مشكلة ... هو يحبني بجنون وانا ما احبه...انصحوووني

ويييينكم

للحين 6 دخلو وما ردو علي ...

ليشششششش

مش عاجبكم .... المشكلة !!!!

[align=right] السلام عليكم ورحمة الله وبركاته
قرأت مشكلتك حبيبتي وحبيت أنصحك
هاي مو مشكلة هاي نعمة من عند الله سبحانه وتعالى انك تلاقي إنسان يحبك بجنون ومين الي ما تتمنى هاي الشغلة
انا تزوجت منذ فترة إنسان أحبه ويحبني لكن بحكيلك بصراحة مشاكل الحياة او المشاكل اليومية ممكن تخلي الزوج مو متل أول يعني زوجي مو حنون مثل ما كان وكانت كلمتي عنده إلها معنى لكن بعد الزواج هاي الشغلة اختلفت
فإنتي إحمدي ربنا انو عندك انسان يحبك بجنون، لأنه بعد الزواج هاد الجنون بيصير حب عادي ومعقول لأنه أكيد بيخف مع الأيام ويتحول لنوع آخر من الحب ، حب عشرة ومعاشرة يومية

لكن إزا كان سبب عدم محبتك له سبب مقنع كأن يكون فيه صفة لا تحبينها إطلاقاً أو سبب عدم تساوي الحالة الاجتماعية او دينياً مثلاً حينها أنصحك تتركينه

لكن إذا ما في سبب فتأكدي أن الشعور بعد الزواج شيء مختلف

وحاولي انك تلاقي فيه صفات حلوة تحبينها

وأسأل لك التوفيق من الله
هذه نصيحتي الشخصية من خبرتي القليلة، وأرجو من بنات عروس الأخريات أن يفيدوكي أكثر مني عزيزتي

حبيبتي احمدي ربك على النعمة اللي عطاج اياها غيرج مب لاقين وانتي مب عاجبج ليش يعني ماتحبينه دامج تقولين انه متدين ويحبج اشتبين اكثر حبيبتي

تعوذي من ابليس ولاتستهينين بالطلاق اللي ماعرسوا للحين مب لاقيات فما بالج وحده مطلقه

ونصيحة من اختج

اخذي اللي يحبج مب اللي انتي تحبين لانه راح يسعدج ..........

تعوذي من ابليس واقري المعوذات على عمرج

تحياتي

حبيتي والله اني حاسة فيج

انا مريت بنفس المشكلة .... وكنت بتطلق من زوجي الحين في فترة الملجة والسبة هالشي

توكلت على الله وقلت واحد يحبج احسن من واحد تحبينه..... و طبعن استشرت وايد ناس وصار الزواج والحمدالله

والله يا اختي اني اف اقل من سنه استوييت احبه اكثر من يحبني
استويت انا المينونة فيه....
بتقوليلي كيف... أنا اقولج اختي

كنت دوم ادعي ربي واقوول يارب انا ما احس اي احساااس حب تجاه هلانسان وبالعكس اكرهه.... ساعدني يارب لو هو من نصيبي وفقني وحببه لي

والحين صارلنا متزوجين سنتين... والحمدالله سمن على عسل


نصيحة من قلبي .... لا تفوتين ريال يعرف ربه ويحبج ... ادعي ربج انه يوفقكم ويشيل الافكار الشينه من راسج


والسموحة منج اختي

ماقدرت اقرى مشكلتج واتجاهلها

حاسه بكل كلمة قلتيها .. ومقدره مشاعرج

عزيزتي انتي كنتي تحبينه.. والحين صرتي تكرهينه

والعرس قريب.. وايد ناس يوم قريب العرس يتوترون ويكرهون عيشتهم والزوج ياكلها

عالاقل زوجج حنون ويحبج ويعرف يتعامل معاج .. قولي الحمدلله

عيل شوتقولين عن ناس محرومين من هالمشااااااعر؟!؟!

الله يكون بالعون ان شاءالله

السلام عليكم و رحمة الله و بركاته

عارفة متى تحسي إنك بتحبيه ؟

لمّا تفقديه من حياتك...ساعتها بس راح تحسي إنه كان يملأ حياتك بحبه و عطفه و حنيته عليكي...

لكن هكذا دوما النفس البشرية...تركض وراء اللي يبيعها...و ترفض الذي يشتريها...

إبعدي عنك الشيطان أختي و توكلي على الله و لا تنسي الإستخارة...و ربي يوفقك إن شاء الله...

استخيري قبل لا تفسخين العقد

ترى تقدرين تحبينه لو بغيتي هالشي

حاولي وموفقه ياقلبي

استخيري وادعي ربك في جوف الليل

(( اللهم أصلح لي شأني كله ولا تكلني إلى نفسي طرفة عين ))

وربي ييسر لك أمورك كلها بإذنه تعالى.

