مشكلة ... هو يحبني بجنون وانا ما احبه...انصحوووني

[grade="FF1493 800080 FF1493 800080 FF1493"]الحمدلله انج اقتنعتي اختي

والله يوفقج معاه دنيا واخرة


ودايما قولي وما توفيقي الا على الله

والله يوفقج حبيبتي :)[/grade]

انتي عندج كنز وحاولي تحافظين عليه......الله رزقج بزوج متديّن وخلوق وفوق هذا كله يحبج...احمدي ربج على النعمه اللي انتي فيها والله يوفقج...

..


حبيبتي انا بعد مريت بنفس احساسك ولد عمي خاطبني فوق ال20 مره وانا اقول ياربي مااقدر اتقبله

ولا احبه كنت اقنع نفسي بكلام فاضي مع اني متاكده اني لو تزوجته بكون اسعد انسانه لانه يموت فيني

حاولت اقنع نفسي ماقدرت في البدايه لكن الحين جديا افكربالموضوع وانشاء الله خير

وعندي صدقيتي متزوجه من 3 سنوات وللحين تقول مرات اقول ياربي ماني طايقته لكن تقولي مستحيل

اتخيل حياتي من غيره يعني مثل ماقالو البنات لو فقدتيه بتحسين بقيمته تقولي صديقتي في ايام خطوبتها

قالت له لا تكلمني اسبوع ابي اختبر نفسي مجنونه المهم تقولي والله ماقدرت تنتظر يوم واحد وهي اللي كلمته

كل اللي بقولك فكري كويس انسان يحبك احسن من مستقبل مجهول

والله يوفقك يارب

اختي للاسف مرات يصير الحب قرار اتخذي قرار و قولي انا بحبه وراح تحبينه

وادعيى ان الله يحنن قلبج عليه

الله يوفقج..................

واتمنى يا اختي تذكرين دائما محاسن زوجك...

وصدقيني بتحبينه...........

أختي توكلي على الله ... وتزوجي

زوج يحبج وحنون ... هذي نعمة من الله لا تردينها ترى النعمه زواله

بعدين راح تتحسفين وااااايد
والفرص ما تجي إلا مرة وحده...

الله يوفقج و يسر امرج و يشرح صدرج و يوفقج مع ريلج .. و تصير خياتكم كلها افراح!! و يبعد عنج الهم و الغم و تفكير آآآآآآآمين

لكن هكذا دوما النفس البشرية...تركض وراء اللي يبيعها...و ترفض الذي يشتريها...

كلام صحيييييييييييييييييح

احمدي الله غيرتج في تعاسه وحزن وعداوة

وانتي ما حصلتي شي تتكدرين فيه ؟؟؟

يارب اجعلني لزوجي قرة عين و الله ان اصير له جاااااااااااااااااااااااااااااااااااريه ........لو يعطيني هالحنان والحب اللي تقولين عنه

كلمتين و سد غطاااها ....
(خذي وااااااااحد ايحبج و ايموووت فيج ... ولا تاخذيين واحد انتي اتحبينه)

اقري على نفسج حبيبتي يمكن عين ولاسحرر

بقولج شي حبيبتي ...
انسان غريب عنج .. اكيد ما تحبينه
بس لو انه واحد من الشارع بسرعه بتتعلقين فيه تدرين ليش .. لان الشيطان يحببج في الحرام و يبعدج عن الحلال ..
يدخل في قلبج ويقولج انتي تستاهلين اللي احسن منه
انتي لو صبرتي شوي يمكن ياج نصيبج واحد . متعلم اكثر منه مثقف .. و حنون و يمكن اغنه من هذا و وسيم بعد
و انتي الكل يتمناج .. و الكل كان حاط عينه عليج ... و انتي و انتي يغرج في نفسج .. و ما يخليج تقولين الحمدالله على اللي عندي

الحمدالله على ريال يحبني .. و وايد ريايل حريمهم مثل القمر يغازلون من ورا حريمهم
ريال كريم معايه ... وايد حريم يحترق ويها كل شهر وهيه تطلب من اهلها عشان ما تقصر في عيالها
ريال يحترمج ... و وايد ريايل الحرمه عندهم مثل الطوفه لا كلمه ولا راي
ريال طيب معاج يمكن يداريج و انتي مريضه .. و يخاف عليج لو تعبني ... و في ريايل يخلون حريمهم يكرفون مثل البهايم حتى لو هيه تعبانه .... لا تقدير ولا شكر و لا احترام


اختي فكري فيها لو ريلج فيه 3 صفات زينه من هذا بوسي ايدج ورا و جدام و سيري بوسي راسه و قوليله انت تاج راسي و عزوتي و انا من غيرك في هالدنيا اضيع

