بنتي سمينه ساعدوني الله يفرج لكم

الغاليه والله ما عندي فكره...بس احس ماشالله على بنيتج كل شي عندها تمام مثل اعيالي....انا والله بنتي الثانيه ما شالله عليها كانت في زياده والكل كان يقلي بنتج متينه ومتينه بس اول ما كبرت ومشت والحين عمرها ثلاث سنوات واربع اشهور ما اتقولين انها اهيه الاوليه ابد وبعد روحتها المدرسه واللعب والركض وايد خذ من جسمها..ضعفت وايد وبعد نفس الشي مع ولدي الحين الثالث عمره 5 شهور والكل ايقولي انه عمره اكبر بس احس هذا كله يروح بعد المشي .. والركض واللعب..
انتي لو شايفه انه بنيتج واضح عليها السمن لا تتريين اعرضيها على دكور وان شالله تطمني ....

[grade="00008B FF6347 008000 4B0082"]
السلام عليكم

حبيبتي ما عندي عيال ولا مريت بها التجربة

بس زوجة خالي نفس الشي كل ما تولد تجيب عيال ما شاء الله عليهم دباديب وحلوووووووين وهم كذا

وحتى لو بغيت اشيلهم كنت احس بصعوبة ما شاء الله عليهم من المتن بس كل ما يكبروا يضعفوووووووووا ويصيروا نحاف بالمرة

بس لو خايفة جربي تسألي دكتورة أطفال اكيد عندهم طريقة للتنحيف

والله يحفظها لك يا رب وتشوفينها عروس[/grade]

تسلمين أختي شهاده على الرد ..الله يجبر بخاطرك ويحفظ لك عيالك..
بالنسبه لبنتي الدكتور اللي يتابع حالتها وتطعيماتها نصحني أعرضها على أخصائي تغذيه وعطاني نصايح لكن تعرفينصعبه نتقبل فكرة أخصائي تغذيه و رجيم لطفله وأول المعارضين والدتي الغاليه و زوجي ..تصدقين عاد حتى هي متأثره من سمنتها اذا ضحكت تتعب و ما تقدر تركض مثل الاطفال بسرعه..انا خايفه عليها واللي مضايقني أكثر تعليقات الناس والدكتور عمل لها تحليل هرمونوطلع الحمد لله كل شي تمام فقال احتمال الغلط في نظامها الغذائي والصراحه انا حملت لما كان عمرها 6 شهور فما كنت اهتم في اكلها و كانت عايشه اسهل حاجه اعملها (حليب, سيريلاك,زبادي,عصير فواكه)بس الرز واللحم والخضار .......الخ ماكان عندي وقت اعملها لاني كنت حامل بتوأم وتعبانه وانا من النوع اللي مااحب اعتمد عالخدامه في كل شي بالذات في عمل اكل بنتي لكن الدكتور كان يقول ممكن يكون عندها قابليه واستعداد للسمنه وان التركيز عالحليب الصناعي احيانا يسمن الاطفال مع اني كنت ارضعها صدري قبل مااحمل واعطيها رضعة صناعي بالليل بس لما فاجأني الحمل اعتمدت عالصناعي..وبالنسبه للوراثه ما عندنا سمنه غير عاديه او مرضيه في العائلتين.

malaakغاليتي..

شاكره لاهتمامك ..بصراحه انا تعبت معها وعلى قولتك انا كنت الاحظ كل الاطفال اللي حولي لما يبدأون الحركه الزحف والمشي ينحفون بس اللي شاغلني ان بنتي عكس الاطفال تسمن وبسرعه والزياده اكثر من الطبيعي بكثير سمعت ان لشاهي الاخضر ينحف هل اقدر اعطيها رضعه منه بس مخففه مره مره مع الحليب اللي عندها فكره ترد علي الله يرزقك بالذريه الصالحه.