حبيبتي تعوذي من ابليس تراك في نعمه ونصيحتي حتى لو ماكنت تحبيه حاولي انك تبيني له العكس ومع عامل الزمن راح تشوفي انك صحيح تحبيه.
اتمنى اني افدتك

تحياتي

ان شاء البنات فادوج وكلامهم صحيح 100%

أنا مع رأي الأخت السولعية


توكلي على الله و ادعي ربج بالهداية

و مثل ما قالوا الجميع يحبج أحسن من تحبينه و هو ما يواطنج

حبيبتى فجر الليل انا مشكلتى مثل مشكلتك بالظيط

بس الحمد لله اقتنعت بكلام ونصايح اخواتنا ونتوكل على الله

وصدق رسولنا الكريم حين قال اذا جائكم من ترضون خلقه ودينه فزوجوه

مرحبا الغاليه
انا وحده مريت بنفس احساسج ويمكن اخس تدرين ليش
لاني ملجت غصب ومااا كنت ابغي زوجي وكنت احس اني مب مرتاحه وياه وساعات كنت احس اني اكرهه واني مستحييل القى السعاده معاه مع انه طيب وااااااااااايد وحنوووون بصووورة فضييعه وحبني مووووت من كل قلبه وابد ما قصر فحقي بالعكس يحب يدلعني ويسوي لي كل شي وفوق كل شي هو انسان ملتزم ويخاف الله فيني وحتى لما كنت افكر اقوول هذا ما فيه مثله ابد .. بس انا ما احبه

هذا كان اول شهرين او ثلاث شهور .. لكن عقب والله يالغاليه قمت شوي شوي اتعلق فيه وبعدين احبه والحين ما اتخيل حياتي بدونه مع اني ساعات وللحين تييني لحظات احس اني ماباه بس بعد احس اني لو تركته ما بقدر اعيش دونه .. واتذكر ان الشيطان شاطر في فتره الملجه ويدور اي شي عشان يكرهني فيه ..

مهما كان الحب الحين في فتره الملجه كبير او صغير .. بعد العرس كل شي يتغير وكل شي يزيد .. انتي بنفسج بتحسين انج ما تقدرين تخلينه وانه هو صار لج كل شي

اصبري عليه وتذكري ان انتي ما عندج سبب مقنع لطلب الطلاق فلا تضيعينه من يديج وهو ما يستاهل ولا له ذنب اذا حبج وااايد .. فكري في هالشي ولا تخلين الشيطان يقص عليج .. واول واخر شي عطي نفسج فرصه اكبر انها تحبه ولا تياسين ابد ..

الله يحفظج ويوفقج امين

كل اللي بقوله قالته عزيزتي مرموم ما شاء الله كفت و وفت بس عزيزتي استخيري و الله يكتب اللي فيه الخير

البنات كفوا ووفوا
جزاهم الله كل خيرى
حبيبتى استخيرى الله
ومن راى خدى اللى يحبك لانة هياف عليكى و يقدرك

دومتم بود
ايما

اختي الغاليه السلام عليكم ورحمة الله وبركاته
اختي اخذي واحد يحبج ولا انيج انتي تحبينه لانه في هالزمن صعب تحصلين شخص يحبج وغيرج يتمنى يحصل شرات خطيبج متدين ويحب زوجته اختي الغاليه تعوذي من ابليس ولا تخلين مشاعرج تلعب فيج وفكري بعقلج زين ما زين
اختج
بنت زايد555

كلام الأخوات صحيح لاتتسرعي وبعدين تندمي وقتها مافي شيء يرجع الماضي استخيري الله وتوكلي .

لا تفوتين انسان يحبج ويغليج ... وخذيها منى نصيحة ... خذي اللى ايحبج ولا تاخذين اللى اتحبينه ....

وبعد الزواج شي ثاااااااااااااااااااااااااااااااااااااااااااااااااااااني ..... وصديقنى بتتعلقين فيه وبتحبينه غصب ... مب طيب وحنون ويحبج ....ويستحمل كلامج مرات اللى يجرح .....طبيعي بتحبينه .... وين اتحصلين ريال يستحمل شي يجرحة ما فيه ياماما ما فيه ....
ولا تستهيين بالطلاق .... الطلاق مب شي سهل ... اشدارج مب يمكن تتطلقين لا سمح الله ولا يتقدملج حد ..... ما تدرين ....

والله وانا 100% مع الاخت مرموم ..... لما تفقدينه من حياتج راح اتحبينه ...
عندي لج فكره واختبار سهل ..... اقطعي عنه اسبوع وشوفي ..... وانا متاكده انج راح تفتقدينه ......

تعوذي من ابليس ... وتوكلي على ربج ... واموفقه يارب

جزاكم الله الف خير

مشكورين كثيييييييييير

والله نصايحكم تسوى الذهب

وخاصة انو بعد ما قرات ردودكم قررت اتوكل على الله ... واعيش مع زوج يحبني ...

ولان ردودكم اعطتني الفكرة الصيحة والحل الوافي ... انا الان بحاول اجهز الشقة ...علشان العرس شهر اربعة ...

الله يسعدكم دنيا واخرة .....

وراح احاول احبه ...وراح احاول ما اشوفه اسبوع علشان اتاكد اذا انا بحبه ولا لا ....

مشكوورين كثيييييييررررر


مع تحياتي

الله يزوج االبنات
واللي متزوجين الله يسعدهم مع ازواجهم



السلام عليكم