حبيبتي حريم وايد ريلهم صفر لا اخلاق و ما فيهم ولا صفه من هالصفات

الحينه انتي قرري ريال يحبج .. ولا ريال انتي تحبينه و هو رافسنج ؟؟؟ ولا يحترمج ولا يقدرج ولا حتى كلمه شكر على تعبج معاه ؟؟؟

الله يدخل الحب في قلوب كل زوجين اللهم اجعل بينهم موده و رحمه .. و ابعد عنهم الشيطان

الاخوات كفو ووفو ماشاءالله

السلام عليكم

الله يجزاكم الف الف خير

ايقضتوني من غفلة ووالله انا في نعمة والشيكان يحاول يزيين لي الطريق الخطا

الله يسعدكم دنيا واخرة

الله يفرج عليكم

الله يزوج كل وحدة لس ما تزوجت

الله يسعد كل وحدة متزوجة

والله ما قصرتو

السلام عليكم

زين يوم البنات اقنعوج


الله يوفقج يارب

حبيبتي فجر الليل ..
متعة المرأة الحقيقية في أن تجد من يحبها .. وليس فقط أن تجد من تحبه هي
لأن المرأه مادا تريد من الزواج؟؟؟؟؟؟؟؟
ألا تريد من يدللها؟؟ ألا تريد من يسمعها كامات الحب والغزل ؟؟ ألا تريد صدرا حنونا يحميها من برد الشتاء وحر الصيف ؟؟؟؟؟؟؟؟
ألا تريد إنسانا يشعرها بقدرها ؟؟
حتما أنك تقولي الان بلى بلى بلى .... من يحبك هو من يمنحك هدا وليس من تحبينه ثم أن مشاعر المرأة سرعان ما تتحول لصالح الرجل بمجرد ان تجد منه الإكرام فلا تقلقي أبدا.. ولكن أعطي نفسك فرصه
ثم إن اهتمامه الزائد بك الان قد يشعرك ببرود مشاعرك تجاهه.. لكن .. وأكاد أقسم ... أنه لو توقف في إظهار مشاعره لوجدت في أعماقك ما لم تتوقعيه في نفسك ؟ ثم أكثري من الدعاء .. أما الطلاق فلا والف لا
انا مطلقه .. وأعي مرارة هدا الحدث وإن سعيت إليه المرأة بنفسها

الحمدلله على كل حال
وكل حد مب عايبنه حاله ..ابن ادم غريبببب
الوتحد ماله الا الدعاء
والله يعين الجميع

السلام عليكم

عزيزتي فجر الليل

معقولة تكرهينه ؟

و لم هذا الاحساس فهو لا يكن لك الا مشاعر الطيبه و الرجولة و الحب

عزيزتي

ارجوكِ لا تتخذي قراراً تندمين عليه بعد

فهو مثال الى الزوج الحنون الصالح محب لزوجته

مع مرور الايام و عيشكم معا ً ستقعين في حبه كليا ً

و انا متأكدة بأنك لم تعرفي جانبا ً منه

تعرفي عليه اكثر و اكثر

قبل ان تقدمي على هدم ما بينكما

و ليوفقك الله لما فيه خير و صلاح و يرزقك بالزوج الصالح و الذي يسعدك
زوجا ً كهذا لا يفوت ابدا ً يحبك ِ بل هو مغرم بك ِ

لا تتسرعي و استخيري

اختكِ

a witch

خيتو انا ما ادري بسوالف الازواج ولاشي بحكم اني صغيرة عمري 16


بس اقول لج اذا ما اتحبينه ليش اخذتييييييييييه ؟؟؟؟؟

واحمدي ربج على هالنعمة اللي عطاج اياها ما اتحصلين مثله هذا لازم اتشيلينه على كفوف الراحة وعلى حسب ما يقولون تعلقين صبوعج شموع له


وتقربي من ربج وايد واقري القرآن و او صيج بقيام الليل والدعاااء

يا حبييتي والله نفس شعوري أتجاه خطيبي بس حطي فبالج
(الحب يأتي بعد الزواج)(r)(r)

حبيبتي ان ابغض الحلال عند الله الطلاق
يعني انا برايي انك تتعوذي من الشيطان ولازم كمان تقعدي مع حالك وتكوني صريحة وواضحة مع نفسك
يعني اسالي حالك شو هي الاشياء اللي انت ما بتحبيها فيه او بتكرهيها فيه
وكوني عادلة في الحكم عليها يعني ازا كانت سيئة كتير حاولي انك تغيريها
بس انا بحكيلك ما بصير انك تفكري بالطلاق
لانو انتي هلا بنعمة بالنسبة لغيرك حرام تضيعي النعمة من بين ايديكي
والله يوفقك