الغاليه اذا انتي اتحسي انها صجق البنت تعاني من سمنه والدكتور نصح بنضام غذائي فانصحتح تتلاحقين عمرتج ...عطي البنت اشياء مفيده لاكن ما اتسبب سمنه واتشبع في نفس الوقت مثل الفواكه وعطيها ماي بكثره وعصاير ولا اتكثري من الاكل الجاهز...ولا اتكثري من الاكل الدسم وان شالله تطمنين عليها

اختي شهاده ..
البنت ما تاكل الى الان الا الاشياءاللي ذكرتها لك سابقا وهي (الفواكه و الحليب و الزبادي و السيريلاك)مع ان عمرها سنه و نص بس ترفض الخضار و اذا غصبتها و اكلتها وهي تلعب او مشغوله بالتلفزيون ترجعه لي لاني ما عودتها قبل السنه عالخضار و باقي الاكل والسبب انشغالي بحملي ..عشان كذا انا سالت عن اشياء تنحف لان بنتي ما تاكل مثل باقي الاطفال بس عندها قابليه للسمنه .

الغاليه وايد تاخرتي على البنت في الاكل لو انتي حامل وانشغلتي بالحمل بس والله حرام ....الناس يبدون من عمر اربع اشهور او ثلاث .. بس بعد الله يعينتج ان شالله على الحمل والتربيه....غصبيها على الاكل لو رجعته مو مشكله المهم يدخل معدتها لو ماطاعت حطي الاكل قدامها وهيه رايحه وتلعب ان شالله بتاكل بس لازم تتعود على الاكل الطبيعي لانتج بعدين وايد بتعانين ...غصبيها امنعي عنها الزبادي السيريلاك وان شالله بتيوع وبتاكل الاكل الى انتي حاطته لها ...حاولى معاها واذا انتي تعبانه من الحمل وغيره الله يعينتج كلفي الوالده او ابوها يحاول معاها وان شالله تطمنين عليها واطمنينا يارب

عزيزتي ماحد راضي انا مررره متقطعه على ولدي ابيه يسمن شوي الكل قالي نوع الحليب الصناعي له دور ممكن انت تعطينها سيملاك غين او نيدو

تسلمين أختي الغاليه شهاده ..
بحاول مع اني اتضايق لما تستفرغ بس الله يعينني ولك خالص تقديري..وبالاول انشغلت بالحمل و الان بالاطفال الجدد بس لازم أحل المشكله باسرع وقت.











حبيبتي omdoody
والله انك صادقه محد راضي بس والله انا مهتمه بموضوعها لانه زايد عن حده و ملفت بالمره للناس وخايفه عليها ..عموما انا كنت أعطيها حليب بروجرس الى 6شهور و بعدها بروميل وبعد السنه بروجرس (وهذي الانواع مكمله لبعضها ومن نفس الشركه )

أتمنى لو يتم نقل موضوعي لمنتدى الصحه و الطب بليييييييييييييييييييييييييز

اللي عندها طفل بعمر بنتي ممكن اتعرف على وزن ابنها ونظامه الغذائي من يصحى من نومه والساعه كم الى النوم ..الله يخليكم حبيباتي.

حبيبتي omdoody
والله انك صادقه محد راضي بس والله انا مهتمه بموضوعها لانه زايد عن حده و ملفت بالمره للناس وخايفه عليها ..عموما انا كنت أعطيها حليب بروجرس الى 6شهور و بعدها بروميل وبعد السنه بروجرس (وهذي الانواع مكمله لبعضها ومن نفس الشركه )[/QUOTE]

سوري أقصد حليب أس 26 من الولاده الى 6 شهور..

السلام عليكم ورحمة الله وبركاته

أختي الغالية أصغر ماما

أسأل الله العظيم رب العرش العظيم أن يحفظ إبنتك ويبارك لك فيها

غاليتي إرسلي لأختنا أخصائية التغذية عذبة الاحساس

وإن شاء الله تساعدك بإعطائك بعض التعليمات والنظام الغذائي المناسب لإبنتك

تحيتي لك

شاكره اهتمامك يالغاليه..
و منى للاخت عذبه .............

شدعوى يا أخوات اللي عندها فكره لا تبخل علي بالرد ..

الاخت عذبة الاحساس ارسلت لها علاخاص بس ماردت عسى المانع خير بانتظار تفاعلكم ..

هلا حبيبتي ..،


نحنا درسنا للتخفيف من سمنة الاطفال ..


