبا 3 - 6 دولار

انزلي تحت بيطلج خيارين
انج تسجلين تسجيل جديد
او انتي كنتي مسجله و تسوين دخول عادي للموقع

في حاله التسجيل الجديد تضغطين على prosses tp checkout

بتفتحلج صفحه جديده فيها عنوان billing و عنوان الشحن

في ال billing
هذي بتكون بيانات صاحب الفيزا كارد
اول خانه لازم تختاريم منن 3 دوائر

تختارين هالخيار
International Billing Address (excluding Canada)

طبعا الخانات الي عندها نجمه ورديه هي المهمه

الخانه الاولى و الثانيه هي الاسم الاول و الاخير ( انتبهوا يا بنات حسب الي مكتوب على البطاقه فقط)
الباقي حسب الترتيب ( الخانات المعلمه بالنجمه الورديه فقط)

عنوان الشارع
المدينه
المدينه او الاماره او المحافظه
الدوله
صندوق البريد
رقم التلفون
الايميل
الايميل مره ثانيه


تحت تختارين لج نك نيم علشان حسابج عندهم
و الباسورد تكتبينها مرتين


نكمل،،،،،،،،،،،


فتح لج صفحه جديده

فيها خيارين

الاول هو الشحن العادي ( خلال اسبوعين الى 3 اسابيع)
و الثاني السريع ( خلال ثلاث الى عشره ايام)

طبعا يخبرونج في كل الحالتين متى التاريخ المتوقع للوصول

اختاري الطريقه الي تريحج و اضغطي على contiou

هالصفحه بتفتح معاج صفحه الحساب بالتفصيل
ثمن المشتريات و الشحن و رسوم التسليم و الضرايب
بتكون كلها موضحه لج



تحت عند
Credit Card Information


ادخلي البيانات التاليه
Credit Card Type
نوع البطاقه فيزا او ماستر

Card Number*
رقم البطاقه

Expiration Month
الشهر الي تنتهي فيه البطاقه

Expiration Year*
السنه الي تنتهي فيها البطاقه

و سمي بسم الله و اضغطي purchase

و انتظري الطرد يوصلج بالبريد ان شاء الله

طبعا بين فتره و الثانيه شيكي البريد الي حطيتيه وقت التسجيل
لانه مرات اذا صار في مشكله بعمليه البيع مثلا البطاقه منهيه او مافيها لمت او البضاعه بتتأخر او العنوان ناقص يرسلون لج على طول ايميل

الغزال الحزين مشكورة على مرورج

احلام صغيره مشكورة الغاليه على ردج
بس حبيت اسالج انتي جربتي تشترين من عندهم؟ وكم يطولون لين يوصلون الاغراض؟

الغاليه طفوف والله ما عندي علم يمكن حد من الاخوات تفيدج

الغاليه ام عذبه كفيتي ووفيتي اضافج مفيده يزاج الله خير

هي الغاليه يوصل مباشره بدون الحاجه لصندوق بريد امريكي

وانا كنت كاتبه شرح طريقه الشراء من موقعهم بالضبط بهالرابط


http://www.3roos.com/forums/showthread.php?t=155633

مشكورة الغاليه قوارير

بس يا بنات كيف نعرف المواقع اللي توصل للخليج من المواقع اللي ما توصل؟

دخلي قسم الشبنج الخاص فيهم
غالبا يكونون كاتبين

و اذا ما لقيتيه
اختاري اي سلعه و شيك اوت
بتطلعلج اسماء الدول

انا شاريه منه يوصل الامارات

بس حاسبوا انه المواقع اللي تطرش بواسطة الطيران الامريكي ما تشحن عطور او بدي سبراي او اي شي فيه كحول و لا يشحنون المقصات او اطقم المانيكير و الشاور جل على طول يصادروها و تروح عليكم فلوسكم

لو سمحتوا من اهل قطر الي عندها بطاقة المجموعه حق النت فيها كمن رقم قصير ورقم طويل ...ما اعرف استخدمها كلللللللش بليز قولولي شلون في فكتوريا بلييز ابي اطلب حق عرسي الحين

عادي انا اشتريت منه و وصلوه لي على البريد فالامارات