قصة ولادتي العجيبه

السلام عليكم ..

اسفه على التأخير ... وقتي قليل جدا وصايره نادرا ما أدخل على الموقع ..

ولكن dont worry متذكره الولاده كأني والده البارحه مو من 3 شهور ..

كانت البداية يوم الاربعا وبعد تأخر الولادة ب6 ايام راجعت المستشفى وسولي فحص داخلي وقالولي مفتوحه نص سم بس وطبعا نوموني بالمستشفى لأنه الماي نزل عليه..

للحين كل شي تمام .. صباح الخميس صرت مفتوحه 1 ونص سم والماي ما وقف والدكاتره خاااااايفين عليه والجنين نبضه يقل وأمي ما مقصره تسقيني بزيت الخروع وعطوني تحميله طلق صناعي ولا جاب راسه مب راضي ينزل وانا ما أحس بأي ألم وما زلت مفتوحه 1 ونص سم فقط طول اليوم..

هنا تبدأ حكايتي ..

أنا ما كنت راضيه يعطوني طلق صناعي لأني سامعه أنه مؤلم جداا ... وأي ألم يا بنات الله لا ايرويكم

الدكتوره تقول يالله وانا اقول لا اصبروا عليه ساعه وكل مره أأجل وأمي وريلي ايقولون اتكلي على الله كلها ساعات وراح تولدين وأنا أقول لاء ..

ولعبوا عليه لعبه يا بنات .. ريلي وداني لغرفة الولاده من دون علمي .. قالي قومي انسير نتمشى شويه بالمستشفى وفجأه دخلت على عنبر الولاده وعلى الغرفه المخصصه لي .. وكأنه امدخلين شاااه المقصبه ..

الدكتوره عملت لي فحص داخلي ومن بعدها نزل عليه مااااي وااااااااااااايد ما تتصورون عادي نص جالون..

ومن هنا بدأ المأساه .. خافوا على الجنين لأني تقربا فقدت الماي.. عطوني الطلق الصناعي وبعدها بساااااااعه جا الالم ... أمييييييييييييي والله ايعور .. طلق فضيع كل ما ياه يزيد

بدى فيني الساعه 12 بالليل وكل دقيقه كأنها ساااااعه ... الرحم يتوسع وأنا أمووت روحي تطلع واترد كأني في سكرات الموت.. الساعه 3 انا مفتوحه 3 سم .. الساعه5 مفتوحه 4 سم بس .. انا اهني جتني حاله تشنج من كثرة الام .. شخصت العينين وطلع لساني لبرع ( طبعا زوجي يشرح لي انا ما عندي حاسيه) وقمت أنفظ مثل السمجه الي طالعه من البحر وأزفر وأنا مفتوحه 4 سم بس والجنين نبضه نزل تحت 90 وسوا لي طوارىء عامه ... مش للعنبر بس للمستشفى كله..

عطوني ابره مخدره صراااااحه واايد ريحتني تندمت اني ما خذتها من قبل .. بعدها بربع ساعه رحت بسابع نومه حتى قمت اشخر والنيرسات يضحكون عليه .. من التعب رقدت وخلال الساعتين الي انا متخدره فيها وعلى رواية زوجي .. قرووا يعملون لي عمليه لأنه الجنين خلااااص اختنق ما شي ماااااي اينزله .. قالولي لريلي الساعه 6 اذا ما ولدت الساعه 7 ونص راح نعمل لها عمليه والا الجنين راح يموت وأنت تتحمل المسؤوليه ..

الساعه 7 ونص في غرفة الولادة استشاريه و3 دكاتره و5 نيرسات سوولي فحص وكنت بفضل الله مفتوحه 8 ونص وانا كنت نايمه وبعدها اسمع ريلي ايقول يالله ازفري بتولدين يالله ..

عاد انا راقده لي ساعتين واستجمعت قوتي وقمت ازفر من القو وطبعا ما في اي الم لأنه الرحم اتوسع خلاص ...يابوا الشفاطه وشفطوه.. ربع ساعه وجان اولد كانت الساعه 8 الصبح ... كان لونه أزرق... فقير ظلمته معاي

عاد انا ملقوفه ابا اعرف ولد ولا بنت ... عقووووه على صدري ... يااااااااااااااااااااااااااه شعور لا يوصف .. الحمدالله طلعه بنت مو ولد عشان أحس بالأمومه ......... والسموحه على الاطاله