هو:-


- التقليل من الحلويات يعني حلاوة وحدة في اليوم تكفي .. وبعد الجبس مثل ليز وشيتوس وهذي الانواع ..

- خليها تخفف من الدسم مثل المعكرونة والعيش والبطاطا والاكلات اللي كلها دهون ..

- والاحسن في الغداء والعشاء السلطة مع تخفيف الاكلات الدسمة في الغداء والعشا .. ويستحسن يكون عشاها خفيف ..

- اعرف ان مو بالسهولة تخلينها تخفف من اكلاتها اللي تحبها بس اوعديها مثلاً لو نقصت خمسة كيلو تاخذيلها اكسسوارات او العاب او اشياء تحبها .. لجد ما تنقص وبعدها بتتعود شويه شويه ..


وان شاء الله تنفع طريقتي ..


ولا تنسين خبريني اول باول .. وسلميلي عليها وايد وايد .. ^_^


يعطيج العافية ..


تحياتيـ .. ^_^

تسلمين أحلى بنوته دلوعه ..
حبيبتي بالنسبه لتخفيف الاكل والله البنت ماتاكل كويس بس معتمده عالحليب و الزبادي و الفواكه والطماطم بس ؟؟؟
والحلويات تاكلها بس مو كثير و مو كل يوم حتى ..
وللأسف عمرها سنه و نص ماتفهم انو لو نزلت كم كيلو حتاخذ هديه ؟شفتي اني في ورطه ههههههه
وكان ودي اسأل عن الشاهي الاخضر او قشر القهوه لو خففته لها و عملت منه الرضعات ينفع
دلـــــــــــــــــــــــــــــــــــــــــــــــــــــوني؟
عموما انا شاكره ردك يا حلوه.

أنا كنت اتخيلها كبيرة يعني 5 ..6 سنوات ..


اما اذا هي صغيرة ..


عادي ..



انا يوم كنت صغيرة كنت دبة وايد وايد وايد ههههههههههه .. بس الحينه يقولولي لازم تزيدين وزنج لاني ضعيفة .. ^_^



ما عليج ان شاء الله يوم تكبر بتتغير وحاولي تخففين شوي من الاكل .. ^_^ ..


تحياتيـ لجـ .. ^_^

السلام عليكم ورحمة الله وبركاته

غاليتي

أصغر ماما

اسعد الله أوقاتك بكل خير واشكر كل العضوات على المساعده

عزيزتي

المشكله مو بالبنت المشكله أسمحيلي فيك إنتي

إحنا نترك أطفالنا وما نتابعهم وبعدها نعض إصبع الندم

قبل ماأسألك عن بنتك شي ودي أسألك سؤال صريح كيف نظام البيت الغذائي ؟؟

وأنا متأكده إن عندكم مشاكل غذائية وعادات غذائية خاطئة

والسمنة عند الطفل إذا ماكان لها علاقة هرمونية فالسبب يعود على النظام الغذائي الغير متوازن

ونفسية الطفل وأنا أعتبر نفسية الطفل هي الأساس

كثير من الأمهات ما تحط هذا الشي في الأعتبار دائما صغر السن يحسسنا إن الطفل مايحس ومايفهم

مع إنه يكون حساس مره في سنواته الأولى وهالشي يكون شخصيته في المستقبل

غير كذا إنتي حملتي والبنت صغيره أهلمت وماأخذت حقها من الإهتمام وصدقيني البنت الأن راح تحس وتشوف

نفسها وإذا ما أهتميتي فيها من الأن راح تسؤ الحاله نفسيا وتغذويا

أنا ماأقولك هالكلام علشان أخوفك لا أنا أبغى منك عزيمة قوية وإراده لأن صحة الطفلة أمانة في عنقك

وبعدين ليه مانبدأين نظام غذائي النظام الغذائي أكيد راح يكون مع مختصه وماراح يكون كلام أبوها ووالدتك حفظها الله

في صالحها لا تجلسين مع والدها وتناقشون المشكله وتبدأون بوضع الخطط للعلاج ومن أهمها الأخصائية الغذائية

حبيبتي إذا حابة أساعدك راح أساعدك ولا تخافين بس أبي ردك

عذبة الإحساس..